El santo Evangelio secondo Matio 22

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E GESÙ rispondendo, el ga parlà cussì un'altra volta, doperando le parabole:²El regno del cielo el ghe somegia a un re, che gabia fato le nozze de so fio.³El mandà i so servi a chiamar i invidai al ma gatrimonio, e no i voleva vegnir.⁴Un'altra volta el ga mandà dei altri servi, parlando cussì: Diseghe a quei, che xe stai invidai: Eco go parechià el mio disnar, i manzi e le altre bestie xe stae mazzae, e tuto xe in ordene: vegnì a le nozze.⁵Ma lori no i ga badà gnente: ei xe andai, chi in tela so campagna, chi a tender ai so afari:⁶Ghe ne xe sta anca de quei, che ga chiapà i servi, e li ga maltratai, e i ga dà po la morte.⁷Co el re l'ha savesto, el xe andà in furie: e mandà i so soldai, el ga destermina quei assassini, e brusada tuta la so cità.⁸Alora el ga dito ai so servi: Le nozze gera pare chiae, ma quei, ch'è stai invidai, no i gera degni.⁹Andè donca ai cai de le strade, e chiamè a le nozze tuti quei, che catarè.¹⁰E corsi fora i so servi per le strade, i ga rancurà tutti quei, che i ga incontrà, boni e cativi: e la tola gera piena de zente vegnua a le nozze.¹¹Ma el re xe intrà per veder i invidai a disnar, e là el ga visto un omo, che no gaveva indosso l'abito de nozze.¹²El ga dito: Amigo, come xestu intrà in sto logo ti, che ti xe senza l'abito da nozze? E lu el s'ha imutio.¹³Alora el re ga dito ai servi: Ligheghe le man e i pii, e fichelo a scuro de fora: là ghe sarà susti, e strete de denti.¹⁴Perchè tanti xe i chiamai, ma pochi i sielti.¹⁵Alora i Farisei i s' ha ritirà, e i ga fato consegio, corne che i poderave chiaparlo drento nei discorsi.¹⁶E i ga mandà i so Apostoli co certi tali del partio de Erode, disendo: Mestro, savemo, che ti xe sincier, e che t'insegni la strada de Dio in verità, e che no ti ga pensier de altro: perchè ti no ti vardi in fazza a nissun.¹⁷Dine donca quel, che te par: Xe permesso, o no de pagar a Cesare la predial?¹⁸Gesù, che gaveva za capio la baronada de quele figure, el ga dito: Cossa me tenteu, falsi divoti?¹⁹Mostreme quanto che dovè pagar. E lori ga mostrà una monea.²⁰E Gesù ga dito: Di chi xela sta figura, e le parole scrite de sora?²¹I ga risposto: De Cesare. Alora el ga dito: Deghe dunque a Cesare quel, che xe de Cesare: e a Dio quel, che xe de Dio.²²Co i ga sentio cussì, i s' ha stupio, e lassandolo, i xe andai via.²³In quel zorno xe andai a trovarlo i Saducei, che no vol saverghene de ressurezion: e i ga dimandà,²⁴Disendo: Mestro, Mosè ga dito: Se uno mor senza aver un fio, che so fradelo se marida co so mugier, e cussi el farà la casa a so fradelo.²⁵E ghe gera intra nualtri sete fradei: el primo ga tolto mugier, e el xe morto: e no avendo fioi, el ga lassà so mugier a so fradelo.²⁶Cussì ga fato el secondo, e el terzo fino al setimo.²⁷Finalmente ultima de tuti xemorta anca la mugier.²⁸Al tempo donca de la ressurezion, de qualo dei sete sarà la mugier? perchè tuti la ga avuda.²⁹E Gesù rispondendo, ga dito: Vu falè, no intendendo le Scriture, nè la forza de Dio.³⁰Perchè al tempo de la ressurezion i omeni no tol mugier, e le femene no tol mario: ma i xe cofà i anzoli de Dio in cielo.³¹No gavè leto po su la ressurezion dei morti quelo, che Dio ve ga dito:³²Miso el Dio de Abramo, el Dio de Isaco, el Dio de Giacobe? Nol xe el Dio dei morti, ma dei vivi.³³Eco xe sta sentie ste cosse dal popolo, e i s'ha maravegià del so saver.³⁴I Farisei po avendo savesto, ch ' el ga sarà la boca ai Saducei, i s'ha unio insieme:³⁵E un de lori dotor de lege ga fato una domanda, per stucegarlo:³⁶Mestro, qualo xelo el comandamento più grando de la lege?³⁷Gesù ga risposto: Ti amerà Dio to Signor co tuto el to cuor, co tuta la to anema, e co tuta la to mente.³⁸Questo xe el più grando, e el primo comandamento.³⁹El secondo po ghe somegia a questo: Ama el to prossimo, come ti stesso.⁴⁰In sti do comandamenti ghe xe drento tuta quanta la lege, e i profeti.⁴¹Unii insieme tra lori i Farisei, i ga fato dimanda a Gesù,⁴²Disendo: Cossa ve par de Cristo? de chi xelo fio? I ga risposto: De Davide.⁴³E lu ga dito a lori: Come dunque Davide in spirito lo chiama Signor:⁴⁴El Signor ga dito al mio Signor: Sentite da mi a man dreta, finamente che meterò i to nemighi per scabelo dei to pie?⁴⁵Se dunque Davide lo chiama Signor, in che ma niera ghe xelo so fio?⁴⁶E nissun ghe podeva risponder gnanca una parola: nè ghe xe sta nissun, che gavesse ardio da quel zorno de farghe più una dimanda.