El santo Evangelio secondo Matio 12

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹GESÙ in quel tempo passava in zornada de sabo per un de gran: e i so Apostoli, che gaveva fame campoi s'ha messo a rancurar de le spighe, e a magnar.²I Farisei chepo, ga vista sta cossa, i ga dito: Eco che i to Apostolii fa quelo, che no xe lecito de far in zorno de sabo.³E lu ha riposto a lori: No gavė leto quel, che ga fato Davide, co lo ga chiapà la fame, e quanti gera insieme co lu?⁴In che maniera el xe intrà nela casa de Dio, e el ga magnà i paneti de la proposizion, che no ghe gera lecito demagnar, nè a lu, nè ai so compagni, ma nome che ai preti?⁵O no gavè leto vualtri nela lege, che nei zorni de sabo i preti in chiesa rompe el sabo, e i lo fa senza colpa?⁶Adesso po mi ve digo, che qua ghe xe uno più grando de la chiesa.⁷Se po vu savessi, cossa che vol dir: Vogio la mise ricordia, e no el sagrifizio: no gavaressi mai condanà dei inocenti:⁸Perchè el Fio de l' omo xe paron anca del sabo.⁹E col xe andà via da de là, el xe andà in tela sinagoga de colori.¹⁰E eco un omo, che gaveva una man seca, e i lo ga interogà, disendo: Se xe permesso de guarirlo in zorno de sabo; e questo co l'idea de acusarlo.¹¹Ma lu ga risposto: Chi ghe sarà intra vu altri, che avendo una piegora, se la cascasse in tun fosso in zorno de sabo, no i la chiapasse, e no i la tirasse fora?¹²Quanto un omo no xelo megio de una piegora? Dunque xe permesso de far del ben in zorno de sabo.¹³El ga dito alora a quel omo: Slonga la to man. E lu la ga destirada, e la ghe xe deventada bona come st' altra,¹⁴I Farisei po andai via da de là, i s'ha consegià, in che maniera i podeva cavarlo via dal mondo.¹⁵Gesù po savendolo el s 'ha tirà via da de là: e mi no so quanti, che ghe xe andai drio de quei, che gaveva da lu avudo in tun lampo la salute:¹⁶E el ga ordenà a lori, che no i gavesse da Scover zelo.¹⁷Perchè gavesse efeto quelo, che gavea dito el pro feta Isaia, disendo:¹⁸Eco elmio servo sielto da mi, el mio caro, el mio belo, chega abuo de lu tanto piacer la mia anema. Sora de lu meterò el mio Spirito, e lu farà saver la giustizia ai popoli.¹⁹Nol farà barufe, nol cigherà, no sarà sentia da nissun la so ose in tele piazze:²⁰Nol romperà gnanca la cana schizzada, nol destuerà gnanca el mocolo de la lume, che fuma, fin tanto ch'el vegna fora a far trionfar la giustizia:²¹E tuta la zente in nome de lu gaverà speranza.²²Alora ghe xe sta menà davanti un indemonià, orbo e muto, e lu lo ga guario, ch' el parlava, e el vedeva.²³E tuta la marmagia che gera là s'ha incantà, e la diseva: Xelo forsi questo el fio de Davide?²⁴I Farisei po, che li sentiva, i ga dito: Costù no cazza via i diavoli, nome che per opera de Belzebù capurion dei diavoli.²⁵Ma Gesù vardando drento dei so pensieri, el ga dito: Andarà in fumo quel regno, dove ghe sarà disunion: e una cità, o famegia disunia da barufe, no starà in pie.²⁶E se el diavolo ga scazzà el diavolo, el xe in ruza co lu stesso: come dunque poderà star suso el so regno?²⁷E se mi cazzo via i diavoli per opera de Belzebù, per opera po de chi li cazza via i vostri fioi? Per questo lori sarà i vostri giudici.²⁸Se per el Spirito de Dio mi cazzo via i diavoli, podè esser sicuro che Dio ga pensà de salvarve, e el ve conta come soi.²⁹Perchè come mai pol uno vegnir drento in casa de un omo forte, e robarghe i so vasi, se prima nol liga quel omo forte, per po svalizarghe la casa?³⁰Chi no xe co mi, xe contro de mi: e chi co mi no vendema, buta via el so.³¹Per questo mi ve digo: Sarà perdonai tuti i pecai ai omeni, e tute le biasteme; ma no sarà minga per donada la biastema contro el Spirito.³²E ghe sarà perdonà a colori, che gaverà dito mal del Fio de l'omo: ma no ghe sarà minga perdonà a chi gaverà dito mal contro el Spirito santo, nè in sto secolo, nè gnanca nel tempo, che vegnirà.³³O deghe per bon l'albero, e per bon el so fruto: o deghe per cativo l'albero, e per cativo el so fruto: perchè dal fruto se conosse la pianta.³⁴Razza de vipere, come podeu discorer ben vualtri, che sè cativi? la boca parla co el cuor xe pien.³⁵El galantomo cava fora el ben da un bon tesoro: el bricon cava fora el mal da un tesoro cativo.³⁶Mi po ve digo, che i omeni gavarà da render conto el zorno del giudizio de tute le parole inutili, che i gavarà dito.³⁷Perchè le to parole te giustificherà, e le to parole te condanera.³⁸Alora un pochi de quei Scribi e Farisei ga dito: Mestro, volemo veder qualche to miracolo.³⁹Lu rispondendo el ga dito: Sta razza perfida, e bastarda la xe smaniosa de un miracolo: e nessun mira colo ghe sarà dà, nome che quelo de Giona profeta.⁴⁰Perchè come Giona se sta tre zorni, e tre note in panza de la balena, cussì el Fio de l'omo starà per tre zorni, e tre note in fondo de la tera.⁴¹I omeni de Ninive el zorno del giudizio i saltarà suso contro de sta generazion, e i la condanerà: perchè lori ga fato penitenza, co Giona ga predicà. E eco qua uno, che xe più de Giona.⁴²La regina del mezozorno saltarà suso el zorno del giudizio contro de sta razza de omeni, e la condanarà: perchè la xe vegnua da l'ultimo confin de la tera a sentir el saver de Salomon. E eco quà uno, che xe de più de Salomon⁴³Co xe vegnuo fora de un omo el spirito bruto, el va per loghi suti in cerca de reposso, e nol lo cata.⁴⁴Alora el dise: Tornerò in tela mia casa, da dove so vegnuo via. E arivà, el la cata voda, spazzada e fata bela, e tuta in ordene.⁴⁵In quel mentre el va, el se tol co lu altri sete spiriti pezo de lu, ei vien drento a starghe: e l'ultimo stato de sto omo deventa pezo del primo. Nassarà cussì anca a sta razza bricona.⁴⁶Intanto ch ' el seguitava a parlar co quela marmagia, eco so mare, e so fradei se fermava de fora, e i cer cava de discorer co lu.⁴⁷E uno ga dito: Eco to mare, e to fradei, i xe qua de fora, e i dimanda de ti.⁴⁸E lu rispondendo, el ga dito: Chi xe mia mare, e chị xe mii fradei?⁴⁹E slongando la man dove che gera i so Apostoli: dito: Eco qua la mare, e i fradei, che mi go.⁵⁰Perchè chi fa la volontà de mio Pare, che se in cielo: quelo là xe mio fradelo, e mia sorela, e mia mare.