El santo Evangelio secondo Matio 9

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹LU ga montà in tuna picola barca,e el xe andà in tel so paese.²Sul più belo po se ga fato avanti un omo, che gera destirà in leto tuto perso. Co Gesù ga visto la fede de colori, el ga dito al paralitico: Caro fio, spera, i to pecai te xe perdonai.³Ghe xe sta in bota dei Scribi,che ga dito drento de lori: Costù biastema.⁴E Gesù, che ga capio i so pensieri, nol s'ha tegnuo de dirghe: Per cossa vualtri penseu mal in tel vostro cuor?⁵Perchè, diseme in grazia, cossa che xe più facile el dir: Te xe perdonai i to pecai: o el dir: Levite su, e camina?⁶Adesso, aciò che vualtri sapiè, ch ' el Fio de l'omo ga la padronanza sora la tera de perdonar i pecai, Levite su, el ga dito al paralitico, chiapa el to leto, e vatene a casa toa.⁷E el s'ha levà su, e l'ha tirà dreto a casa soa.⁸Tuta la zente, che ga visto sta cossa i ga chiapà paura, e i ga dito de le orazion a Dio, che ga tanto poder sui omeni.⁹Eco Gesù xe andà via, el ga visto un omo sentà al banco, che i chiamava Matio. E el ga dito: Vieme drio. E lu s' ha levà suso, e el gh'è andà drio.¹⁰E co el xe sta a tola in casa, se ga presentà da vanti una strage de publicani e de zente, che ga pecà, e i s'ha sentà a tola co Gesù, e coi so scolari.¹¹I Farisei, che ga osservà sta cossa, i ghe diseva ai so scolari: Per cossa mai el vostro Mestro magna coi publicani e coi pecatori?¹²Gesù, che li ga sentii, el ga dà risposta: No gaga bisogno del medico quei, che sta ben de salute, ma siben i malai.¹³Andè pur e imparè cossa che vol dir: A mime piase megio la misericordia, che no el sacrifizio. Perchè mino so vegnuo a chiamar i boni,ma i pecatori.¹⁴In quel mentre ghe xe vegnui arente i scolari de Nane, e i ga dito: Per che rason nu, ei Farisei, dezunemo tuti i momenti: ei to scolari no dezuna?¹⁵E Gesù ga risposto: Pol forsi i compagni del novizzo meterse a pianzer, co el novizzo xe insieme co lori? Ma vegnirà el zorno, che ghe sarà portà via el novizzo: e alora i dezunerà.¹⁶Nogh è nissun, che taca un toco de pano novo sora un abito uso: perchè quela zonta fa scomparir el vestia rio, e xe pezo deboto el tacon de quelo, che ghe restasse el sbrego.¹⁷No se mete minga el vin novo in arnasi vechi; perchè i se romparia, e se spanderave el vin, eiarnasi andaria in malora. Ma se mete el vin novo in arnasi novi, e cussì se conserva el vin, e anca i arnasi.¹⁸Intanto che lu ghe diseva a lori ste cosse, se ga fato avanti uno dei cai, e butà inzenochion, el ga dito: Paron, in sto puro momento me xe morta mia fia: ma vien, meti la to man sora de ela, e la tornerà a viver.¹⁹E Gesù s'ha issà suso, e el ghe xe andà drio coi so scolari.²⁰Alora una dona, che da dodese ani la pativa el flusso de sangue, ghe xe vegnua rente per da drio, e ga tocà el pinzo de l' abito.²¹Perchè la ga dito drento de ela: Basta, che mi toca el so abito, che sarò guaria.²²Ma Gesù s'ha volta, e el l'ha vardada, e el ga dito: Sta quieta, fia, che la to fede t ha salvà. E da quel momento a la dona ghe xe spario tuto el mal.²³Co Gesù xe capità in casa de quel sior, el ga visto le trombete e una marmagia de zente, che fava un gran susurro, e el ga dito:²⁴Tireve da parte: perchè la putela no xe morta, ma la ga chiapà sono. E lori lo minchionava.²⁵Co xe andada po fora la zente, el xe andà drento lu: ell'ha chiapadaperman. E la putela s'ha levà suso da so posta.²⁶E per tuto el paese xe andada in ziro la nova de quel miracolo.²⁷Per conseguenza co Gesù xe andà via, do orbi lo ga compagnà, cigandoghe: Fio de Davide, te preghemo de aver compassion de nualtri.²⁸Co el xe po arivà a casa, i orbi se ga fato avanti. E Gesù ga dito a lori: Credeu mo vualtri, che mi ve possa dar agiuto? E lori ga risposto: Sior si.²⁹Alora el ga tocà i ochi, e el ga dito: Ve sia fato segondo la vostra fede.³⁰E a lori se ga averto i ochi: e Gesù li ga avisai, disendoghe: Recordeve, che nissun gabia da saverlo.³¹Ma malapena che i xe andai via, i ga impenio tuto el paese de la storia del so miracolo.³²Dopo de costori se ga presentà un povero muto indemonià.³³El ga cazzà via el diavolo, e el muto ga parlà, e quei chiapi de popolo xe restai co la boca averta, e i andava disendo: No s'ha mai visto in Israel una cossa simile.³⁴Ma i Farisei discorreva intra de lori: Lu cazza via i diavoli, perchè el ga co lu el capurion dei diavoli.³⁵Gesù zirava per tute le cità, e i casteli, l'insegnava nele sinagoghe, el predicava el Vangelo del regno, e el guariva tute le debolezze, e tute le malatie.³⁶E vardando quele marmagie, el ga sentio compassion: perchè i gera tuti in cativeman, e i stava cofà piegore senza el pastor.³⁷El ga dito donca ai so scolari: La racolta xe veramente grossa,ma i laoranti xe pocheti.³⁸Preghè donca el Paron del racolto, ch ' el manda dei laoranti al so campo per la vendema.