Isaiæ - 29

¹Vae Ariel, Ariel, civitas,quam circumdedit David!Addite annum ad annum,sollemnitates evolvantur;
²et circumvallabo Ariel,et erit maeror et maestitia,et erit mihi quasi Ariel.
³Et circumdabo te quasi sphaeramet iaciam contra te aggeremet munimenta ponam in obsidionem tuam.
⁴Humiliaberis, de terra loqueris,et de pulvere vix audietur eloquium tuum,et erit quasi pythonis de terra vox tua,et de humo eloquium tuum mussitabit.
⁵Et erit sicut pulvis tenuis multitudo superborum tuorum,et sicut palea volans multitudo fortium.Eritque repente confestim,
⁶a Domino exercituum visitaberisin tonitruo et commotione terrae,magno fragore, turbine et tempestateet flamma ignis devorantis.
⁷Et erit sicut somnium visionis nocturnaemultitudo omnium gentium, quae dimicant contra Ariel,et omnes, qui pugnant contra eam et contra munimenta eius et oppressores eius;
⁸Et sicut somniat esuriens, et ecce comedit,cum autem fuerit expergefactus, vacua est anima eius;et sicut somniat sitiens, et ecce bibitet, postquam fuerit expergefactus, lassus adhuc sitit,et anima eius vacua est,sic erit multitudo omnium gentiumdimicantium contra montem Sion.
⁹Obstupescite et admiramini,excaecamini et caeci estote,inebriamini et non a vino,vacillate et non ab ebrietate.
¹⁰Quoniam miscuit vobis Dominus spiritum soporis,clausit oculos vestroset capita vestra operuit.
¹¹Et erit vobis visio omnis sicut verba libri signati; quem cum dederintscienti litteras dicentes: “ Lege istum ”, respondebit: “ Non possum,signatus est enim ”.
¹²Et dabitur liber nescienti litteras diceturque ei: “Lege ”, et respondebit: “ Nescio litteras ”.
¹³Et dixit Dominus:“ Eo quod appropinquat populus iste ore suoet labiis suis glorificat me,cor autem eius longe est a me,et est timor eorum erga mevelut mandatum hominum perceptum,
¹⁴ideo ecce ego addam ut admirationem faciampopulo huic miraculo grandi et stupendo:peribit sapientia sapientium eius,et prudentia prudentium eius abscondetur ”.
¹⁵Vae, qui profunde a Dominoconsilium abscondunt,quorum sunt in tenebris opera, et dicunt:“ Quis videt nos, et quis novit nos? ”.
¹⁶Perversa cogitatio vestra!Numquid quasi lutum reputabitur figulus,ut dicat opus factori suo:“ Non fecisti me ”;et figmentum dicat fictori suo:“ Non intellegis ”?
¹⁷Nonne adhuc in modico et in brevi convertetur Libanus in hortum,et hortus in saltum reputabitur?
¹⁸Et audient in die illa surdi verba libri,et de tenebris et caligine oculi caecorum videbunt.
¹⁹Et addent mites in Domino laetitiam,et pauperrimi hominum in Sancto Israel exsultabunt;
²⁰quoniam defecit, qui praevalebat,consummatus est illusor,et succisi sunt omnes, qui vigilabant super iniquitatem,
²¹qui peccare faciebant homines in verboet arguentem in porta supplantabantet deiecerunt inanibus verbis iustum.
²²Propter hoc haec dicit Dominusad domum Iacob, qui redemit Abraham:“ Non modo confundetur Iacob,nec modo vultus eius erubescet;
²³sed, cum viderit opera manuum mearum,in medio sui sanctificabunt nomen meumet sanctificabunt Sanctum Iacobet Deum Israel pavebunt,
²⁴et scient errantes spiritu sapientiam,et mussitatores discent doctrinam ”.