Lu Santo Vancieliu secunnu Matteo 1

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹LIVRU de la generazione de Gesù Cristu figliu de Davide, figliu de Abbramu.²Abbramu generau Isaccu. Isaccu pue generau Giacuobbu. Giacuobbu pue generaudi Juda ccu li frati.³Juda pue generau Fares, e Zara ccu Tamar. De Fares pue ne nasciudi Esron. De Eşron pue ne nasciudi Aram.⁴De Aram pue ne nasciudi Aminadab. De Amina dab pue ne nasciudi Naasson, e de chistu pue ne nasciudi Salmon.⁵Salmon pue generau Booz ccu Raab. Booz pue generaudi Obed ccu Rut. Obed pue generaudi Jesse, e de chistu pue ne nasciudi lu rre Davide.⁶Lu rre Davide pue fice a Salamune ccu chilla, chi foze mugliere de Uria.⁷De Salamune pue ne nasciudi Robuamu. De chistu ne nasciudi Abia, e de chistautru Asa. fice a⁸Asa pue fice a Giosafatta. Giosafatta pueJoram, e de Joram pue né nasciudi Ozia.⁹De Ozia pue ne nasciudi Gioatam. De Gioatam ne nasciudi Acaz, e de Acaz ne nasciudi Ezechia.¹⁰Ezechia pue generaudi a Manassu. Manassu pue generaudi Amon. Amon pue generaudi Josia.¹¹De Josia pue ne nasciudi Jeconia ccu li frati allu sdilluoggiu de la Babbillonia.¹²E duoppu lu sdilluoggiu de la Babbillonia: Jeconia generau a Salatiel, e chistu a Zorobabel.¹³De Zorobabel pue ne nasciudi Abiud. De Abiud ne nasciudi Eliacim. D’Eliacim pue ne nasciudi Azor.¹⁴Azor pue generaudi Sadoc. Sadoc generaudi Achim, e de Achim ne nasciudi Eliud.¹⁵D'Eliud pue ne nasciudi Eleazar. D'Elea zar ne nasciudi Matan, e de Matan ne nasciu Giacuobbu.¹⁶De Giacuobbu pue ne nasciu Giuseppe maritu de Maria, e de chista ne nasciu Gesù, chi mò se chiama Cristu.¹⁷Addunca tutte le generaziuoni de Abbramu ’nzinca a Davide sunu quattuordici: de Davide ’nzinca allu sdilluoggiu de la Babbillonia, n' autre quattuordici: e de lu sdilluoggiu de la Babbillonia ’ nzinca a Cristu, n'autre quattuordici.¹⁸La nascita pue de Cristu foze de sta manera: Maria, la mamma de illu, aviennu avutu ppe maritu a Giuseppe, se truvaudi prena de lu Spiritu santu, senza chi mai se fuossinu curcati ’nziemi.¹⁹Giuseppe, lu maritu, ch'era n' uomu giustu, ppe nun la sbrigugnare, circava de ni la mannare ’nzecrietu muodu.²⁰Ma ’ntramente chi se stava sbauttiennu, eccute ca dintra lu suonnu le cumpariudi n' anciulu de lu Segnure, e le dicette: Giuse, figliu de Davide, un te spagnare de te tenere a Maria ppe mugliere: ppecchi chillu, chi tena dintra lu ventre cci l'ha fattu nascere lu Spiritu santu.²¹Pue figlia: e te fa nu biellu quatrariellu: e tu le minti lu nume Gesù: ppecchì illu è distinatu a liberare lu puopulu sue de le peccata.²²Tuttu chissu s'è fattu, ppe s'adempiscere a chillu, chi avia dittu lu Segnure ppe vucca de lu prufeta, chi dice:²³Eccu ca la virgine esce prena, e parturisce nu figliu, chi lu chiamanu Manumele, ch'autrimienti vò dire: Dio ccu nue.²⁴E Giuseppe risbigliatuse de lu suonnu, fice cuomu l'avia cummannatu l'anciulu de lu Segnure, e se teniu la mugliere.²⁵E un la voze tuccare, ’nzinca chi nun parturiu lu primu figliu, che le mintette lu nume Gesù.