ΣΟΦΙΑ ΣΕΙΡΑΧ - Siracide - Sirach 1

¹ πασα σοφια παρα κυριου και μετ' αυτου εστιν εις τον αιωνα

² αμμον θαλασσων και σταγονας υετου και ημερας αιωνος τις εξαριθμησει

³ υψος ουρανου και πλατος γης και αβυσσον και σοφιαν τις εξιχνιασει

⁴ προτερα παντων εκτισται σοφια και συνεσις φρονησεως εξ αιωνος

⁵ -

⁶ ριζα σοφιας τινι απεκαλυφθη και τα πανουργευματα αυτης τις εγνω

⁷ -

⁸ εις εστιν σοφος φοβερος σφοδρα καθημενος επι του θρονου αυτου

⁹ κυριος αυτος εκτισεν αυτην και ειδεν και εξηριθμησεν αυτην και εξεχεεν αυτην επι παντα τα εργα αυτου

¹⁰ μετα πασης σαρκος κατα την δοσιν αυτου και εχορηγησεν αυτην τοις αγαπωσιν αυτον

¹¹ φοβος κυριου δοξα και καυχημα και ευφροσυνη και στεφανος αγαλλιαματος

¹² φοβος κυριου τερψει καρδιαν και δωσει ευφροσυνην και χαραν και μακροημερευσιν

¹³ τω φοβουμενω τον κυριον ευ εσται επ' εσχατων και εν ημερα τελευτης αυτου ευλογηθησεται

¹⁴ αρχη σοφιας φοβεισθαι τον κυριον και μετα πιστων εν μητρα συνεκτισθη αυτοις

¹⁵ μετα ανθρωπων θεμελιον αιωνος ενοσσευσεν και μετα του σπερματος αυτων εμπιστευθησεται

¹⁶ πλησμονη σοφιας φοβεισθαι τον κυριον και μεθυσκει αυτους απο των καρπων αυτης

¹⁷ παντα τον οικον αυτων εμπλησει επιθυμηματων και τα αποδοχεια απο των γενηματων αυτης

¹⁸ στεφανος σοφιας φοβος κυριου αναθαλλων ειρηνην και υγιειαν ιασεως

¹⁹ και ειδεν και εξηριθμησεν αυτην επιστημην και γνωσιν συνεσεως εξωμβρησεν και δοξαν κρατουντων αυτης ανυψωσεν

²⁰ ριζα σοφιας φοβεισθαι τον κυριον και οι κλαδοι αυτης μακροημερευσις

²¹ -

²² ου δυνησεται θυμος αδικος δικαιωθηναι η γαρ ροπη του θυμου αυτου πτωσις αυτω

²³ εως καιρου ανθεξεται μακροθυμος και υστερον αυτω αναδωσει ευφροσυνη

²⁴ εως καιρου κρυψει τους λογους αυτου και χειλη πολλων εκδιηγησεται συνεσιν αυτου

²⁵ εν θησαυροις σοφιας παραβολαι επιστημης βδελυγμα δε αμαρτωλω θεοσεβεια

²⁶ επιθυμησας σοφιαν διατηρησον εντολας και κυριος χορηγησει σοι αυτην

²⁷ σοφια γαρ και παιδεια φοβος κυριου και η ευδοκια αυτου πιστις και πραοτης

²⁸ μη απειθησης φοβω κυριου και μη προσελθης αυτω εν καρδια δισση

²⁹ μη υποκριθης εν στομασιν ανθρωπων και εν τοις χειλεσιν σου προσεχε

³⁰ μη εξυψου σεαυτον ινα μη πεσης και επαγαγης τη ψυχη σου ατιμιαν και αποκαλυψει κυριος τα κρυπτα σου και εν μεσω συναγωγης καταβαλει σε οτι ου προσηλθες φοβω κυριου και η καρδια σου πληρης δολου