El santo Evangelio secondo Matio 26

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹TERMINAI da Gesù tuti quanti sti discorsi, el ga dito ai so Apostoli:²Vu savè, che da qua do zorni se farà la Pasqua, e che el Fio de l'omo sarà tradio per esser messo in crose.³Alora s'ha unii insieme i capi dei sacerdoti, ei vechi del popolo in tel palazzo del capo dei sacerdoti, che se di seva Caifasso:⁴E i ga fato consegio, perchè co baronada el fusse messo in preson, e dopo mazzà.⁵Ma i andava disendo: No bisogneria, che sta cossa nassesse in zornada de festa, perchè a le volte el popolo no se sussurasse,⁶Trovandose po Gesù a Betania in casa de Simon leproso,⁷Ghe xe vegnuo arente una dona co un vaso de alabastro pien de unguento prezioso, e la ghe l'ha spanto su la so testa in quel mentre ch ' el stava sentà a tola.⁸I Apostoli co i ga visto sta cossa, i xe andai in colera, e i ga dito: Per che rason se buta via cussì la roba, che costa tanto?⁹No se podeva invece vender a qualchedun sto un guento, e cavar dei bezzi assae, e dargheli ai povereti?¹⁰Gesù co li ga sentii, el ga risposto: Per cossa diseu mal e inquieteu sta povera dona? Ela in sostanza la ga fato co mi un'opera bona.¹¹Vualtri gavè sempre co vu i povereti: ma mi no me gaverè minga sempre.¹²Perchè sta dona metendo quel unguento sora del mio corpo, la lo ga fato in certa maniera per sepelirme.¹³Ve digo in verità, che da per tuto el mondo in dove sarà predicà sto Evangelio, se conterà anca sta cossa, che la ga fato per onor de la so memoria.¹⁴Alora uno dei dodese, che se se chiamava Giuda Iscariote, el xe andà a catar i capi dei sacerdoti:¹⁵E el ga dito: Cossa me voleu dar, che mi ve lo consegno in tele vostre man? E lori ga stabilio de darghe trenta monee d'arzento.¹⁶E da alora el cercava el momento bon per tradirlo.¹⁷El primo zorno po dei azimi ghe xe andai vicin a Gesù i Apostoli, e i ga dito: In dove vustu, che te pre daparemo magnar la Pasqua?¹⁸E Gesù ga risposto: Andè in cità da un tizio, e parleghe cussì: El Mestro dise: Xe quà arente la mia ora; mi fazzo la Pasqua in casa toa coi mii Apostoli.¹⁹E i Apostoli ga fato comeche Gesù gaveva ordinà, e i ga parechià la Pasqua.²⁰Co xe sta po su l'imbrunir, el gera sentà a tola coi so dodese Apostoli.²¹E intanto che i magnava, el ga dito: Ve assicuro in verità, che uno de vualtri vegnirà per tradirme.²²Lori a sto discorso i s'ha cambià de ciera, e uno a la volta i ga scomenzà a dimandar: Sogio forsi mi, Signor?²³E lu ga risposto: Colù, che mete la man co mi in tel piato, quelo xe quelo, che me tradirà.²⁴El Fio de l'omo va via, comede lu xe sta scrito: ma guai a quel omo, dal qual el Fio de l'omo sarà tradio: gera megio per lu, che quel omo no fusse mai nato.²⁵Giuda po, che lo ga tradio, el ga dimandà: Sogio forsi mi, Mestro? E Gesù ga risposto: Ti l' ha dito ti.²⁶E in quel mentre che i cenava, Gesù ga tolto in man un paneto, e lo ga benedio, el lo ga roto, e el ghe l'ha dà ai so Apostoli, disendo: Tolė, e magnè: questo xe el mio corpo.²⁷E tolendo el calice el ga ringrazià: e el ghe l'ha dà a lori, disendo: Beveghene tuti.