El santo Evangelio secondo Matio 14

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹IN quel tempo Erode, che gera paron de la quarta parte del regno, el ga sentio a parlar de le cosse de Gesù:²E el ga dito a quei,che ghe stava in corte: Questo xe Zuane Batista: lu el xe ressussità, e per questo el ga la virtù de far i miracoli.³Erode alora ga fato chiapar, e ligar Zuane: el lo gaieva messo in preson per causa de Erodiade mugier de so fradelo.⁴Perchè Zuane ghe criava sempre: No te xe per messo de tegnir culia.⁵E Erode, che voleva farlo morir, el ga abuo paura del popolo: perchè el gera tegnuo da tuti per un profeta.⁶Ma nel zorno, che se fava festa per recordar el zorno, che gera nato Erode, la fia de Erodiade ga balà in mezo, e la ga piasso a Erode.⁷E lu ga promesso co zuramento de darghe tute quele cosse, che la gavesse dimandà.⁸E culia stucegada da so mare, la ga dito: Dame qua in sto piato la testa de Zuane.⁹El re s’ la inquietà: ma el gaveva rischià un zura mento, e po el s'aveva impegnà in fazza de quei siori sentai a tola; e el ga donca ordenà, che ghe fusse dada la testa.¹⁰E el ga mandà a tagiarghe la testa a Zuane in tela preson.¹¹E ghe xe stada portada la testa de Zuane in tun piato, e consegnada a la puta, che ghe la presentada a so mare.¹²I Apostoli xe andai po a torse el so corpo, e i lo ga sepelio: ei xe andai da Gesù a portarghe la nova.¹³Co Gesù ga sentio sto fato, el xe andà via de là in barca, in tun logo sconto, dove no ghe gera nissun. La zente, che lo ga savesto la xe corsa a chiapi, e la ga tegnuo drio a pie per le cità, ch ' el passava.¹⁴Vegnuo po fora de barca, el ga visto sto gran po polo, el s'ha movesto a compassion, e el ghe na guario tanti, che gera malai.¹⁵Ma intanto fava scuro, e i so Apostoli i ghe xe an dai arente, e i ga dito: El logo xe proprio un deserto, e l' ora xe passada: meti el popolo in libertà, ch'el vada le a cercasse daper campagne magnar.¹⁶Gesù rispondendoghe, eldito: No i ga bisogno gade andar via: deghe vualtri da magnar.¹⁷Lori ga risposto: No gavemo qua nome che cin que paneti, e do pessi.¹⁸E lu ga dito: Demeli qua.¹⁹E avendo ordenà a tuta quela zente de meterse a sentarse su l'erba, e tolti in man i cinque paneti, e i do pessi, e alzai i ochi al cielo, el ga dà la benedizion, el li ga roti, e el ga dà i paneti ai Apostoli, e i Apostoli i ghe la dai a la zente.²⁰E tuti ghe n'ha magnà, e i s'ha sazià. E anca i ga rancurà dodese ceste piene de fregole avanzae.²¹Quei, che gaveva magnà i gera cinquemile omeni, senza le done, e i putei.²²E in bota Gesù ga obligà i so Apostoli de montar in barca, e de andar a aspetarlo da st'altra banda de la riva, intanto che lu licenziava la zente.²³E licenziai ch ' el ga tuti quanti, el ga montà lu solo sora de un monte per meterse là in orazion. E co xe capitada la sera, el s'ha catà lu solo in quel logo.²⁴La barca gera in mezo del mar batua da le onde: perchè el vento gera contrario.²⁵Ma la quarta vizilia de note, Gesù xe anda incontro de lori caminando sora de l'aqua.²⁶I Apostoli, co i lo ga visto caminar su l aqua, s'ha spirità, e i diseva: Povereti nu; questo xe un fantasma. E per la paura i ga trato dei cighi.²⁷Gesù liga subito consolai, disendo: Feve coragio: co mi no sté a tremar.²⁸Piero ga dito: Signor, se ti xe ti, comandime, che vegna da ti sora de l'aqua.²⁹E lu ga dito: Vien pur. E Piero desmontà de barca, el caminava sora de l' onde per andar da Gesù.³⁰Ma vedendo ch' el vento gera gagiardo, el s'ha scaturio: e col principiava a andar soto aqua, el ga cigà: Signor, salvime per carità.³¹Gesù ga sporto in bota la man, el la chiapà: e cussì el ga crià: Omo de poca fede, per cossa xestu sta in paura?³²Co i xe montai su la barca, el vento s' ha quietà.³³Colori po, che gera in barca, se ga fato arente, e i se ga butà inzenochion, disendo: Ah ti, ti xe proprio fio vero de Dio.³⁴E arivai da sť altra banda del fiume, i se passai in tela tera de Genesar.³⁵E co la zente de quel logo lo ga conossuo, subito i ga mandà atorno per tuto el paese, e i ga presentà tuti i malai:³⁶E i ghe dimandava la grazia, che i podesse nome che tocarghe un pinzo del so abito. E tuti quei, che ghe l'ha tocà, i xe restai tuti guarii sul momento.