El santo Evangelio secondo Matio 4

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ALORA Gesù se sta condoto dal Spirito in tel deserto,²El gaveva dezunà quaranta zorni, e quaranta note, e el sentiva de aver una gran fame.³E ghe xe vegnuo arente el diavolo a dirghe: Se ti xe fio de Dio, dighe a ste piere che le se cambia in paneti.⁴Lu ga risposto: Se trova scrito: Che l'omo no vive minga nome che de pan, ma de tute quele parole, che vien fora da la boca de Dio.⁵Po dopo el diavolo lo ga tirà in tela cità santa, e el lo ga portà alto sul coverto de la chiesa,⁶E el ghe diseva: Se ti xe fio de Dio, butite zo. Che za xe scrito: Che i anzoli ga l'ordene de difenderte, e i te porterà co i so brazzi, perchè no ti te rompi le gambe su le piere.⁷Gesù anca sta volta ga risposto: Xe anca scrito: Che no ti tenterà Dio, che xe el to paron.⁸Un'altra volta el diavolo lo ga portà de sora de un monte assae alto: e da de là el ga fato veder tuti i regni del mondo, e tuto el so chiasso,⁹E l'andava stucegandolo col dirghe: Te darò tuto in regalo, se ti te buterà in zenochio per adorarme.¹⁰Alora Gesù xe saltà su cigando: Va via,diavolo: perchè xe scrito: Adora el to paron, che xe Dio, e te toca a ti de servirlo.¹¹E el diavolo lo ga lassà: e ghe xe vegnui i anzoli arente, e i s'ha messo lori a servirlo.¹²Gesù po col ga sentio che Zuane gera sta cazzà in el ga volesto ritirarse in tela Galilea: preson,¹³E lassada la cità de Nazaret, el xe andà a star a Cafarnao, che xe una cità de mar ai confini de Zabulon, e de Neftali.¹⁴El gaveva cussì in vista, che gavesse el so efeto quelo, che gavea dito el profeta Isaia:¹⁵El paese de Zabulon, e st'altro de Neftali, strada che conduse al mar al de là del Giordano, la Galilea dei popoli,¹⁶El popolo, che caminava in fra le tenebre, el xe sta colpio nei ochi da una gran luse: e la luse s' ha issà per colori che dormiva nel logo de le ombre, e in tun scuro de morte.¹⁷Da de là po ga scomenzà Gesù a predicar, e a dir: Fè penitenza: perchè sta per vegnir el regno dei cieli.¹⁸E caminando un zorno su la riva del mar de Galilea, el ga trato l'ochio sui do fradei, Simon, chiamà Piero, e Andrea so fradelo, che i butava le rede in mar (perchè i fava el mestier de pescaori),¹⁹E el ga dito: Vegnì drio de mi, e ve farò pescaori de omeni.²⁰Lori in bota ga trato via le rede, e i ghe xe andai drio.²¹Fando strada po, el s' ha incontrà co altri do fradei, Giacomo de Zebedeo, e Nane so fradelo, tuti do in com pagnia in tuna barca sola co Zebedeo so pare, che i se giustava le rede: e el l'ha chiamai.²²E anca lori in bota ga impiantà le rede e so pare, e i ghe xe andai drio.²³Gesù zirava atorno per tuta la Galilea, el fava el mestro in telesinagoghe, el predicava el Vangelo del regno, e el guariva tute le debolezze, e le malatie del popolo.²⁴Tanto che s'ha spanto el so nome per tuta la Siria, e da lu s 'ha presentà tuti quei, che gera malatai, e che pativa dolori e malatie grande de tuta la sorte, e i mati, e i paralitici, i indemoniai, e lu in tun supio li guariva tuti:²⁵E coreva drio dei so passi a chiapi la zente da la Galilea, da Decapoli, da Gerusaleme, da la Giudea, e dal paese, che xe al de là del Giordano.