Lu Santo Vancieliu secunnu Matteo 26

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ED abbinne, ca Gesù frunutu c’appe tutti sti discursi, disse alli discipuli sue:²Sapiti, ca de ccà a dui jurni è Pasqua, e lu Figliu de l'uomu è tradutu, e crucifissu.³Tannu se cungregaru li capi de li sacerduoti, e l'anziani de lu puopulu allu curtile de lu capu de li sacerduoti chiamatu Cafassu:⁴E tinneru cunsigliu d'acchiappare ccu ’ngannu Gesù, e l'ammazzare.⁵Ma dicianu: De festa no, un succedissi quarchi tumurtu tra lu puopulu.⁶E truvannuse Gesù a Betania 'ncasa de Simune lu lebbrusu,⁷Lu jiu a truvare na fimmina, ch'avia nu vasu d'alabastru ccu ’nguientu preziusu, e cci lu spargiu supra la mentreca manciava. capu,⁸E vidiennu chistu li discipuli, si la pigliaru a male, diciennu: A cchi sta ruvina?⁹Se putiadi vinnere a caru priezzu, e dunare alli poverielli.¹⁰E sentiennu chissu Gesù, le disse: Ppecchi ’ nquetati sta fimmina, chi n'ha fattu nu buonu serviziu?¹¹Ca li poverielli l'aviti sempre ccu vue: ma a mie nun m'aviti sempre.¹²Ca sta fimmina jettannume stu ’nguientu supra lu cuorpu, l'ha fattu cuomu si m'avissi de orvicare.¹³’Nverità ve dicu, ca unca se priedica stu vancieliu ’ntuttu lu munnu, se cunta pped unure sue chillu, chi ha fattu.¹⁴Tannu unu de li dudici, chi se chiamava Juda Scariota, sinne jiu duve li capi de li sacerduoti:¹⁵E le diciu: Cchì me vuliti rigalare, ed io vi lu dugnu 'nmanu? Ed illi le prumintieru trenta dinari d' argientu.¹⁶E d'allura jiu circannu l'uccasione de lu tradire.¹⁷Pue lu primu jurnu de l'azzimi li discipuli s'abbicinaru a Gesù, diciennu: Adduve vue, chi te priparassimu la Pasqua?¹⁸Ma Gesù disse: Jati alla citate duve chillu tale, e le diciti: Lu Mastru dice: Lu tiempu mio è vicinu, ’ncasa tua viegnu a fare la Pasqua ccu li discipuli mie.¹⁹E li discipuli ficeru, cuomu avia cummannatu Gesù, e pripararu la Pasqua.²⁰Fatta pue vespera, s'assettaudi ’ntavula ccu li dudici discipuli sue.²¹E manciannu, diciu: 'Nverità ve dicu, ca unu de vue me tradisciadi.²²E cuntristati multu, 'ncignaru unu sinnunu a dire: Ecchi, signu io, Segnure?²³Ma illu rispunniennu, disse: Chillu, chi minte la manu allu piattu ’nzeme ccu mie, chillu me trade.²⁴Lu Figliu de l'uomu sinne va, cuomu è statu scrittu: guai pue a chill’omu, chi trade lu Figliu de l'uomu: era buonu pped illu, chi un fuossi natu chill' omu.²⁵E pue rispunniennu Juda, chi lu tradiu, disse: Ecchi, signu io, o Mastru? Le disse Gesù: Tu lu dicisti.²⁶Cenannu chilli, pigliau Gesù lu pane, e lu bene diciu, e stuozzijau, e deze alli discipuli, e disse: Pigliati, e manciati: chistu è lu cuorpu mio.²⁷E pigliannu lu calice, ringraziau: e lu deze ad illi, diciennu: Vivitivinne tutti.²⁸Ca chistu è lu sangu mio de lu nuovu testamientu, chi ppe multi vena sparsu ppe lu perdunu de le peccata.²⁹Ve dicu pue, ca de muoni avanti nun ne vivu cchiù de stu fruttu de la vite ’nzinca allu jurnu, chi ni lu vivimu nuovu a lu riegnu de Patrimma.³⁰E cantatu l'innu, jetteru a lu munte Ulivetu.³¹Tannu le diciu Gesù: Tutti vue ve scannalizzati stanotte ppe causa mia. Ppecchi è statu scrittu: Vattu lu pecuraru, e se sperdanu le pecurelle de la mandra.³²Duoppu chi risuscitu, vaju primu de vue ’nGalilea.³³Rispunniennu pue Pietru, le disse: 'Ncurchè tutti se scannalizzassiru ppe tie, io nun me scannalizzu mai.³⁴Le disse Gesù: Nverità te dicu, ca stanotte, prima chi lu gallu cantassi, me rinnieghi tri vote.³⁵Le disse Pietru: 'Ncurchè me cummenissi de murire ccu tie, nun te rinniegu. Lu stiessu dicetteru l'autri discipuli.³⁶Allura vinne Gesù ccud illi a nu luocu, chi se dice Getsemani, e diciu alli discipuli sue: Assettative ccà, mentreca vaju llà e priegu.³⁷E pigliatuse a Pietru, e li dui figli de Zibideu, 'ncignaudi a se cuntristare e ad esere malincuonicu.³⁸Tannu le disse: Trista è l'anima mia ’nzinca alla morte: restative ccà, e vigliati ccu mie.³⁹E avanzatuse nugnilla, se jettau faccinterra, pregannu, e diciennu: Patre mio, si pod' essere, passi de mie chistu calice; autrimienti sia no cuomu vuogliu io, ma cuomu vue tu.⁴⁰E vinne alli discipuli sue, e le truvau durmiennu, e dice a Pietru: D'accussi nun putistiti vigliare n'ura ccu mie?