El santo Evangelio secondo Matio 18

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹I APOSTOLI alora xe andai arente, e i ga dito: Chi xe mai el più grando in tel regno, che xe in cielo?²E Gesù ga chiamà da lu un toseto, e el lo ga messo intramezo de lori,³E el ga dito: Ve digo in verità, che se no cambierè vita, e no deventerè cofà putei, no vegnirè drento in tel regno, che se in cielo.⁴Quelo, che se farà picolo cofà sto putelo, el sarà el più grando in tel regno, che se in cielo.⁵E tuti queli, che riceverà in nome de mi un putelo come questo, xe l'istesso, che i me riceva mi.⁶Queli po, che scandalizerà uno de sti picinini, che crede a mi, sarave megio per lu, che ghe fusse tacada al colo una piera da molin, e che el fusse butà zoso ben a fondo in tel mar.⁷Guai al mondo per causa dei scandali. Ma pur bisogna, che ghe sia i scandali: ma guai a quel omo, che per so colpa vien el scandalo.⁸Se la to man, o el to pie te dà scandalo: tagilo, e butilo lontan da ti: xe megio per ti de arivar a la vita eterna co un pie, o co una man de manco, che no co tute do le man, o co tuti do i pie esser butà in tel fogo eterno.⁹E se el to ochio te dà scandalo, cavilo, e butilo via da ti: xe megio per ti de intrar in tela vita nova nome che co un ochio, che no co do ochi esser butà in tel fogo de l'inferno.¹⁰Vardeve de no far conto de sti poveri picinini: perchè mi ve fazzo saver, che i so anzoli in cielo i vede per sempre el viso de mio Pare, che se in cielo.¹¹Perchè el Fio de l'omo xe vegnuo a salvar quelo, che l'aveva perso.¹²Cossa ve par? Se un omo ga cento piegore, e una de le piegore se imbusa: nol lassa lu in sbandon st'altre novantanove, e nol va per le montagne in cerca de quela, che s' ha imbusa?¹³E se l' ariva po a catarla: in verità ve digo, che più el fa alegria per questa, che per le novantanove, che nolgaveva perso.¹⁴Cussì no xe volontà de vostro Pare, che xe in cielo, che perissa gnanca uno de sti fantolini.¹⁵Che se to fradelo gavesse fato de le mancanze contro de ti, va, e dighe le parole senza che nissun senta. Se lu te ascolta, ti pol dir de aver guadagnà to fradelo.¹⁶Seро nol te ascolta, tol anca co ti uno, o do, che te fazza da testimoni, e cussì sarà tuto in regola.¹⁷Se a lori nol ghe abadasse, faghelo saver a la chiesa. E se nol scolta gnanca la chiesa, fa conto, ch'el sia zentil, e publican.¹⁸In verità ve digo: Tuto quelo, che ligherè su la tera, sarà ligà anca in cielo: e tuto quelo, che desligherè su la tera, sarà desligà anca in cielo.¹⁹Ve digo anca de più, che se do de vualtri andarà d'acordo su la tera a dimandar una cossa, o st'altra, la ghe sarà dada da mio Pare, che se in cielo.²⁰Perchè dove ghe xe do, o tre, che se unisse insieme a mio nome, mi me fazzo qua in mezo de lori.²¹Alora Piero se ga fato rente, e el ga dito: Signor, co mio fradelo pecarà contro de mi, quante volte gave rogio mịda perdonarghe? infina a sete volte?²²Gesù ga risposto: No te digo infina a sete volte: ma siben fina a setanta volte sete.²³Xe per sta rason, ch ' el regno, che se in cielo ga le somegie de un re, che vogia far i conti co i so servi.²⁴El ga principià a vardar le carte, e i ga messo da vantiuno, che ghe gera in debito de diesemile monee.²⁵Costù no gavea bezzi da pagar, e el paron ga or dena, che el sia venduo lu, so mugier, i fioi, e tuto quanto, ch ' el gaveva, e che el debito se saldasse.²⁶Ma el servo, butà inzenochion, lo sconzurava: Se ti ga pazienza co mi, mi te pagard de tuto quanto.²⁷Al paron ga fato pecà la desperazion del servo, e el lo ga lassà in libertà, e el ga donà el debito.²⁸Ma co questo xe andà via, el servo ga catà uno dei so compagni, che gavea da darghe cento monee: e el lo ga chiapà per la gola, e el gera drio a strangolarlo, e el ghe diseva: Paghime quelo, che ti ga da darme.²⁹E el compagno del servo, butà inzenochion, el lo sconzurava: Se ti ga pazienza co mi, mi te pagherò tuto quanto.³⁰Ma lu no ga volesto: e el xe andà a farlo meter in preson, fina a tanto ch ' el fusse sta pagà.³¹I altri servi, che ga visto sto fato, i s'ha messo assae de mal umor: i xe andai via, e i ga riferio al paron tuto quelo, che gera nato.³²El paron li ga chiamai: e el ga dito: Servo bricon, mi te go donà tuto quel debito, perchè ti xe vegnuo da mi a racomandarte:³³No te doveva donca far pecà un to compagno, come che mi go abuo pecà de ti?³⁴E invelenà el paron, el lo ga dà in tele man dei bogia, fin tanto ch ' el gavesse pagà tuto el debito.³⁵Cussi in sta maniera farà co vualtri mio Pare, che xe in cielo, se de cuor no perdonerè tuti ai vostri fradei.