El santo Evangelio secondo Matio 24

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E VEGNUO fora Gesù da la chiesa, el xe andà via. E se ga vicinà i so Apostoli, per farghe veder le fabriche de la chiesa.²Lu po rispondendo, el ga dito: Vedeu tute ste cosse? Ve digo in verità, che qua no resterà piera sora piera, che no vada tuto desfato.³Sentà po lu sul monte Oliveto, se ga fato arente in scondon i so Apostoli, e cussì i ga parlà: Dine, quando nasserà ste cosse? e qualo sarà el segno del to arivo, e del fin del secolo?⁴E Gesù rispondendo, ga dito: Vardè ben, che no ghe sia gnissun, che ve sedusa.⁵Perchè tanti vien a nome mio, e i dise: Mi so Cristo: e tanti ghe sarà, che sedurà la zente.⁶Sentirè a parlar de guere, e de strepiti de guera. Vardè ben, e no stè a confonderve. Ste cosse bisogna, che le nassa; ma gnancora no semo a la fin del mondo.⁷Perchè alora se leverà su un popolo contro de un altro, un regno contro de un altro, e ghe sarà peste, e fame, e teremoti per tuti i loghi.⁸Ma tute ste cosse xe el principio dei dolori.⁹Alora i ve trarà in mezo a le disgrazie, i ve mazzerà: e per el mio nome sarè in odio a tuti i popoli.¹⁰E tanti se scandalizerà, ei se tradirà un co l'altro, ei se odierà.¹¹E vegnirà su tanti falsi profeti, e i sedurà tanta zente.¹²E perchè la baronada ga passà el segno, se giaz zerà la carità de tanti.¹³Quelo po, che starà duro e fermo sin al fin, sarà salvo.¹⁴E sarà predicà sto Evangelio nel regno per tuto quanto el mondo, come prova a tuti i popoli: e alora vegnirà el fin.¹⁵Co gaverè po visto l'oror de la desperazion, che xe descrita dal profeta Daniel, fata nel logo santo: chi leze, capissa.¹⁶Alora colori, che se troverà in tela Giudea, che i scampa sui monti:¹⁷E quei, che se caterà sora el coverto, che no i staga a vegnir abasso per torse qualcossa de casa soa:¹⁸E quei, che sarà sui campi, che no i torna indrio a chiapar suso el so vestiario.¹⁹Guai po a le done gravie, e che gaverà fantolini da latar in quei zorni.²⁰Fè orazion, che no gabiè da scampar de inverno, o de sabo.²¹El sarà un gran desasio, che no ghe xe sta minga el compagno dal principio del mondo in fin ancuo, nè gnanca el ghe sarà mai.²²E se no fusse scurtai quei zorni, no saria sta salvo l'omo: ma sarà scurtai quei zorni per i boni.²³Alora se qualchedun de vualtri disesse: Eco qua, questo xe Cristo, o ecolo là: no stè a crederghe.²⁴Perchè saltarà suso dei falsi Cristi, e dei falsi profeti: e i darà dei segni grandi, e miracoli, per far cascar in trapola ( se fusse mai possibile) anca le aneme sielte.²⁵Eco quelo, che go a vualtri profetizà.²⁶Se dunque i ve disesse a vualtri: Ecolo in tel deserto, no stè a moverve: ecolo in fondo de la casa, no stė a badarghe.²⁷Perchè come el lampo vien fora da l'oriente, e el se fa veder in ocidente: cussì sarà de l'arivo del Fio de l'omo.²⁸Dapertuto dove ghe sarà el corpo, se unirà in sieme le aquile.²⁹Subito dopo la desgrazia de quei zorni se farà scuro el sol, la luna no mandarà più la so luse, cascherà le stele dal cielo, e le podestà dei cieli sarà sotosora:³⁰E alora se scoverzirà el segnal del Fio de l'omo in cielo: e se pesterà el peto tute le tribù de la tera: e le vederà el Fio de l' omo a vegnir in mezo a le nuvole del cielo co assae de forza, e de grandezza.³¹El mandarà i so anzoli co la tromba, e co gran ose: e i rancurerà le so aneme sielte dai quatro venti, da le cime fina a l'ultimo confin dei cieli.³²Da l'albero po del figo imparè la parabola: co la so rama gera za fresca e apena nate le fogie, savè, che 1 istà xe qua avente:³³Cussi anca vualtri, co vederè tute ste cosse, sa pielo, che el xe qua vicin a le porte.³⁴E ve digo in verità, che sta generazion no andarà via, fin tanto che no sia nate tute ste cosse.³⁵Passerà el cielo e la tera, ma le mie parole no passarà mai.³⁶No ghe nissun, che sapia po de quel zorno e de quel' ora; gnanca i anzoli del paradiso, ma nome ch'el Pare.³⁷E come xe sta al tempo de Noè, cussì sarà de l' arivo del Fio de l'omo.³⁸Perchè come che gera in tei zorni avanti el diluvio, che i omeni magnava e beveva, e se maridava e i ghe dava mario a le so tose, finamente a quel zorno, che Noè xe andà drento de l' arca,³⁹E no i se n'ha acorto, nome che quando xe capità el diluvio, che li ga chiapai tuti a mazzo: cussì sarà anca de l' arivo del Fio de l'omo.⁴⁰Alora do omeni se catarà in tun campo: uno sarà chiapà, e sťaltro sarà sbandonà.⁴¹Do femene sarà a masenar al molin: una sarà chiapada, e st'altra sbandonada.⁴²Vegiè donca, perchè no savè, a qual ora el vostro Signor sarà per vegnir.⁴³Questo po tegnivelo in mente, perchè, se el pare de famegia savesse, a che ora fusse per vegnirghe el ladro a saltarlo, el faria la vegia, e nol lassarave, che fusse sbu sada la so casa.⁴⁴Cussì anca vualtri stė parechiai: perchè el Fio de l'omo sarà per capitarve in quel' ora, che manco ghe pen sarè.⁴⁵Chi credistu, che sia quel servo fedel, e prudente, che el so paron ga messo a la testa de la servitù, perchè el ghe daga da magnar a so tempo?⁴⁶Beato quel servo, che co fusse vegnuo el so paron, el lo gavesse catà a far cussì.⁴⁷Mi ve digo in verità, che el ghe darave el governo de tuto quelo, ch ' el fusse paron.⁴⁸Ma se quel servo cativo ghe disesse in tel so cuor: El mio paron tardiga a vegnir:⁴⁹E scomenzasse a bastonar i servi compagni, e a magnar e sbevachiar co i imbriagoni:⁵⁰Vegnirà el paron de quel servo in tun zorno, che nol se lo aspetava, e in tun'ora, che nol lo saveva:⁵¹E el lo tirerà da parte, e el ghe darà logo intra i santochi, dove ghe sarà susti, e strete de denti.