El santo Evangelio secondo Matio 8

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹Co el xe vegnuo abasso da la montagna, ghe xe Coandada drio la zente a grumi.²Alora se ga fato arente un poverazzo tuto coverto de levra, e el s'ha messo a adorarlo, disendo: Mio Paron, se ti volti, ti me pol guarir.³E Gesù, destirada la man, el lo ga tocà, e el ga dito: Vogio, che ti guarissi. E in bota salda el xe sta guario da la so levra.⁴E Gesù ga dito: Vardite de dirghelo a nissun: ma presentite al prete, e metighe in man el regalo ordinà da Mosè, come che i t'avesse guario lori.⁵E co el xe andà drento de Cafarnao, xe andà a catarlo un centurion, e el se ga racomandà a lu,⁶E el ga cigà: Paron mio, go a casa el servitoreto inchiodà in leto da un colpo, e el xe assae tormentà.⁷E Gesù ga risposto: Vegnirò mi, e ghe farò passar tuto.⁸Ma el centurion ga dito: Paron mio, mi no so degno, che ti vegni soto el mio coverto: ma dime nome che una parola, e el mio pageto sarà guario.⁹Perchè mi so un omo, che dipende dai altri, e go soto de midei soldai, e ghe digo a uno: Va, e lu va: e a st' altro: Vien, e lu vien: e al mio servitor: Fa sta cossa, e lu la fa.¹⁰Gesù co l'ha sentio ste parole, el s'hamaravegia, e elga dito a colori, che ghe andava drio: Vedigo in verità, che no go mai catà una fede tanto granda in tuto Israel.¹¹E mi ve zonto, che tanti vegnirà da dove che nasse el sol, e da dove ch ' el va a monte, e i se senterà co Abramo, Isaco, e Giacobe in tel regno del cielo:¹²Ma i fioi del regno i sarà butai in tele tenebre del de fora: là ghe sarà lagreme, e scricolar de denti.¹³Alora Gesù ga parlà cussì col centurion: Va, e ti gaverà tuto, segondo la to fede. E in tun supio el serveto xe guario.¹⁴El xe andà po Gesù a casa de Piero, e el ga visto so madona butada in leto co la freve.¹⁵Elga tocà la man, e la freve xe andada via da so posta, e la dona s' ha levà suso, e la s'ha messo a servirli.¹⁶Co ga po principià a far scuro, ghe xe vegnui davanti tanti indemoniai: e lu co do parole el cazzava via i spiriti: e el guariva tuti i amalai.¹⁷Cussi gavea logo quel, che ga dito el profeta Isaia: El ga chiapà su inostri malani: el s'ha tolto per lu le nostre schinele.¹⁸Col ga visto po Gesù una gran marmagia, che se ghe fava atorno, el ga dà ordene de passar da st'altra banda de la riva.¹⁹Un Scriba se ga fato arente, e el dito: Me gastro, mi te tegnirò drio, per tuti i loghi, in dove che ti andarà.²⁰E Gesù ga risposto: Le volpe le ga le so tane, osei de l'aria i el so nio: ma el Fio de l’omo nol ga un galogo, in dove puzar la testa.²¹E un altro de quei, che ghe andava drio ghe diseva: Paron, dame avanti el permesso de andar a sepelir mio pare.²²Ma Gesù ga risposto: Vieme drio, e lassa, che i morti sepelissa i so morti.²³El xe montà in barca, e i so scolari ghe andava drio.²⁴Da là poco una gran borasca xe vegnua suso in mar, che la barca gera coverta da l'aqua, e lu dormiva.²⁵I so scolari ghe xe andai arente, e i lo ga svegia, disendo:: Paron, salvine, che se neghemo.²⁶Gesù ga risposto a lori: Per cossa gaveu paura, omeni de poca fede? Alora el s' ha levà in pie, e el ga comandà ai venti e al mar, e s'ha fato una gran bonazza.²⁷Tuta la zente ve restada incocalia, e i andava batolando: Chi xe mai costù, che ghe ubidisse el vento e el mar?²⁸Co el xe desmontà da st'altra banda del fiume nel paese dei Geraseni, ghe xe andai incontro do indemoniai, che vegniva fora da le arche, e i gera tanto furiosi, che nissun podeva rischiarse de passar per quela strada.²⁹E i s'ha messo in bota a cigar: Cossa gavemio nualtri da far co ti, o Gesù fio de Dio? Xestu vegnuo qua prima del tempo per tormentarne?³⁰E poco lontan de lori ghe gera un chiapo de porcei, che pascolava.³¹I diavoli lo pregava cussì: Se ti ne cazzi via da de qua, fane andar drento de quel grumo de porcei.³²E lu ga dito: Andè. E lori vegnui fora, i s'ha ficà drento dei porcei, e in bota salda tuto quel chiapo co gran impito s'ha butà co furia in mar: e el s'ha perso in tel’aqua.³³E i pastori xe scampai via: ei ga coresto in cità, i ga contà tute ste cosse, e anca el fato de colori, che ga veva i diavoli in corpo.³⁴E in bota tuta la cità xe vegnua fora incontro a Gesù: e co i l'ha visto, i lo ga pregà de andar via dai confini.