El santo Evangelio secondo Matio 17

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹DOPO sie zorni Gesù s'ha tolto co lu Piero,Giacomo, e Nane so fradelo, e el li ga menai sora de una montagna assae alta:²E davanti de lori el s' ha cambià tuto de figura. El so viso luseva cofà el sol: i so abiti gera bianchi cofà la neve.³E eco se ga visto a vegnir Mosè e Elia, che i s'ha messo co lu a discorer.⁴E Piero chiapando la parola, el ga dito a Gesù: Signor, che bela cossa xe questa per nu de star qua: se ti vol, femo qua tre tende, una per ti, una per Mosè, e un'altra per Elia.⁵Nol gaveva gnanca terminà de parlar, che i s'ha visto coverti da una nuvola che luseva. E da le nuvole eco calar una ose, che dise: Questo xe el mio caro Fio, che go tanto caso de aver: ascoltelo.⁶I Apostoli, sentie ste parole, i xe cascai per tera mezi morti,e i ga abuo una strazza de paura, che no i podeva più.⁷Ma Gesù ghe xe andà rente, el li ga tocai, e el ga dito: Alzeve, e no gabiè paura.⁸E issando po i ochi, no i ga visto nissun, nome che Gesù.⁹E vegnindo zoso da la montagna, Gesù ga ordenà cussì: No disè a nissun le cosse, che gavè visto, avanti ch ' el Fio de l'omo sia ressussità da morte.¹⁰E i Apostoli ga dimandà: Per cossa donca va contando i Scribi, che prima ga da vegnir Elia?¹¹E lu ga risposto: Sicuro che prima ga da vegnir Elia: lu el giusterà tute le cosse.¹²Mi po ve digo, che Elia xe da ariva, e no i lo ga conossudo, ma i ga fato tuto quelo, che i ga volesto. E cussì in tela maniera istessa sarà da lori tratà el Fio de l'omo.¹³Alora i Apostoli ga capio, ch ' el gaveva parlà co lori de Zuane Batista.¹⁴E capità, dove ghe gera quella fragia, se ga fato vicin un omo, e el se ga butà inzenochion davanti, cigando: Signor, abiè pietà de mio fio, che xe mato, e patisse assae: perchè ogni momento el casca in tel fogo, e anca ogni momento el casca in tell aqua.¹⁵Mi lo go presentà ai to Apostoli, e lori no ga podesto guarirlo.¹⁶Gesù rispondendo, el ga dito: Razza malfidente e barona, sin quando starogio co vualtri? sin quando ve gavarò da sofrir? Condusemelo qua da mi.¹⁷Gesù ga da su'la ose al diavolo; el xe saltà fora dal toso, e se pol dir, che da quel momento el xe sta guario.¹⁸I Apostoli alora ga chiamà Gesù in disparte, per dimandarghe: Per cossa no gavemio podesto nualtri cazzarlo via?¹⁹Gesù ga risposto: Per causa che sè malfidenti. In verità ve digo, che se gavarè una fede, tanto picola cofà un granelo de senape, podarè comandarghe a quela la montagna, che la passa da sto logo a sť' altro, e passarà, e gnente sarà a vualtri impossibile.²⁰Ma sta genia de diavoli no la se cazza fora, nome che co l'orazion, e el dezun.²¹E intanto che i se fermava in tela Galilea, Gesù ga dito: El Fio de l'omo ga da esser dà in tele man dei omeni:²²E i lo mazzarà, e lu ressussiterà el terzo zorno. E lori xe restai passionai fora dei modi.²³Co i xe andai a Cafarnao, xe corsi incontro a Piero colori, che scodeva la monea, e i ga dito: El vostro Mestro nol paga la monea?²⁴E lu ga risposto: Sicuro che la pago. E quando el s'ha retirà a casa, Gesù xe andà prima, e el ga dito: Cossa te par, Simon? Da chi riceveli el pagamento o le prediali i re de la tera? dai propri fioli, o dai foresti?²⁵Dai foresti, ga risposto Piero. E Gesù ga risposto: Dunque i fioli no ga da pagar gnente.²⁶Ma no vogio darghe scandalo: va almar, e buta l'amo: chiapa el primo pesse, che vegnirà suso: verzighe la boca, e ti ghe caterà drento una monea: toltela su, e mi paga per ti, e per mi.