El santo Evangelio secondo Matio 13

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹IN quel zorno Gesù vegnindo fora de casa, el se sentava su la riva del mar.²E se ga ingrumà atorno de lu una gran fraca de popolo, tanto che l'ha credesto de montar su una barca e là de sentarse: e tuta quela zente s' ha fermà su la riva.³El ga tacà discorso co lori de tante cosse in zergo, che vol dir co de le parabole, disendo: Eco che un ortolan xe andà per semenar.⁴E col gera drio a butar de qua e de là semenze, ghe ne xe cascà dei pizzegheti de longo su la strada, e xe corsi in bota i osei de l'aria, e i se li ga becolai.⁵Dei altri pizzegheti xe cascai in certi loghi, che gaveva dei sassi, e no ghe gera sta gran tera: e in bota i ga butà fora, perchè el teren no gera fondo.⁶Ma co s'ha leva el sol el ga incandio quei buti: e i s'ha secà, perchè no i gaveva ancora fato bone raise,⁷Un altro pizzego el xe andà in mezo ai spini: ei spini xe cressui, e i ga sofegà le semenze.⁸E finalmente st' altro xe casca sora una tera bona: e ga fato fruto de cento per uno, e de qua de sessanta, e de la de trenta.⁹Chi ga bone rechie me intenda.¹⁰E co i so apostoli ghe xe andai arente i ga di mandà: Per cossa parlistu ti co lori cussì in zergo, che vol dir co le parabole?¹¹Lu rispondendo, ga dito: Perchè a vu altri ve xe permesso de capir i misteri del regno, che se in cielo: ma lori no i lo ga sto permesso.¹²Questo ghe sarà dà a chi savarà doperarlo pulito, e se catarà a nuar nel' abondanza: ma el ghe sarà portà via a colù, che no gavarà talento de tegnirghene conto.¹³Eco per cossa che midiscoro in zergo co lori doperando le parabole: perchè vardando no i vede, scoltando no i sente, e no i capisse.¹⁴Proprio lori fa, che sia vero quel, che ga indovinà Isaia: Sentire co le vostre rechie, e no capirè gnanca una fregola: varderè fisso coi vostri ochi, e no vederè gnente, gnanca una schianta.¹⁵Se pol dir, che sto popolo ga un cuor fodrà de lardo, e xe duro de rechia, e ga i ochi sarai: e tuto, perchè no i veda coi ochi, no i senta co le rechie,no i capissa col cuor, e i se converta, e mili guarissa.¹⁶Ma i vostri ochi xe fortunai de veder, e le vostre rechie de scoltar.¹⁷Ve digo mi in verità, che un bon numero de profeti, e un bon numero de giusti ga abuo vogia de veder quel, che vedè vualtri, e no i lo ga visto: e de scoltar quel, che scoltè vualtri, e no i lo ga ascoltà.¹⁸Sentì dunque vualtri la parabola de l'omo, che semena.¹⁹A tuti quei, che scolta la parola del regno de Dio, e no ghe bada, ghe capita el malano, e el ghe porta via quel, che gera sta semenà in tel so cuor: costù xe quelo, che ga ricevesto la semenza senza fermarse su la strada.²⁰Colù, che riceve la semenza in mezo de le piere, xe quelo, che scolta po la parola, e in bota ghe fa aceto co alegria:²¹Ma nol ga co lu la raise, e el ga vita curta. E co capita le disgrazie e le cativerie dei omeni, e le calunie per causa de la parola, in bota el se scandaliza.²²Colù, che riceve la semenza tra mezo i spini, el xe quelo, che scolta la parola; ma la pressa, che se dà sto secolo, e la smania dei bezzi, che lo orba ghe sofega la parola, e la ghe deventa seca, e roba morta.²³Ma colù, che mete la so semenza in tuna tera bona, xe po quelo, che scolta la parola, ch ' el se la tien ficada in tela mente, e la ghe da fruto, e la ghe rende de le volte el cento, o el sessanta, o el trenta per uno.²⁴A lori el ga po parlà in zergo cussì co un altra parabola: El regno, che xe in cielo el ghe somegia aun omo, che ga semenà nel so campo una bona semenza.²⁵Ma che intanto che i omeni ga chiapà sono, ghe xe andà adosso el nemigo, el ga semenà de l'erba cativa, che se ghe dise zizania, tra mezo el gran, e el xe scampà via.²⁶Co l'erba po ga dà suso, e xe capità el tempo de far fruto, s'ha visto a dar suso anca la zizania.²⁷Alora i servi del capo de casa i ghe xe andai i arente a dimandarghe, e ga dito: Signor, no gavè vu semenà de la bona semenza in tel vostro campo? E cossa vol dir, che ghe xe sta erba mata?