Jó 36
123456789101112131415161718192021222324252627282930313233343536373839404142
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Addens quoque Eliu, hæc locutus est : | 1 Addens quoque Eliu haec locutus est: |
2 Sustine me paululum, et indicabo tibi : adhuc enim habeo quod pro Deo loquar. | 2 “ Sustine me paululum, et indicabo tibi: adhuc enim habeo quod pro Deo loquar. |
3 Repetam scientiam meam a principio, et operatorem meum probabo justum. | 3 Repetam scientiam meam a longe et Factori meo tribuam iustitiam. |
4 Vere enim absque mendacio sermones mei, et perfecta scientia probabitur tibi. | 4 Vere enim absque mendacio sermones mei, et perfectus scientia adest tecum. |
5 Deus potentes non abjicit, cum et ipse sit potens : | 5 Deus potens est; non abicit, potens virtute cordis. |
6 sed non salvat impios, et judicium pauperibus tribuit. | 6 Non vivere faciet impium, sed iudicium pauperibus tribuit. |
7 Non auferet a justo oculos suos : et reges in solio collocat in perpetuum, et illi eriguntur. | 7 Non auferet a iusto oculos suos et reges in solio collocat in perpetuum, et illi eriguntur. |
8 Et si fuerint in catenis, et vinciantur funibus paupertatis, | 8 Et si fuerint vincti compedibus et vinciantur funibus paupertatis, |
9 indicabit eis opera eorum, et scelera eorum, quia violenti fuerunt. | 9 indicabit eis opera eorum et scelera eorum, quia violenti fuerunt. |
10 Revelabit quoque aurem eorum, ut corripiat : et loquetur, ut revertantur ab iniquitate. | 10 Revelabit quoque aurem eorum, ut corripiat, et loquetur, ut revertantur ab iniquitate. |
11 Si audierint et observaverint, complebunt dies suos in bono, et annos suos in gloria : | 11 Si audierint et observaverint, complebunt dies suos in bono et annos suos in deliciis. |
12 si autem non audierint, transibunt per gladium, et consumentur in stultitia. | 12 Si autem non audierint, transibunt per canalem mortis et consumentur in stultitia. |
13 Simulatores et callidi provocant iram Dei, neque clamabunt cum vincti fuerint. | 13 Impii corde sibi reponent iram Dei neque clamabunt, cum vincti fuerint. |
14 Morietur in tempestate anima eorum, et vita eorum inter effeminatos. | 14 Morietur in iuventute anima eorum, et vita eorum in adulescentia. |
15 Eripiet de angustia sua pauperem, et revelabit in tribulatione aurem ejus. | 15 Eripiet de angustia sua pauperem et revelabit in tribulatione aurem eius. |
16 Igitur salvabit te de ore angusto latissime, et non habente fundamentum subter se : requies autem mensæ tuæ erit plena pinguedine. | 16 Igitur salvabit te de ore angusto, amplitudo et non angustiae erunt sub te; requies autem mensae tuae erit plena pinguedine. |
17 Causa tua quasi impii judicata est : causam judiciumque recipies. | 17 Causa tua quasi impii iudicata est, causam iudiciumque tenebunt. |
18 Non te ergo superet ira ut aliquem opprimas : nec multitudo donorum inclinet te. | 18 Cave, ne te seducat abundantia, nec multitudo donorum inclinet te. |
19 Depone magnitudinem tuam absque tribulatione, et omnes robustos fortitudine. | 19 Nonne proferetur clamor tuus nisi in angustia? Et omnes conatus roboris? |
20 Ne protrahas noctem, ut ascendant populi pro eis. | 20 Ne inhies nocti, ut ascendat turba pro eis. |
21 Cave ne declines ad iniquitatem : hanc enim cœpisti sequi post miseriam. | 21 Cave, ne declines ad iniquitatem; propter hoc enim expertus es miseriam. |
22 Ecce Deus excelsus in fortitudine sua, et nullus ei similis in legislatoribus. | 22 Ecce, Deus excelsus in fortitudine sua. Quis ei similis doctor? |
23 Quis poterit scrutari vias ejus ? aut quis potest ei dicere : Operatus es iniquitatem ? | 23 Quis poterit scrutari vias eius, aut quis potest ei dicere: “Operatus es iniquitatem”? |
24 Memento quod ignores opus ejus, de quo cecinerunt viri. | 24 Memento, ut magnifices opus eius, de quo cecinerunt viri. |
25 Omnes homines vident eum : unusquisque intuetur procul. | 25 Omnes homines vident eum, unusquisque intuetur procul. |
26 Ecce Deus magnus vincens scientiam nostram : numerus annorum ejus inæstimabilis. | 26 Ecce, Deus magnus vincens scientiam nostram; numerus annorum eius inaestimabilis. |
27 Qui aufert stillas pluviæ, et effundit imbres ad instar gurgitum, | 27 Qui aufert stillas pluviae et effundit imbres ad instar fluminis, |
28 qui de nubibus fluunt quæ prætexunt cuncta desuper. | 28 quos nubes effundunt, stillantes super homines multos. |
29 Si voluerit extendere nubes quasi tentorium suum, | 29 Profecto quis intellegit dilatationem nubium, strepitum tabernaculi eius? |
30 et fulgurare lumine suo desuper, cardines quoque maris operiet. | 30 Ecce extendit circum se lumen suum et fundamenta maris texit. |
31 Per hæc enim judicat populos, et dat escas multis mortalibus. | 31 Per haec enim iudicat populos et dat escas copiose. |
32 In manibus abscondit lucem, et præcepit ei ut rursus adveniat. | 32 In manibus abscondit lucem et praecipit ei, ut percutiat. |
33 Annuntiat de ea amico suo, quod possessio ejus sit, et ad eam possit ascendere. | 33 Fragor eius de eo annuntiat, zelans ira contra iniquitatem. |