Lu Santo Vancieliu secunnu Matteo 20

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹S'ASSIMIGLIA lu riegnu de li cieli a nu patre de famiglia, chi esciu de prima matina ppe caparrare travagliaturi ppe la vigna sua.²Fattu pue lu cunviegnu ccu li travagliaturi de nu dinaru a jurnata, le mannau a la vigna sua.³Ed esciutu 'ncirca l'ura terza, ne vidette autri, chi stavanu chiusi a la chiazza,⁴E le diciu: Jati puru vue a la vigna mia, e ve dugnu la giusta paga.⁵Ed illi jieru. Esciu pue n' autra vota 'nviersu l'ura sesta, e nona: e faciu lu stiessu.⁶’Ncirca unnici ure pue esciu, e ne truvaudi autri, chi stavanu a vacuni, e le dicette: Ppecchì ve stati tuttu lu jurnu a spassu?⁷Le rispunnanu: Ppecchỉ nisciunu n'ha chiamatu. Le dice: Jati puru vue a la vigna mia.⁸Fatta sira, dice lu patrune de la vigna allu fatture sue: Chiama li travagliaturi, e pagale le jurnate, ’ncuminciannu de l'urtimi alli primi.⁹Venuti addunca chilli, chi eranu juti 'nviersu unnici ure, ricivieru nu dinaru pped unu.¹⁰Venuti pue li primi, se cridianu, ch'avianu decchini: ma puruilli avettanu nu dinaru pped unu.¹¹E riciviennusilu murmuriavanu cuntra lu patre de famiglia,¹²Diciennu: Chist’urtimi travagliaru n'ura, e l'hai aggualati a nue, ch'avimu sumpurtatu la fatiga de na jurnata ccu lu caudu.¹³Ma illu rispunniennu ad unu de luoru, diciu: Amicu, nun te fazzu ’njuria: un te sì aggiustatu ccu mie ppe nu dinaru?¹⁴Pigliate chillu, ch'è lu tue, e vavatinne: me piace puede dare puru a chist' urtimu quantu aju datu a tie.¹⁵O nun puozzu io fare chillu, chi vuogliu? o l'uocchiu tue è cattivu, ppecchi io signu buonu?¹⁶D'accussi l'urtimu addiventau lu primu, e lu primu lurtimu. Ca multi sunu li chiamati, ma puocu sù l'alietti.¹⁷E sagliennu Gesù a Gerusalemme, se chiamau ’nzecrietu li dudici discipuli, e le diciu:¹⁸Eccu ca mò saglimu a Gerusalemme, e lu Figliu de l'uomu è traduttu a li capi de li sacerduoti, ed a li Scribbi, e lu cunnannanu a morte,¹⁹E lu cunzignanu a li gienti ppe lu 'njerfiare, fraggellare, e crucifiggere, ed illu lu tierzu jurnu risurje.²⁰Tannu li se arricustau la mamma de li figli de Zibideu ccu li figli sue, adurannulu e circannule 'ncuna cosa.²¹Ed illu le dicette: Cchì vue? Le rispuse: Dice, chi s'assiettinu sti dui figli mie, unu a la destra, e l'autru a la sinistra tua dintra lu riegnu tue.²²Rispunniennu pue Gesù, disse: Un sapiti cchi circati. Ve putiti vue vivere stu calice, chi me vivu io? Rispunnanu: Putimu.²³Le dice: Si, lu calice mio vi lu viviti: ma de fare sedere a la destra o a la sinistra mia nun tocca a mie, ma chista è cosa de lu Patre mio.²⁴'Ntisu chissu li dece, se sdegnaru ccu li dui frati.²⁵Gesù pue sille chiamau, e disse: Sapiti, ca li principi de li gienti sinne fau patruni: e li magnati le cuvernanu ccu la forza.²⁶Nun sarrà d'accussi tra de vue: ma chiunche vulissi tra de vue esere lu cchiù granne, divena ministru vuostru:²⁷Echine vulissi tra de vue esere lu primu, divena serviture vuostru.²⁸Cuomu lu Figliu de l'uomu nun vinne pped esere servutu, ma ppe servere, e dunare l'anima sua ppe lu riscattu de multi.²⁹Ed esciennu illi de Jericu, lu seguiudi na grossa turbaglia.³⁰Ed eccu ca dui cecati, chi eranu assettati ’nmienzu la via, sentieru, ca passava Gesù: e scramaru, diciennu: Segnure: Aje pietà de nue, figliu de Davide.³¹La turbaglia le gridava, chi stiessiru citu. Ma illi cchiù scramavanu, diciennu: Segnure, aje pietate de nue, figliu de Davide.³²E Gesù se fermau, e le chiamau, e disse: Cchi vuliti, chi ve fazzi?³³Ed illi dicianu: Segnure, chi s' aperissinu l'uocchi nuostri.³⁴Muossu a cumpassione de luoru Gesù, le tuccaudi l'uocchi. E llà ppe llà vidieru, e lu seguieru.