El santo Evangelio secondo Matio 23

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹Alora Gesù ga parlà al popolo, e ai so apostoli²Disendo: Su la carega de Mosè s' ha sentà i Scribi, e i Farisei.³Tuto quelo donca, che i ve disesse, osservelo, e felo: farno vogiè po gnente de quel, che i fa lori: perchè lori i dise, e no i fà.⁴Lori ingruma dei pesi grandi, che no se pol portarli, e i ghe li mete sora le spale dei omeni: ma per lori no i vol gnanca moverli col so deo.⁵Lori i fa tuto per esser visti dai omeni: e per questo i porta più larghi i fornimenti, e più longhe le franze de l'abito.⁶Eixe vogiosi dei primi posti in tele cene, e de le prime careghe in tele sinagoghe,⁷E de aver i saludi in piazza, e che i omeni li chiama Mestri.⁸Ma vualtri no vogiè esser chiamai Mestri: perchè el vostro Mestro xe uno solo, e tuti vualtri sé fradei.⁹E no stè a chiamar nissun per pare su la tera: perchè uno solo xe el Pare vostro, che se in cielo.¹⁰Nè chiameve per Mestri: perchè uno solo xe el vostro Mestro, che xe Cristo.¹¹Chi xe tra vualtri el più grando, lu sarà vostro servo.¹²Quelo po, che se soleverà sui altri, el sarà sbassà: e chi se sbasserà, el sarà solevà.¹³Ma guai a vualtri, santochi de Scribi e Farisei: vu sarè in fazza ai omeni el regno del cielo. Perchè nè vualtri intrè, nè lassè intrar quei, che vol vegnir drento.¹⁴Guai a vualtri, santochi de Scribi e Farisei: perchè magnè le case de le vedue, col pretesto de far longhe orazion: e per questo sarè giudicai co più rigor.¹⁵Guai a vualtri, santochi de Scribi e Farisei: e perchè corè el mar e la tera, per convertir un zentil:co l'avessi convertio, lo ridusè fio de l'inferno el dopio de vualtri.¹⁶Guai a vualtri, condotieri orbi, che disè: Quelo, che gavesse zurà per la chiesa, no xe gnente: chi po ga vesse zurà per l'oro de la chiesa, el xe obligà.¹⁷Stolidi, e orbi: perchè cossa xe de più, l' oro, o la chiesa, che fa santo l'oro?¹⁸E chi gavesse zurà per l'altar, no xe gnente: ma chi gavera zurà per el regalo, che xe sora de lu, el resta obligà.¹⁹Orbi: perchè cossa xe più grando, el regalo, o l'altar, che fa santo el regalo?²⁰Chi donca zura per l'altar, zura per lu, e per tute le cosse, che ghe sta sora.²¹E chi gavesse zurà per la chiesa, ga zurà per ela, e per quelo, che ghe sta drento.²²E chi zura per el cielo, zura per el trono de Dio, e per quelo, che ghe sta sentà de sora.²³Guai a vualtri, santochi de Scribi e Farisei: che paghè le tanse per la menta, per l'anese, e per el comin, e no badè al più necessario de la lege, che xe la giustizia, la misericordia, e la fede. Bisognava far ste stesse cosse, e no stralassar de far st'altre.²⁴Condotieri orbi, che mazzè un mossato, e po ingiotì un camelo.²⁵Guai a vualtri, santochi de Scribi e Farisei, che netè per de fora el piato e el goto: e de drento po sė ladri per la vita, e pieni de sporchizia.²⁶Fariseo orbo, neta prima quelo, che xe drento del piato e del goto, perchè se fazza neto anca el de fora.²⁷Guai a vualtri, santochi de Scribi e Farisei: che ghe somegiè a sepolture sbianchizae, che de fora le par bele a la zente, ma de drento le xe impenie de ossi da morto, e de tute le porcherie.²⁸Cussi anca vualtri de fora parè omeni giusti: ma de drento sé carghi de falsità e de baronada.²⁹Guai a vualtri, santochi de Scribi e Farisei, che fabrichè le sepolture dei profeti, e fè bele le arche dei giusti,³⁰E dise: Se fussimo stai ai tempi dei nostri pari, no saressimo stai machiai anca nualtri del dei sangue dei profeti.³¹In sta maniera provè contro de vualtri stessi, che sè fioli de colori, che ga mazzà i profeti.³²E vu gavè passà la misura dei vostri pari.³³Serpenti, razza de vipere, come scampareu da la condanna de l'inferno?³⁴Per questo, eco che ve mando i profeti, e i omeni de saver, e i Scribi, e vu de lori ghe nemazzarė, ghe ne me terè in crose, li bastonerè in tele vostre sinagoghe, e ghe andare contro da per tuto de cità in cità per maltratarli:³⁵E sora de vualtri farè vegnir tuto el sangue giusto, che gavè spanto su la tera, dal sangue de Abel giusto finamente al sangue de Zacaria fio de Barachia, che gavè mazzà tra la chiesa e l'altar.³⁶Ve digo in verità, che tute ste cosse le vegnirà adosso de sta generazion.³⁷Gerusaleme, Gerusaleme, che ti scani i profeti, e ti ghe buti le piere a queli, che te xe mandai, quante volte go volesto rancurar i to fioi, cofà la galina, che rancura i so pulesini soto de le ale, e no ti ga volesto?³⁸Eco che a vualtri sarà lassada la vostra casa di sabitada.³⁹Perchè mi ve digo: No me vederè più da sto momento, sin tanto che dire: Benedeto quelo, che vien in nome del Signor.