El santo Evangelio secondo Matio 20

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹EL regno del cielo ghe somegia a un omo capo de casa, che de prima matina xe vegnuo fora a menar i laoranti in tela so vigna.²E d'acordo coi laoranti de darghe un tanto al zorno, el li ga mandai in tela so vigna.³E vegnuo fora de casa circumcirca co sonava terza, el ga visto st'altri, che stava là in piazza senza far gnente,⁴E el ga dito: Andè anca vualtri in tela mia vigna, e ve darò quelo, che sarà giusto.⁵E lori xe andai. Un'altra volta po el xe andà fora de casa sul far de l'ora sesta, e nona, e el ga fato l'istesso.⁶L’è anda anca co sonava undese ore, e el ga catà dei altri là impiantai, che vardava, el el ga dito: Cossa feu qua duri in ozio tuto el zorno?⁷Lori ga dito: Perchè nessun no ne ga tolti a zornada. Lu ga risposto: Andè anca vualtri in tela mia vigna.⁸Co ga po comincià a far scuro, el paron de la vigna ga dito al so fator: Chiama i laoranti, e contighe la paga, scomenzando dai ultimi, e terminando coi primi.⁹Co xe vegnui donca quei, che gera andai circum circa a undese ore, i ga abuo una monea peromo.¹⁰Vegnui po i primi, i pretendeva de ricever de più: ma invece i ga abuo anca lori una monea peromo.¹¹E tolendola, i s'ha messo a ruzar contro el pare de famegia,¹²Disendo: Quei, che xe vegnui ultimi de tuti i ga lorà per un'ora, e ti l'a fati compagni de quei, che ga portà el peso de tuto el zorno, e del caldo.¹³E lu, a uno de lori rispondendo, el ga dito: Amigo, no intendo de farte ingiustizie: no ti xe sta con tento de lorar da mi per quela monea?¹⁴Chiapa quel, che te vien, e va per i fati toi: mi so paron de darghe quelo, che t'ho dà a ti, nè più, nè manco, anca a chi xe vegnuo ultimo.¹⁵Star a veder, che no me sarà permesso de far quel, che vogio? o xe cativo el to ochio, perchè mi so bon?¹⁶In sta maniera sarà ultimi i primi, e primi i ultimi. Perchè tanti xe quei, che xe chiamai,ma pocheti quei, che xe sielti.¹⁷E movendose Gesù andar a Gerusaleme, perel s' ha tolto co lu i dodese Apostoli in scondon, e el ga dito:¹⁸Eco che andemo in Gerusaleme, e che el Fio de l'omo sarà tradio dai capi dei preti, e dai Scribi, e i lo condanarà a morte.¹⁹E i lo consegnerà al popolo per minchionarlo, bastonarlo, meterlo in crose, e tre di dopo el ressussiterà.²⁰Alora ghe xe veynua arente la mare dei fioi de Zebedeo coi fioi d'ela, adorandolo e dimandandoghe, ch'el ghe daga qualcossa.²¹Lu ga dito: Cossa vustu? Ela ga risposto: Or dena, che sti do mi fioi se vegna a sentar uno a man dreta, e st' altro a man zanca in tel to régno.²²Gesù rispondendoghe, ga dito: No savè quelo, che dimandè. Podaressi vualtri tor su el calice, che mi stago per bever? Lori ga dito: Podemo.²³Ma lu ga replicà: Si, che beverè el mio calice: ma no toca a mi el far, che ve sentè a man dreta o a man zanca; questa xe una cossa, che xe parechiada a quei,che vorà darghela mio Pare.²⁴Co i ga sentio sta strazza de riposta i diese Apostoli, i s'ha invelenà contro quei do fradei.²⁵Gesù alora li ga chiamai arente de lu, e el ga dito: Vualtri za savè, che i capurionidei popoli la fa da paroni colori: e che quei, che xe più grandi,i ghe fa el desora, e ili tien in sugizion.²⁶Cussì no la sarà intra vualtri: ma chi volesse farse più grando che el vostro paron,²⁷E chi volesse tra vualtri esser el primo, el sarà vostro servo.²⁸Per l'istessa rason el Fio de l'omo no xe vegnuo per esser servio,ma per servir, e a dar la so vita, per salvarghene tanti.²⁹E andando fora tuti de Gerico, ghe xe andà drio una gran caterva de zente:³⁰E eco do orbi sentai longo la strada, i ga sentio, che Gesù saria passà: e i s'ha messo a cigar: Signor, pietà de nualtri, fio de Davide.³¹El popolo ghe dava su la ose, perchè i tasesse. Ma lori cigava più a forte, disendo.: Signor, pietà de nu altri, fio de Davide.³²E Gesù s'ha fermà, el li ga dito: chiamai, e el ga dito: Cossa voleu, che ve fazza?³³Lori ga dito: Signor, fè, che se averza i nostri ochi.³⁴A Gesù i ga fato pecà; el ga tocà i so ochi. E in tun supio i ga visto, e i ghe xe andai drio.