El santo Evangelio secondo Matio 1

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹LIBRO de la generazion de Gesù Cristo fio de Davide, fio de Abramo.²Abramo ga generà Isaco. Isaco ga generà Giacobe. Giacobe ga generà Giuda, e i so fradei.³Giuda ga generà Fares, e Zara da Tamar. Fares ga generà Esron. Esron ga generà Aram.⁴Aram ga generà Aminadab. Aminadab ga generà Naasson. Naasson ga generà Salmon.⁵Salmon ga abuo Booz da Raab. Booz ga abuo Obed da Rut. Obed ga generà Jesse. Jesse ga generà el re Davide.⁶El re Davide ga abuo Salomon da culia, che gera stada mugier de Uria.⁷Salomon ga generà Roboamo. Roboamo ga generà Abia. Abia ga generà Asa.⁸Asa ga generà Giosafate. Giosafate ga generà Joram. Joram ga generà Ozia.⁹Ozia ga generà Gioatan. Gioatan ga generà Acaz. Acaz ga generà Ezechia.¹⁰Ezechia ga generà Manasse. Manasse ga generà Amon. Amon ga generà Giosia.¹¹Giosia ga generà Geconia, e i so fradei, co i s'ha traspiantà in Babilonia.¹²E dopo che i s'ha traspiantà in Babilonia: Geconia ga generà Salatiel. Salatiel ga generà Zorobabel.¹³Zorobabel ga generà Abiud. Abiud ga generà Eliacim. Eliacim ga generà Azor.¹⁴Azor ga generà Sadoc. Sadoc ga generà Achim. Achim ga generà Eliud.¹⁵Eliud ga generà Eleazar. Eleazar ga generà Matan. Matan ga generà Giacobe.¹⁶Giacobe po ga generà Isepo, sposo de Maria,de la qual xe nato Gesù, che se chiama Cristo.¹⁷Donca tute le generazion, che xe stae da Abramo infina a Davide, le xe quatordese generazion: da Davide fin che i s'ha trasportà in Babilonia, le xe quatordese ge nerazion: e da quando che i s'ha trasportà in Babilonia infina a Cristo, le xe quatordese generazion.¹⁸La generazion po de Cristo la xe stada cussì: Co so mare Maria xe deventada sposa de Isepo, prima che i stasse insieme, s'ha trovà, che la gera gravia per opera de lo Spirito santo.¹⁹Onde Isepo, che gera orno giusto, e che no voleva meterla in compromesso, l'ha pensà ben de impiantarla in scondon.²⁰E intanto ch ' el sta idea la testa, eco gaveva perche l'ha visto in sogno un anzolo del Signor, che ga dito: Isepo, fio de Davide, no aver paura de torte in casa Maria per mugier: perchè quelo, che la ga concepio, el vien da lo Spirito santo.²¹Ela partorirà un fio: e ti ti lo chiamarà col nome de Gesù: perchè lu salvarà el so popolo dai so pecai.²²Tuto questo po xe nato, perchè se gabia da verificar quelo, ch'el Signor ha dito per boca del so profeta:²³Eco che una vergine resterà incinta, e la partorirà un fio: e i ghe metarà nome Emanuel, che vol dir: Dio co nualtri.²⁴Co Isepo s' ha desmissià, l' ha fato come che l'anzolo del Signor gaveva comandà, e el s' ha tolto so mugier.²⁵E nol l'ha gnanca vardada, fina che la ga partorio so fio primogenito, e ch'el ga messo nome Gesù.