²⁸E lu ga risposto: Oh bela ! Sarà sta un nemigo, Eiservi ga dito: che gaverà fato vegnir sta missianza. E i servi ga dito: Voleu, che andemo a rancurarla?²⁹E lu ga risposto: No star a far sta cossa, perchè rancurando la zizania, podaressi co quela strassinar via anca el gran.³⁰Lassè pur, che i cressa tuti do fin al tempo de sunar tuto, e co se farà el racolto ghe dirò ai contadini: Despiantè prima de tuto la zizania, e lighela a mazzi per brusarla, rancurè ро el gran, e metelo in tel mio graner.³¹El ga fato sentir po st'altra parabola: El regno, che xe in cielo el ghe somegia a un gran de senape, che un omo ga chiapà, e el ga semenà in tel so campo.³²La xe la più picinina de tute le semenze:ma co la xe cressua, la xe più granda de tute l' erbe, e la deventa un albero, e fina i osei de l' aria i va a repossar sora de le so rame.³³El ga dito anca st' altra parabola. El regno, che xe in cielo el ghe somegia a un toco de levà, che una dona missia co tre stara de farina, fina che la xe tuta cressua.³⁴Tute ste cosse Gesù ghe l'ha dite a quei grumide zente cussi in zergo, che vol dir co le parabole: e mai no ghe parlava a lori senza parabole.³⁵El voleva, che se vedesse quelo, che gavea dito el profeta: Averzirè la mia boca in parabola, scoverzirò cosse, che xe stae sconte dal principio del mondo.³⁶Alora Gesù ga mandà via el popolo, e el xe tornà a casa: e i so Apostoli ghe xe andai arente, dimandan doghe, che el spiegasse la parabola de la zizania in tel campo.³⁷E lu ga risposto: Quelo, che semena la bona se menza, xe el Fio de l'omo.³⁸El campo, xe elmondo. La bona semenza, xe i fioi del regno. La zizania po, xe i fioi de l'omo cativo.³⁹El nemigo, che la ga semenada, el xe el diavolo. El racolto, xe el fin del mondo: e i contadini, che suna el gran, i xe i anzoli.⁴⁰Donca, come che se rancura la zizania, e che la se brusa: cussì nasserà, co sarà per finir el secolo.⁴¹El Fio de l'omo mandarà zoso i so anzoli, e i torà via dal so regno tuti i scandali, e i pararà via tuti colori, che fa baronae:⁴²E i sarà butai in tel forno de fogo, dove ghe xe susti, e scricolar de denti.⁴³Alora le aneme bone le luserà cofà el sol in tel regno de so Pare. Chi ga bon capir, capissa.⁴⁴Dirò un ' altra cossa: Che el regno, che se in cielo el ghe somegia a un tesoro sconto in tun campo: un omo lo ga catà sto tesoro, el lo ga sconto, e tuto alegro el va, el vende tuto quelo, ch ' el ga, e el compra quel campo.⁴⁵El regno, che xe in cielo el ghe somegia po anca a un mercante, che va in cerca de perle bone.⁴⁶E col ga catà una perla preziosa, che costa bezzi, el core, el vende tuto quelo, ch ' el ga, e el la compra.⁴⁷E anca el ghe somegia el regno, che se in cielo a una rede butada in mar, che chiapa tanta sorte de pessi.⁴⁸Co la xe stada ben piena, i pescaori tirandola fora, e metendose a sentarse sui sabioni, i cernisse i pessi boni, e i li mete drento dei canestri, e i buta via i cativi.⁴⁹Cussì nasserà co sarà el fin dei secoli: vegnirà i anzoli, e i baroni sarà tegnui separai da le aneme bone,⁵⁰E i sarà butai in tela fornasa de fogo, in dove ghe xe susti, e che scricola i denti.⁵¹Gaveu capio vualtri tute ste cosse? Sior si, i ga risposto.⁵²E lu ga tornà dir: Per questo un Scriba, che gabia imparà cossa che xe el regno del cielo, ghe some gia a un pare de famegia, che cava fora da la so dispensa roba nova e roba usa.⁵³Co Gesù ga finio ste parabole, el xe andà via da de là.⁵⁴E tornà al so paese, l'insegnava in tele so sinagoghe, e tuti restava maravegiai, e i diseva: Comemai galo costù tanto saver, e el pol far tanti miracoli?⁵⁵Nol xe el fio de un artesan? So mare no la xe quela, che se chiama Maria? I so fradei noi xe quei, che ga nome Giacomo, Isepo, Simon, e Giuda?⁵⁶E no le xe co nualtri tute le so sorele? Da dove donca ghe xe vegnuo a costù tute ste gran cosse?⁵⁷E tuti restava de lu scandalezai. Ma Gesùga dito a lori: Un profeta no xe senza onor, nome che nela so patria, e in casa soa.⁵⁸E el ga fato qua pochi miracoli per la rason che i gera increduli.