Lu Santo Vancieliu secunnu Matteo 24

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ED Desciutu Gesù de lu tiempiu, sinne jia. Eli s'abbicinaru li discipuli sue, ppe le mustrare le fraviche de lu tiempiu.²Ma illu rispunniennu le diciu: Viditi vue tutte ste cose? ' Nverità ve dicu, ca nun cce resta petra supra petra, chi ud abbissassi.³Sediennu pue supra lu munte Ulivetu, citu citu s' arricustaru li discipuli, diciennu: Dicenne, quannu succedanu ste cose? e qual è lu signale de la venuta tua, e de la cunsumazione de lu sieculu?⁴E rispunniennu Gesù, le disse: Viditi 'ncunu un ve ʼngannassi.⁵Ca multi venanu a nume mio, diciennu: Io signu Cristu: e ne gapanu assai.⁶Sentiti guerre, e rumuri de guerre. Nun ve spagnati. Ca ste cose divenu succedere, ma nud eri ancore la fine de lu munnu.⁷Se rivotanu gente cuntra gente, e riegni cuntra riegni, e cce sarraudi a chille parti pestilienzie, caristie, e terrimuti.⁸Ma tutte chiste cose sunu lu principiu de li duluri.⁹Tannu ve jettanu ’ntribulazione, e ve scannanu: e ppe causa mia tutti li gienti ve vonnu male.¹⁰E tannu multi se scannalizzanu, e a vicenna se tradanu, e se uodianu,¹¹E multi farsi prufieti surjenu, e gapanu a multi.¹²E ppecchì abbunnanu le guittarie, se rifridda la caritate de multi.¹³Ma chillu, chi quintinija ’nzinca alla fine, se sarvadi.¹⁴E vena predicatu stu vancieliu de lu riegnu ppe tuttu lu munnu ’ ntestimonianzia de tutta la gente: e tannu vena la distruzzione.¹⁵Quannu addunca viditi l'abbuominazione, e la distruzzione, preditta de lu prufeta Daniele, dintra de lu luocu santu: chine leja, capiscissi.¹⁶Tannu chilli, chi sunu 'nJudea, fujissinu alli munti:¹⁷E chilli, chi sunu alli ceramili, nun scinnissiru ' ncasa a pigliare 'ncuna cosa:¹⁸Echillu, chi è ’ncampagna, un tuorni a se pigliare le vestiture.¹⁹Guai a vue prene, e lattare ’nchilli jurni.²⁰Pregati, chi la fuga vostra ud abbiegni de viernu, o de sapatu.²¹Ca tannu lu travagliu è granne, quale nun foze mai de lu principiu de lu munnu ’nzinca a muoni, nnė sarà mai.²²E si nun fuossinu accurtati chilli jurni, nisciunu uomu natu se sarveria: ma 'ngrazia de l'alietti s'accurteraudi chilli jurni.²³Allura si ancunu ve dice: Me, ccà o llà è Cristu: un cce criditi,²⁴Ppecchi surjenu farsi cristi, e farsi prufieti: e fannu meraculi granni, e purtienti, de manera chi sicce ’ngannanu (si putissid' esere) puru l'alietti.²⁵Eccu ca vi l'aju predittu.²⁶Si addunca ve dirrau: Ecculu allu desiertu, ud esciti: ecculu dintra la casa, un cce criditi.²⁷Ca cuomu lu lampu esce de l'uriente, e lu vidi ’ nzinca all'uccidente: ccussi la venuta de lu Figliu de l'uomu.²⁸Unca cc'è nu cadaveru, llà s' affullanu l'aquile.²⁹’Nzubitu duoppu lu trivulu de chilli jurni lu sule se scura, la luna un duna cchiù lustru, li stilli cadanu de lu cielu, e le putestati de lu cielu se scummovanu:³⁰E tannu cumpare ’ncielu lu signu de lu Figliu de l'uomu: e tannu se vattanu lu piettu tutte le tribù de la terra: e vidanu lu Figliu de l'uomu, chi vena dintra le nuvi de lu cielu ccu multa putestate, e majestate.³¹E manna l'anciuli sue ccu trumme, e vuce granne: e chisti cungreganu 'l' alietti de li quattru vienti, de na stremitate all'autra de li cieli:³²De l'arvule de la ficu 'mparati sta parabula: quannu lu ramu è tenneru, e la frunna è nata, sapiti, ca è vicina la state:³³E ccussì vue, quannu viditi tutte chiste cose, sacciate, ca illu è quasi alle porte.³⁴'Nverità ve dicu, ca nun passa chista generazione, e tutte chiste cose succedanu.³⁵Cielu e terra passanu, ma le parole mie nun passanu.³⁶Ma lu jurnu e l'ura un lu sa nullu, mancu l'an ciuli de lu cielu: lu sa lu sulu Patre.³⁷Cuomu alli jurni de Nuè, cussì succede alla venuta de lu Figliu de l'uomu.³⁸Ca cuomu alli jurni prima de lu dilluviu man ciavanu e vivianu, se ’nzuravanu e se maritavanu, ’nzinca a chillu jurnu, chi Nuè trasiudi all'arca,³⁹E un sinne addunaru, ’nzinca un vinne lu dilluviu, e sille purtau tutti: d'accussì succede all'avvientu, de lu Figliu de l'uomu.⁴⁰Tannu dui uomini se trovanu ’ncampagna: unu se sarva, e l'autru se perda.⁴¹Due fimmine se truovu allu mulinu: una è pigliata, e l'autra è abbannunata.⁴²Vigliati addunca, ca un sapiti, a chid ura vena lu Segnure vuostru.⁴³Chistu aviti a sapire, ca si lu patre de famiglia sapissi, a chid ura vene lu latru, viglieria ppe ciertu, e un lasseria la casa sua. grupare⁴⁴Perciò puru vue stative pruonti: ca un sapiti, a chid ura vena lu Figliu de l'uomu.⁴⁵Chin'è chillu siervu fidile, e prudente, chi lu patrune fice capurale, ppe dare a manciare all'autri servituri?⁴⁶Viatu chillu serviture, chi quannu vena lu patrune, lu trova faciennu d'accussidi.⁴⁷'Nverità ve dicu, ca le minte 'nmanu tutti li sue bieni.⁴⁸Si pue chillu malu siervu dicissi tra de illu: Lu patrune trica a venire:⁴⁹E ’ncignassi a vattere l'autri servituri, a manciare e vivere ccu li 'mbriachi:⁵⁰Vena lu patrune de chillu siervu nu jurnu, ch' il lu un si la cride, e a n' ura, chi nun sa:⁵¹E lu caccia de lu serviziu, e lu minte ’nzeme ccu l'ippuocriti. Llà sienti chiantu, e stricamientu de dienti.