Lu Santo Vancieliu secunnu Matteo 10

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹CHIAMATUSE de banna li sue dudici discipuli, E deze ad illi lu putire supra li spiriti favuzi, ppe le stravijare, e de sanare tutte le malatie, e ’ nfiermitati.²Li numi de li dudici Apuostuli sù chisti. Lu primu, Simune, autrimienti Pietru, e 'Ndria, chi l'era frate,³Giacumu figliu de Zibideu, e lu frate Giuvanni, Fulippu, e Vartulumeu, Tumasi, e Mattio lu prubbicanu, Giacumu d'Alfeu, e Taddio,⁴Simune Canineu, e Juda Scariota, chillu, chi pue lu tradiudi.⁵A sti dudici Gesù mannaudi ’ngiru, e l'uordinau de sta manera: Un jati jiennu duve li jentili, o trasiti dintra ’ncuna citate de li Sammaritani:⁶Ma jati cchiù priestu duve le piecure sperdute de la mandra d'Isdraiellu.⁷E via faciennu trummettiati, e diciti: Ca la riegnu de li cieli è vicinu.⁸Dati ’nzubitu la salute a chilli, chi sú malati, rivisciti li muorti, munnati li lebbrusi, stravijati li demuoni; ’nzumma dati ppe senza nente chillu, chi ' ngratis aviti ricivutu.⁹Nun vuliti avire nnè uoru, nne argientu, nnè dinari alle sacchette vostre:¹⁰Nno viertule ppe la via, nno due lette de vestiture, nno scarpe, nnè palu: ppecchì allu fatigature le tocca lu sustienimientu.¹¹Ad uogni citate, o castiellu, chi trasiti, 'nfurmative primu, chine cc'è lu cchiù cuscenziusu: e duve illu alluggiative, ppe 'nzinca a quannu nun vinne partiti.¹²Allu trasere pue, chi faciti alla casa, la salutati, e diciti: Pace cce viegnidi a sta casa.¹³Ca ccussi, si chilla casa n'è digna, le va la pace vostra: si pue nun nn'è digna, la pace ritornadi a vue stiessi.¹⁴Si 'ncunu un ve vò arricettare, nnè vò sentere le parole vostre: esciennu fore de chilla casa, o de chilla citate, scuotulative la purverata de li piedi.¹⁵Ca ppe lu vieru ve dicu: Sufferisce mienu castiji lu jurnu de lu judiziu Suoduma, e Gumorra, ca chilla citate.¹⁶Io lu viju, ve mannu cuomu piecure ’nmienzu alli lupi. Stative addunca ccu prudienzia cuomu li cursuni, e simprici cuomu le palumme.¹⁷Mantenitive sempre 'nguardia de l ' uomini. Ppecchi ve cunnucianu ccud illi duve è suolitu a se juncere, e ve frustanu pue alle luoru sinicoche:¹⁸E ppe curpa, mia siti traduciuti ’nnanti li presidienti, e li rre, cuomu testimuoni cuntra de illi, e cuntra le naziuoni.¹⁹Quannu pue siti 'ncappati dintra de le manu luoru, un ve sbauttiti de quale muodu, e manera aviti de parrare:: ca ’nchillu stante vi se fischiadi a na ricchia cuomu aviti de dire.²⁰Ppecchì nun siti vue, chi parrati, ma è lu Spiritu de lu Patre vuostru chillu, chi ve parradi.²¹Ccussì lu frate manna a morte l'autru frate, e lu patre cce manna lu figliu: e li figli pue se scatinanu cuntra li patri, e tille ammazzu puru:²²E siti ’nzumma uodiati de tutti ppe causa de lu nume mio: ma chine è lu cchiù piertinace ’ nzinca all'urtimu, chillu se sarvadi.²³'Ncasu ve viditi persecutati a na citate, sbrittativila, e jativinne a n'autra. E ve dicu ppe lu vieru, un fruniti mai de struiscere le citati d'Isdraiellu, ppe ’nzin uomu. ca un vena lu Figliu de l'²⁴Nun v'è discipulu supra de lu mastru, nnè serviture supra lu patrune.²⁵Le vasta allu discipulu esere cuomu lu mastru: e allu serviture esere cuomu lu patrune. Si ha chiamatu a Berzabuccu lu patrune de la casa: quantu cchiù lu servimientu sue?²⁶Un ve spagnati addunca de illi. Ppecchì nun ve sta cosa all'immucciuni, chi un viegni ’nzubitu ’ nchianu: nnè cosa citu citu, chi nun se viegnidi a sapire.²⁷Diciti a jurnu chiaru chillu, chi mò ve dicu allu scuru: e predicati pursi de supra li ceramili chillu, chi v'è statu ciuciuliatu a na ricchia.²⁸E nun aviti pagura de chilli, chi ammazzanu lu cuorpu, e un puonnu ammazzare l'anima: ma spagnative cchiù priestu de chillu, chi sta ppe mannare l'anima, e lu cuorpu dintra lu ’nfiernu.²⁹E nun è lu vieru, ca dui passarielli se vinnanu nu granu: e puru unu sulu de illi un pò cadire ’nterra senza de lu Patre vuostru?³⁰Ma a vue ’nzinca a quantu pili de capilli aviti ’ncapu ve sù stati cuntati.³¹Addunca un ve viegni lu triemulizzu: faciti cchiù vue ca na caterva de passari.³²Ognunu, chi m'accriedita alla prisienzia de l'uomini, io puru accrieditu ad illu ’nnanti a Patrimma, ch'è 'ncielu.³³Chilli, chi me scanuscianu ’mprisienzia de l'uomini, io puru scanusciu ad illi ’mprisienzia de Patrimma, ch'è 'ncielu.³⁴Un ve jati pensannu, ca io fuossi venutu ppe mintere la pace supra la terra: un vinni ppe mintere la pace no, ma ppe purtare la guerra.³⁵’Nzumma signu venutu a scucchiare lu figliu de lu patre, la figlia de la mamma, e la nora de la socra:³⁶E fare nimici de l'uomu li pruopi servituri.³⁷Chillu, chi ama lu patre e la mamma cchiù de mie, nun è dignu de mie: e chine ama lu figliu e la figlia cchiù de mie, nun è dignu de mie.³⁸E chillu, chi nun se 'mpesa na cruce 'ncuollu, e me venadi appriessu, mancu è dignu de mie.³⁹Chine fa tantu cuntu de la vita sua, la perdadi: e chine ha perdutu la vita pped amure mio, la guadagnadi.⁴⁰Chine ricivadi a vue, riciva a mie: e chine ricivadi a mie, riciva puru chillu, chi m’ha mannatu.⁴¹Chine riciva nu prufeta cuomu prufeta, ricivadi lu cumpensamientu de lu prufeta: e chine ricivadi nu giustu a titulu de giustu, riciva puru lu cumpensamientu de lu giustu.⁴²Ognunu pue, chi duna nu surchiune d'acqua frisca allu cchiù quatrariellu de chisti, basta, chi ci lu diessi a titulu de discipulu: ppe lu vieru ve dicu, ca nun cci la perdadi.