ΙΩΒ - Giobbe - Job 30

¹ νυνι δε κατεγελασαν μου ελαχιστοι νυν νουθετουσιν με εν μερει ων εξουδενουν πατερας αυτων ους ουχ ηγησαμην ειναι αξιους κυνων των εμων νομαδων

² και γε ισχυς χειρων αυτων ινα τι μοι επ' αυτους απωλετο συντελεια

³ εν ενδεια και λιμω αγονος οι φευγοντες ανυδρον εχθες συνοχην και ταλαιπωριαν

⁴ οι περικλωντες αλιμα επι ηχουντι οιτινες αλιμα ην αυτων τα σιτα ατιμοι δε και πεφαυλισμενοι ενδεεις παντος αγαθου οι και ριζας ξυλων εμασωντο υπο λιμου μεγαλου

⁵ επανεστησαν μοι κλεπται

⁶ ων οι οικοι αυτων ησαν τρωγλαι πετρων

⁷ ανα μεσον ευηχων βοησονται οι υπο φρυγανα αγρια διητωντο

⁸ αφρονων υιοι και ατιμων ονομα και κλεος εσβεσμενον απο γης

⁹ νυνι δε κιθαρα εγω ειμι αυτων και εμε θρυλημα εχουσιν

¹⁰ εβδελυξαντο δε με αποσταντες μακραν απο δε προσωπου μου ουκ εφεισαντο πτυελον

¹¹ ανοιξας γαρ φαρετραν αυτου εκακωσεν με και χαλινον του προσωπου μου εξαπεστειλαν

¹² επι δεξιων βλαστου επανεστησαν ποδα αυτων εξετειναν και ωδοποιησαν επ' εμε τριβους απωλειας αυτων

¹³ εξετριβησαν τριβοι μου εξεδυσεν γαρ μου την στολην

¹⁴ βελεσιν αυτου κατηκοντισεν με κεχρηται μοι ως βουλεται εν οδυναις πεφυρμαι

¹⁵ επιστρεφονται δε μου αι οδυναι ωχετο μου η ελπις ωσπερ πνευμα και ωσπερ νεφος η σωτηρια μου

¹⁶ και νυν επ' εμε εκχυθησεται η ψυχη μου εχουσιν δε με ημεραι οδυνων

¹⁷ νυκτι δε μου τα οστα συγκεκαυται τα δε νευρα μου διαλελυται

¹⁸ εν πολλη ισχυι επελαβετο μου της στολης ωσπερ το περιστομιον του χιτωνος μου περιεσχεν με

¹⁹ ηγησαι δε με ισα πηλω εν γη και σποδω μου η μερις

²⁰ κεκραγα δε προς σε και ουκ εισακουεις μου εστησαν και κατενοησαν με

²¹ επεβης δε μοι ανελεημονως χειρι κραταια με εμαστιγωσας

²² εταξας δε με εν οδυναις και απερριψας με απο σωτηριας

²³ οιδα γαρ οτι θανατος με εκτριψει οικια γαρ παντι θνητω γη

²⁴ ει γαρ οφελον δυναιμην εμαυτον χειρωσασθαι η δεηθεις γε ετερου και ποιησει μοι τουτο

²⁵ εγω δε επι παντι αδυνατω εκλαυσα εστεναξα δε ιδων ανδρα εν αναγκαις

²⁶ εγω δε επεχων αγαθοις ιδου συνηντησαν μοι μαλλον ημεραι κακων

²⁷ η κοιλια μου εξεζεσεν και ου σιωπησεται προεφθασαν με ημεραι πτωχειας

²⁸ στενων πεπορευμαι ανευ φιμου εστηκα δε εν εκκλησια κεκραγως

²⁹ αδελφος γεγονα σειρηνων εταιρος δε στρουθων

³⁰ το δε δερμα μου εσκοτωται μεγαλως τα δε οστα μου απο καυματος

³¹ απεβη δε εις παθος μου η κιθαρα ο δε ψαλμος μου εις κλαυθμον εμοι