Lu Santo Vancieliu secunnu Matteo 3

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹NCHILLI jurni vinne Giovanni Battista predicannu allu desiertu de la Judea,²E diciennu: Faciti penitienzia: ca lu riegnu de li cieli s'abbicina.³Ca chistu è chillu, chi foze dittu de lu prufeta Saia diciennu: Na vuce scrama allu desiertu: Priparati la via de lu Segnure: adderizzati le strate sue.⁴Stu Giuvanni tenia na vesta de pilu de camele, e na cintura de cuoriu alli franchi: e manciava grilli, e mele sarvaciu.⁵Tannu le jiadi allu ’ncuntru Gerusalemme, e tutta la Judea, e tutta la cumarca de ’ntuornu lu jume Jurdanu;⁶Ed illu le vattiava dintra lu jume Jurdanu, cun fessannuse le peccata luoru.⁷Ma vidiennu na nquantitate de Farasei, e Sadducei, chi venianu a se vattiare, le dicette: Razza de vipere, chine v’ha ’mparatu a sfujere l'ira ventura?⁸Faciti addunca frutti digni de penitienzia.⁹E un jati diciennu dintra de vue: Avimu ppe patre Abbramu. Ppecchi io ve dicu, ca Dio pò de ste petre fare surjere figli ad Abbramu.¹⁰Già la gaccia sta ppe tagliare le radiche de l'arvuli. Uogni arvule, chi nun porta fruttu buonu, è tagliatu, e jettatu allu fuocu.¹¹Io ve vattiju ccu l'acqua e la penitienzia: ma chillu, chi vena appriessu a mie è cchiù forte de mie, ed io un signu mancu buonu le purtare le scarpe: illu ve vattija ccu lu Spiritu santu, e ccu lu fuocu.¹²Tene la pala ’nmanu: e annetta l'aria sua d'uogni munnizza: ed ammuzzella lu granu allu casciune; ma vruscia la paglia ccu nu fuocu ardente chi un se po stutare.¹³Vinne allura Gesù de la Galilea allu jume Jurdanu, e truvau Giuvanni, mo lu vattiassi.¹⁴Giuvanni pue s'appunia, diciennu: Io aju d'esere vattiatu de tie, e tu lu vue de mie?¹⁵Ma Gesù le rispuse, e le disse: Lassame fare: ca ccussł ne cummene adempiscire tuttu chillu, chi se divadi. Ed illu cunniscise.¹⁶Pue vattiatu chi foze Gesù, esciu de l'acqua; li se aperseru li cieli: e vidette lu Spiritu de Dio scinnere cuomu na palumma, e jiu supra de illu.¹⁷Ed eccute na vuce de lu cielu, chi dicia: Chistu è lu figliu mio diliettu, e minne gruoriu.