²⁸Perchè questo xe el mio sangue del novo testamento, che sarà spanto per tanti per el perdon dei pecai.²⁹Mipo ve digo: Che da sto momento no bevarò più, de sto fruto de la vida fina a quel zorno, che lo bevarò novo co vualtri nel regno de mio Pare.³⁰E recitada una orazion, i xe andai al monte Oliveto.³¹Gesù alora ga dito: Tuti vualtri patirè scandalo per mi, sta note. Perchè xe scrito: Bastonerò el pastor, e le piegore andarà a torzio.³²Co sarò ressussità, andarò avanti de vualtri in Galilea.³³Ma Piero ga risposto: Anca se tuti quanti ga vesse da patir scandalo per ti, no sarà mai dito vero, che mi gabia da scandalezarme.³⁴E Gesù ga dito: Te digo mi dasseno, che sta note, avanti che el galo canta, ti me negarà tre volte.³⁵E Piero ga replicà: Anca se gavesse da morir co ti,no te negarò. E tuti i Apostoli ga dito l'istessa cossa.³⁶Alora Gesù xe andà co lori in tun logo, chiama Getsemani, e el fin ga dito ai so Apostoli: Senteve qua,tanto che mi vado in là a far orazion.³⁷E el s' ha tolto co lu Piero, e i do fioi de Zebedeo, el ga scomenzà a imalenconirse e farse tristo de ciera,³⁸E el dito: ga La mia anema ga i afani de la morte: steme qua arente vualtri, e vegiè co mi.³⁹E andando un pocheto avanti,el s'ha inzenochià de fazza per tera, pregando, e disendo: Pare mio, se xe possibile, che vada lontan da mi sto calice: ma che no sia po come che vogio mi, ma come che ti vol ti.⁴⁰El el xe andà dai so Apostoli, e el li ga trovai in dormenzai; onde el ga rimproverà Piero: Cussì pulito dunque ti ga podesto vegiar un'ora co mi?⁴¹Vegiè, e preghè,se no volè farve chiapar da la tentazion. Lo spirito in verità el xe lesto, ma la carne xe inferma.⁴²E per la seconda volta tornando, e metendose a pregar, el diseva: Pare mio, se no pol slontanarse da mi sto calice e go da beverlo, sia fata pur la to volontà.⁴³E tornà ancora da lori, el l'ha catai indormenzai: perchè i so ochi ghe pesava tanto, che no i podeva tegnirli averti.⁴⁴El li ga lassai, el xe andà via, e el s'hamesso ancora a pregar per la terza volta, replicando l'istesso discorso.⁴⁵E vicinandose ai Apostoli, el ga dito: Dormi pur, e reposseve: eco sta per sonar l' ora, ch'el Fio de l'omo sarà consegna in tele man dei baroni.⁴⁶Leveve suso, e voltemo via: eco che vien da sta parte colù, che m'ha da tradir.⁴⁷Co el gera ancora drio a parlar, eco Giuda uno dei dodese Apostoli el se fa avanti, e a lu ghe vien drio una gran caterva de zente co spade e bastoni, mandada dai capi dei sacerdoti, e dai vechi del popolo.⁴⁸Colù po, che lo ga tradio, el ga dà a lori un segnal, disendo: Quelo, che mi baserò, xe giusto quelo; chiapelo.⁴⁹E in tun supio andando arente a Gesù, el ga dito: Te saludo, Mestro. E el lo ga basà.⁵⁰Gesù alora ga risposto: Amigo, a cossa far xestu vegnuo qua? Alora tuti ghe xe andai adosso, i ga messo le man atorno a Gesù, e i lo ga ligà.⁵¹E eco uno de quei, che gera co Gesù, slongando la elman, ga tirà fora la spada, e el ga ferio un servo del capo dei sacerdoti, tagiandoghe una rechia.