⁴¹Vigliati, ed urati, acciò nun intrassivu ’ntentazione. Lu spiritu veramente è pruontu, ma la carne è ’nferma. dicien⁴²E sinne jiu ppe la secunna vota, e pregau, diciennu: Patre mio, si stu calice nun pò passare, senza chi mi lu vivissi, sia fatta la tua vuluntate.⁴³E vinne dapere, e le truvaudi addurmentati: ca l'uocchi luoru eranu aggravati.⁴⁴Le lassaudi stare, sinne jiu, e pregau ppe la terza vota, diciennu lu stiessu sermune.⁴⁵Allura vinne adduve li discipuli, e le diciu: Già durmiti, e ripusati: eccu s'abbicinaudi l'ura, e lu Figliu de l'uomu vena cunzignatu ’nmanu alli peccaturi.⁴⁶Susitive, e jamu: eccu s'abbicinau chillu, chi me trade.⁴⁷Mentreca illu parrava, eccu Juda, unu de li dudici, vene, e ccud illu na grossa turba ccu spate e pali, mannata de li capi de li sacerduoti, e de li seniuri de lu puopulu.⁴⁸Echine lu tradiu, le deze lu signale, diciennu: A chine vasu, chillu edi, afferricatilu.⁴⁹E llà ppe llà arricustatuse a Gesù, disse: Ave, Mastru. E lu vasau.⁵⁰E Gesù le disse: Amicu, a cchi venisti? Tannu s'abbicinaru, e miseru le manu supra de Gesù, e l'arrestaru.⁵¹Ed eccu ca unu de chilli, ch'eranu ccu Gesù, stenniennu la manu, scippau la spata, minau a nu serviture de lu capu de li sacerduoti, e le muzzau na ricchia.⁵²Tannu le diciu Gesù: Stipa la spata allu luocu sue. Ca tutti chilli, chi piglianu la spata, de spata peranu.⁵³Te cridi forse, ca nun puozzu pregare a Patrimma, e mòppe mò me manna cchiù de dudici legiuoni de anciuli?⁵⁴De cchi muodu addunca s'adempiscenu le Scritture, chi d'accussi vuoludi?⁵⁵A chill' ura diciu Gesù alle turbe: Apparu de nu latrune siti venuti ccu spate e ccu bastuni ppe me pigliare: uogni jurnu io m’assettava ccu vue ’nzegnannu a lu tiempiu, e nun me aviti arrestatu.⁵⁶Tuttu chistu è succiessu, ppecchì s'adempiscissiru le Scritture de li prufieti. Allura tutti li discipuli l'abbannunaru, e fujieru.⁵⁷Ma chilli, chi tenianu Gesù, lu purtaru a Cafassu capu de li sacerduoti, duve Scribbi e seniuri s'eranu radunati.⁵⁸E Pietru lu seguia de luntanu ’nzina allu curtigliu de lu capu de li sacerduoti. E trasutu dintra, se sediu ccu li ministri ppe ne videre la fine.⁵⁹Li capi de li sacerduoti, e tuttu lu cunsigliu circavanu farse testimuonianzie cuntra de Gesù, ppe lu mannare a morte:⁶⁰E un ne truvaru, tuttuca multi farsi testimuoni se fuossiru prisentati. All'urtimu pue vinneru dui farsi testimuoni,⁶¹E dissanu: Chistuccà ha dittu: Puozzu sciullare lu tiempiu de Dio, e a tri jurni lu puozzu fravicare dapere.⁶²Ed irghiennuse lu capu de li sacerduoti, le disse: Nente rispunni a chillu, chi chisti testimuonianu cuntra de tie?⁶³E Gesù stava citu. E lu capu de li sacerduoti le diciu: Te scunciuru ppe lu Dio vivu, chi ne dicisse, si tu sini Cristu lu figliu de Dio.⁶⁴Le dice Gesù: Tu l'hai dittu. Anzi ve dicu, ca pue viditi lu Figliu de l'uomu sedire alla destra de la virtute de Dio, e venire supra le nuvi de lu cielu.⁶⁵Tannu lu capu de li sacerduoti se strazzau le vestiture, diciennu: Ha jestimatu: cchì bisuoguu avimu cchiù de testimuoni? mò pruopiu aviti ’ntisu le jestigne.⁶⁶Cchi vinne pare? Ma illi rispunniennu, disseru: È reu de morte.⁶⁷Tannu lu sputaru ’nfacce, e lu pigliaru a puna; zierti autri le chiavaru schiaffette alla facce,⁶⁸Diciennu: 'Nduvina, Cristu, chine ť ha vattutu?⁶⁹Pietru sera assettatu fore allu curtigliu: e li s'accucchiau na serva, diciennu: E tu puru ere ccu Gesù Galileu.⁷⁰Ma illu negaudi avanti a tutti, diciennu: Un sacciu cchi dici.⁷¹Esciennu de la lu vidette n'autra serva, pue porta,e disse a chilli, chi cc' eranu: Puru chissu era ccu Gesù Nazarenu.⁷²Ed illu negaudi n'autra vota jurannu: Ca un l'aju mai canusciutu stomu.⁷³E duoppu na picca s'abbicinaru li circustanti, e dicetteru a Pietru: Veramente tu puru si de chilli: ca la parra tua ninne fadi addunare.⁷⁴Allura ’ncignaudi a se jestimare, ed a jurare, ca nun l'avia canusciutu chill' omu. E ’nzubitu lu gallu cantau.⁷⁵E Pietru se ricurdau le parole de Gesù, ch'avia dittu: ’Nnanti chi lu gallu cantassi, tu me rinnieghi tri vote. Ed esciutu fore, chianse amaramente.