El santo Evangelio secondo Matio 10

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹EL ga chiamà davantiiso dodese Apostoli,e el dà gaordene de comandar ai bruti spiriti, per cazzarli fora, e guarir tute le debolezze, e le malatie.²I nomi dei dodese Apostoli i xe questi. El primo, Simon chiamà Piero, Andrea so fradelo,³Giacomo fio de Zebedeo, e Nane so fradelo, Filipo, e Bortolo, Tomaso, e Matio el publicano, Giacomo de Alfeo, e Tadeo,⁴Simon Cananeo, e Giuda Iscariote, che anca lo ga tradio.⁵Sti dodese Apostoli Cristo li ga mandai per el mondo; e el ga ordenà cussì: No andare in mezo de la zente infedel, e no andare drento de la cità dei Samaritani:⁶Ma andè piutosto in cerca de le piegorete perse de la casa d'Israel.⁷E arivando fè saver: Ch ' el regno del cielo xe per vegnir.⁸Torneghe a dar la salute ai malai, ressussitè imorti, netè colori, che ga la levra, cazzè via i diavoli: dè per gnente quelo, che gavè abuo per gnente.⁹No vogiè aver oro, nè arzento, nè bezzi in tele vostre borse:¹⁰No gabiè valise da viazo, nè do abiti, nè scarpe, nè baston: perchè el laorante s' ha da guadagnar el sostentamento.¹¹In tute le cità, e in tuti i casteli, dove intrare, in formeve, chi ghe sia, che lo merita: e fermeve co lu, fin tanto che andere via.¹²Co intrare nele case, saludè tuti col dir: Pase a sta casa.¹³E se quela casa lo meriterà, ghe vegnirà sora la vostra pase: se po no la sarà degna de averla, la vostra pase tornerà indrio co vualtri.¹⁴Se qualchedun no ve ricevesse, e fasse el sordo a le vostre parole: vegnindo fora de la porta de quela casa, o de quela cità, sbatè la polvere dai vostri pie.¹⁵In verità ve digo: Che più de quela cità sarà so portada Sodoma, e Gomora nel zorno del giudizio.¹⁶Eco che mivemando cofà agnei in mezo dei lovi. Siè donca prudenti come che xe i serpenti, e semplizzoti come le colombe.¹⁷Vardeve po dai omeni. Perchè i ve farà intrar in tele compagnie, e i ve frusterà in tele so sinagoghe:¹⁸E per causa mia sarè menai davanti ai capurioni, e ai re pertestimoni contro de lori, e contro dei popoli.¹⁹Ma co ve sarè messi in tele so man,no abiè afano, in che maniera gaverè da discorer: perchè alora vu sa varè cossa che gavarè da dir.²⁰Perchè no se vualtri, che parlè, ma el Spirito de vostro Pare, quelo, che parla in vualtri.²¹El fradelo po darà la morte al fradelo, pare ghe la darà al fio: e i fioi se volterà contro el pare e la mare, e i li farà morir:²²E sarè in odio a tuti per causa del mio nome: ma chi starà saldo fin a l'ultimo momento, el se salverà.²³Co i venisse po contro de vu in sta cità, scampè in tun'altra. Ve digo in verità, no finire de insegnarghe a la cità de Israel, avanti che vegna el Fio de l'omo.²⁴No ghe xe scolaro, che sia de più del mestro: no ghe xe servo, che sia de più del so paron.²⁵Che ghe basta al scolaro d'esser come el mestro: e al servo d'esser comeel paron. Se i ga chiamà Belzebù el paron de casa: no sarà de più i so servitori?²⁶No ste donca a aver paura de lori. Perchè gnente ghe xe de sconto, che no vegna in chiaro col tempo: no gh'è nissun secreto, che no se gabia da saver.²⁷Disè de mezo zorno quelo, che mi ve digo a scuro: predichè sora i coverti quelo, che ve xe sta dito in rechia.²⁸E no stè aver paura de colori, che mazza el corpo, e no pol mazzar l'anema: ma abiè paura piutosto de colù, che pol mandarve in malora e l'anema, e el corpo a l'inferno.²⁹No xe forsi vero, che do passarini i se vende per un bezzo: e uno solo de questi no cascherà per tera senza che lo vogia vostro Pare?³⁰Ma i cavei de la vostra testa i xe stai contai.³¹No abiè donca paura: vualtri valè de più assae de un gran chiapo de passarini.³²Se uno me confesserà davanti dei omeni, anca mi lo confesserò lu davanti de mio Pare, che se in cielo:³³Colù che no me volesse conosser davanti dei po,omeni, el meriterà, che gnanca mi lo vogia conosser da vanti mio Pare, che xe in cielo.³⁴No ve pensé minga, che mi sia vegnuo a meter pase sora de la tera: no so vegnuo a meter pase, ma guera.³⁵Perchè so vegnuo a separar el fio dal pare, la fia da la mare, la niora da la madona:³⁶Einemighi de l'omo xe i so servitori.³⁷Chi ghe vol ben a so pare o a so mare più de mi, no se degno de mi: e chi ghe vol ben al fio o a la fia più de mi, no xe degno de mi.³⁸E no memerita chi no tol su la so crose, e no me vien drio.³⁹Chi tien conto de la so vita, el la perderà: e chi gaverà persa la vita per amor mio, el la catarà.⁴⁰Chi ve riceve vu, me riceve mi: e chi me riceve mi, riceve quelo, che mi ha mandà.⁴¹Chi riceve un profeta in nome del profeta, chiaperà la paga del profeta: e chi riceverà un giusto in nome del giusto, el chiaperà la paga del giusto.⁴²E chi gaverà dà bever nome che un goto de aqua fresca a uno de sti picoli, come scolaro: ve digo in verità, che nol la perderà marza.