El santo Evangelio secondo Matio 2

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹CO xe nato Gesù a Beteleme de Giuda ai teinpi del re Erode, eco là i Maghi, che xe vegnui da l'oriente fin a Gerusaleme,²Disendo: In dove mai che sia nato el re dei Giudei? perchè gavemo visto la so stela in oriente, e semo vegnui a adorarlo.³Co ha sentio Erode sta cossa, el s'ha confuso, e co lu tuta Gerusaleme.⁴E fati vegnir davanti de lu tuti i primi preti, e i Scribi del popolo, el ga dimandà, in dove che nassaria Cristo.⁵E lori ga risposto: A Beteleme de Giuda: perchè cussì ga scrito el profeta:⁶E ti Beteleme, paese de Giuda, no ti xe el più picolo tra i primi loghi de Giuda: perchè da ti ve gnirà fora el condotier, che governerà el mio popolo d' Israel.⁷Alora Erode elga chiamà in scondon i Maghi, e el s'ha informà da lori a pontin, in che tempo i ga visto la stela:⁸E mandandoli a Beteleme, el dito: Andèga pur, e cerchè co tuta la premura de sto bambin: e apena l'avè trovà, femnelo saver, perché anca mi vogio andar a adorarlo.⁹I Maghi, sentio el re, i xe andai via; e la stela, che i aveva visto in oriente, ecola là che la caminava da vanti de lori, fin tanto che arivando, la s'ha fermà sora el logo, dove ghe gera el bambin.¹⁰E vedendo la stela, xe stada fora dei modi la so alegria.¹¹E entrai in tela stala, i ga catà el bambin co so mare Maria, e butandose inzenochion, i lo ga adorà: e averte le so cassete preziose, i ga presentà dei regali, oro, incenso, e mira.¹²E avisai in sogno de no passar un'altra volta da la parte de Erode, i xe tornai per un'altra strada al so paese.¹³Co i xe andai via, un anzolo de Dio xe capità in dito:sogno a Isepo, e el ga: Levite, chiapa suso el putelo, e co so mare scampa in Egito, e fermite là fin tanto che mi te aviserò. Perché Erode anderà in cerca de quel bambin per farlo morir.¹⁴Isepo desmissià, el ga tolto su el bambin, e in compagnia de so mare, co le stele ancora in cielo, el xe andà a ritirarse in Egito.¹⁵E là el xe sta fin che xe morto Erode: acio gavesse efeto quelo, che gera sta dito da Dio per el so profeta: Go chiamà mio fio da l' Egito.¹⁶Alora Erode vedendose minchionà dai Maghi, el xe andà in tute le furie, e el ga mandà a mazzar tuti i fantolini, che gera a Beteleme, e in tuti i loghi arente e atorno, scomenzando dai do ani in zo, regolandose col tempo, che sotosora el gavea savesto dai Maghi.¹⁷In sta maniera ga abuo logo anca quelo, che gaveva profetizà Geremia, col ga dito:¹⁸Una ose s'ha sentio a Rama, gran susti e urli: Rachele, che pianzeva i so fioi, e no la podeva meterse el cuor in pase, perchè no i ghe xe più.¹⁹Co xe morto Erode, eco che l'anzolo de Dio ga compario in sogno a Isepo in Egito,²⁰E el ga dito: Svegite, tol su el putelo, fa vegnir co ti so mare, e va nei loghi de Israel: perchè ga za finio de viver colori, che voleva tortelo de vita.²¹E Isepo desmissià, ga chiapà el picolo, e in compagnia de la mama el xe andà in tela tera de Israel.²²Ma sentindo, che gera sul trono de la Giudea Archelao invece de so pare Erode, el ga abuo paura de andarghe: e avisà in sogno, el s' ha ritirà da le bande de la Galilea.²³In dove arivà, el ga tolto casa nela cità, che ga el nome de Nazaret: aciò gavesse el so efeto quelo, che i profeti gaveva dito: Perchè lu sarà chiamà Nazaren.