Lu Santo Vancieliu secunnu Matteo 19

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E FRUNUTU chi avette Gesù chisti sermuni, sinne partiu de la Galilea, e sinne jiu alli cunfini de la Judea cchiù llà de lu Jurdanu,²E lu seguieru paricchie turbe, e llà le sanau.³E li se abbicinaru li Farasei tantannulu, e diciennu: È licitu all’uomu de ne cacciare la mugliere, ppe nsocchi causa?⁴Ed illu rispunniennu, le disse: Ud aviti liettu, ca chine fice l'uomu abiniziu, lu fice masculu e fimmina? e disse:⁵Ppecchissu l'uomu lassa lu patre, e la mamma, e se strince ccu la mugliere sua, e se fau dui ’ncarne una.⁶De manera ca mò nun sù due, ma una carne. Addunca chillu, chi Dio ’ncucchiau, l'uomu nun scucchi.⁷Ma ppecchì addunca, dicenu illi, Musè cummannau dare lu libiellu de la divuorziu, e de se spartere?⁸Diciudi ad illi: Ppecchì Musè 'ngrazia de lu malu core vuostru ve permittiu de ne mannare le muglieri vostre: ma 'mprincipiu un foza d'accussini.⁹'Mperò ve dicu, ca chine ne caccia la mugliere, si nun fuossi ppe fuornicazione, e sinne piglia n’autra, cumminte adultieriu: e chine se spusa una de chiste, cum minte adultieriu.¹⁰Le dissanu li discipuli: Si chista è la circustanzia de l'uomu ccu la mugliere, un fa cuntu de se ’nzurare.¹¹Ed illu le diciu: Nno tutti capiscenu sta parola, ma sulu chilli, a chin' è cunciessu.¹²Ca cce sunudi eunuchi, chi cce sù nati de lu ventre de la mamma: ecce sunu eunuchi, chi cce sú stati fatti de l'uomini: e cce sunu eunuchi, chi se grastaru suli ppe se guadagnare la riegnu de li cieli. Chine pò capire, capiscissi.¹³Tannu li se prisentaru zierti piccirilli, ppe le mintere le manu 'ncapu, e pregare. Li discipuli pue le gridavanu.¹⁴E Gesù le diciu: Lassati jire sti piccirilli, e facitille venire a mie: ca de chisti è lu riegnu de li cieli.¹⁵E aviennu misu le manu 'ncapu de illi, sinne jieru de lladi.¹⁶Ed eccu ca unu abbicinannuse, le disse: Mastru mio buonu, cchi cosa de bene aju de fare pped avire la vita eterna?¹⁷E Gesù le dicette: Ppecchì m'addimmanni de lu bene? Unu sulu è lu buonu, Dio. Si pue vue trasere a la vita, usserva li cummannamienti.¹⁸Ed illu rispuse: Quali? E Gesù disse: Nud ammazzare: Nun fare adultieriu: Nun arrupare: Nun fare farsa testimuonianzia.¹⁹Unura patritta, e mammata, ed ama lu pruossimu tue cuomu te stiessu.²⁰Le dice lu giuviniellu: Tutte ste cose l'aju fatte de quannu era piccirillu, cchi me manca ancore?²¹Le disse Gesù: Si vue esere perfiettu, va, te vinna chillu, chi hai, e dunalu a li poverielli, ed averai nu trisuoru ’ncielu: e venitinne, e seguame.²²’Ntisu chissu lu giuviniellu, sinne jiu culericu: ppecchi aviadi na nquantitate de terrieni.²³Gesù pue disse alli discipuli: ' Nverità ve dicu, ca nu riccu difficirmente trase allu riegnu de li cieli.²⁴E n'autra vota ve dicu, ch'è cchiù facile a nu camele passare ppe lu de n' acu, ch'a nu riccu gruputrasere dintra lu riegnu de li cieli.²⁵Sentutu chistu, li discipuli se maravigliaru grannemente, diciennu: Chine addunca se pò sarvare?²⁶E Gesù guardannule le disse: Ppe l'uomini chistu è ʼmpussibule: ma ppe Dio tuttu è pussibule.²⁷Allura rispunniennu Pietru, le diciu: Eccu ca nue avimu lassatu tuttu, e t'amu seguutu: Cchi ne sarrà dunca de nue?²⁸E Gesù le diciu: 'Nverità ve dicu, ca vue, chi m'aviti seguitatu, alla risurrezzione, quannu lu Figliu de l'uomu sede allu truonu de la majestate sua, puru vue sediti supra dudici seciuluni, e judicati le dudici tribù d'Isdraiellu.²⁹Ed ognunu, chi ha lassatu la casa, o li frati, o le suoru, o lu patre, o la mamma, o li figli, o le rrope pped amure mio, riciva cientu vote tantu, e pusseda la vita eterna.³⁰Ed assai, chi sù primi diventanu urtimi, ed assai urtimi diventanu primi.