⁵²Ma Gesù ga dito: Torna a meter drento la to spada in tel fodro. Perchè tuti quei, che metarà man a la spada, i morirà soto la spada.⁵³Credistu forsi, che mino possa pregar mio Pare, e che nol me dasse in sto momento più de dodese regimenti de anzoli?⁵⁴Ma in che maniera po gavaria efeto le Scriture, che le vol proprio, che le cosse nassa cussì?⁵⁵Gesù in quel momento, voltà a quela zente, el ga dito: Se vegnui a chiaparme co le spade e coi bastonicome se vegnissi a ligar un ladro: miogni zorno gera pur sentà arente de vualtri, che insegnava in chiesa, e no me gave chiapà.⁵⁶Tuto po xe sta fato, perchè gabia logo le Scriture dei profeti. Alora tuti i Apostoli, sbandonandolo, i xe scampai via.⁵⁷Ma lori tegnindo streto Gesù, i lo ga menà da Caifasso capo dei sacerdoti, dove se gaveva unio insieme i Scribi e i vechi del popolo.⁵⁸Piero po ghe tegniva drio da lontan, fin in tel atrio del capo dei sacerdoti. E andando là drento, el s'ha sentà co colori de quei ministri, per veder come che finiva la facenda.⁵⁹I capi dei sacerdoti, e tuto el consegio cercava de le false prove contro Gesù, per farlo condanar a morte:⁶⁰E no le s'ha catà, siben che s'abia fato avanti tanti testimoni falsi. Xe po finalmente vegnui do testimoni falsi, che gà comodà,⁶¹E i ga dito: Costù s' ha vantà cussì: Mi posso butar zoso la chiesa de Dio, e dopo tre zorni tornarla a far Suso.⁶²E levandose in piè el capo dei sacerdoti, el ga dito: No ti rispondi gnente a quelo, che costori prova contro de ti?⁶³Ma Gesù taseva. E el capodei sacerdoti ga dito: Te sconzuro per el Dio vivo, che ti ne dighi se ti se Cristo fio de Dio?⁶⁴Gesù ga riposto: Ti lo ga dito ti. Ve digo anzi, che vedere ро el Fio de l'omo sentà a man dreta de la podestà de Dio, e vegnir sora le nuvole del cielo.⁶⁵Alora el capo dei sacerdoti s' ha sbregà i abiti,: disendo: El ga biastemà: che bisogno gavemio de testi moni? Ecola, l'avè sentia adesso la biastema:⁶⁶Cossa ve par a vualtri? Lori ga risposto: El se merita la morte.⁶⁷Alora i ga spuà in tel viso, i ga dá zo dei pugni; dei altri ga anca dà dei schiafi,⁶⁸Disendo: Profetizine Cristo, chi xe, che t'ha ba stona?⁶⁹Piero intanto gera sentà nel atrio de fora: e ghe xe andada arente una massera, e la ga dito: Geristu anca ti in compagnia de Gesù Galileo?⁷⁰Ma lu ga negà in fazza a tuti, disendo: No so cossa che ti disi.⁷¹Vegnindo po fora de la porta, el s'ha incontrà co un' altra massera, e questa ga dimandà a colori, che gera là: Se trovava forsi anca costù in compagnia de Gesù Nazareno?⁷²Ma Piero ga negà un'altra volta co zuramento: Mi quel omo no lo conosso.⁷³E un pocheto dopo quei, che ghe stava atorno i s'ha fato arente, e i ga dito a Piero: Dì la verità, xestu anca ti co lori: perchè te fa za conosser la to maniera de parlar?⁷⁴Ma lu ga scomenzà a tirarse adosso de le maledizion, e a zurar, che nol gaveva mai conossuo quel omo. E subitamente el galo ga cantà.⁷⁵Piero alora s'ha recordà de le parole de Gesù, quando che el gaveva dito: Avanti ch ' el galo canta, ti me negherà tre volte. E andà fora, el s' ha messo a pianzer e sangiotar.