El santo Evangelio secondo Matio 15

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ALORA se ga fato arente i Scribi,e i Farisei da Gerusaleme, e i ga dito:²Per cossa i to Apostoli gali mancà de 'osservar quel, che ga insegnà i vechi? Per cossa no i se lava le man co i magna?³Lu ga risposto: E vualtri per cossa disubidiu el comando de Dio, za che i ve lo ga insegna? Perchè Dio ga dito:⁴Onora el pare e la mare, e: Chi maledirà el pare, o la mare, sarà castigà co la morte.⁵Ma vu altri dise: Tuti quei, che gavarà dito al pare, o a la mare: Podarè goderve coi mi regali:⁶E no gavarè conossuo, che xe dover de agiutar el pare, o la mare: col vostro esempio gavè distruto el comando de Dio.⁷Falsi che sè divoti; co ben che ga profetizà de vualtri Isaia, disendo:⁸Sto popolo me onora co la boca: ma el so cuor xe lontan da mi.⁹Eime onora senza rason, insegnando dotrina e co mandi da omeni.¹⁰E chiamada davanti de lu la zente, el ga dito: Senti, e scoltè.¹¹No xe quelo, che intra in tela boca, che sporca l'omo: ma quelo, che vien fora da la boca, xe quelo, che fa deventar sporco.¹²Alora se ga fato arente i Apostoli, e i ga dito: No ti sa, che i Farisei, al to discorso, i s'ha scandaliza?¹³E lu rispondendo el ga dito:. Quele piante, che no xe stae messe in tera da mio Pare, che xe in cielo, le sarà despiantae.¹⁴No ghe badè a lori: i xe orbi, e i mena i orbi. E se un orbo ghe ne mena un altro, i casca tuti do in tela fossa.¹⁵Piero alora ga chiapà la parola, e el ga dito: Spieghime sta parabola.¹⁶Ma lu dito: Vualtri seu anca adesso senza cer gavelo?¹⁷No intendè, che tuto quelo, che intra per la boca, passa in tela panza, e termina sortindo da de là per da drio?¹⁸Quelo, che sorte po da la boca, vien dal cuor, e questo sporca l'omo:¹⁹Perchè dal cuor vien i cativi pensieri, i mazzamenti, el mancar de fede, el torse libertà co le done, el robar, i testimoni falsi, el dir mal del prossimo.²⁰Queste xe le cosse, che machia l'omo. Ma el magnar senza lavarse le man, no disonora l'omo.²¹Eco Gesù xe andà via da quel logo, el s' ha tirà da la parte de Tiro e de Sidon.²²E alora una dona Cananea, saltada fora de quei contorni, la ga issà la ose, disendo: Pietà de mi, Signor, fio de Davide: la mia tosa xe assae tormentada dal diavolo.²³Lu no ga dà indrio una parola. E i Apostoli s'ha fato arente de lu, e i lo ga pregà disendoghe: Cerca de cavartela datorno: perchè la ne ciga drio.²⁴E lu ga riposto: No so sta mandà nome che per le piegore perse de la casa de Israel.²⁵E la povera dona xe vegnua più vicin, e la s'ha butà inzenochion, disendo: Signor, agiutime.²⁶E lu rispondendo el ga dito: No xe ben fato de portarghe via el pan de boca ai fioi, per butarghelo ai cani.²⁷E ella, senza perderse, la ga risposto: Sia pur, Signor: ma de le volte anca i cagneti magna le fregole, che casca da la tola dei so paroni.²⁸Gesù alora ga dito: Dona, xe granda la to fede: te sia pur dà quel, che ti vol. E da quel momento xe restada guaria la so tosa.²⁹Co Gesù s'ha slontana da quel logo, e el s'ha move sto da la banda del mar de Galilea: e andando suso de una montagna, là el s'ha sentà.³⁰E una gran caterva de popolo ghe xe andada vi cin, che menava muti, orbi, strupiai, e tanti altrimalai: i ga fato, che i se buta ai so pie, e lu li ga guarii:³¹Onde la zente restava maravegiada al veder, che ai muti se ghe snodava la lengua, che i zoti moveva le gambe, che i orbi ghe vedeva: e i dava gloria al Dio de Israel.³²Gesù dito: Me po ga chiamà i so Apostoli, e el gafa pecà sto popolo, perchè xe tre zorni, che no i se destaca da mi, e no i ga gnente da magnar: e no vogio, che i staga minga a dezun, perchè de le volte no li chiapa un svenimento per strada.³³E i Apostoli ga dito: Ma da dove cavaremo nualtri in tun deserto tanti paneti da saziar sta bagatela de zente?³⁴E Gesù ga dimandà: Quanti paneti gaveu? Lori ga risposto: Ghe n'avemo sete, e un pochi de pesseti.³⁵E lu ga ordenà a tuta quela zente, che i se sen tasse per tera.³⁶E chiapai in man i sete paneti, e i pessi, e ringrazià, el li ga roti, e el ghe l'ha dai ai so Apostoli, e i Apostoli ghe li ga dai al popolo.³⁷E tuti ga magna, eh xe stai sazi. Eiga rancurà de tochiavanzai sete sportele piene.³⁸Quei po, che gaveva magnà gera quatro miera de persone, senza i tosi e le done.³⁹E licenziada tuta quele zente, el xe montà in tuna barca: e el xe andà in tei contorni de Magedan.