Lo Santo Vangelio seconno Matteo 9

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ESSAGLIENNO dint a na varchetta, passaje lo lavo, ae sse nne tornaje a lo paese sujo.²E eccote le portajeno no malato de ciunchia curcato dint' a lo lietto. E Giesù vedenno la fede lloro, dicette a lo malato: Figlio mio, agge fede, e tte so pperdonate li peccate tuoje.³E ssubbeto cierte Scribbe dicettero nfra lloro e lloro: Chisto jastemma.⁴E Giesù avenno vedute li penziere lloro, dicette: Pecchè penzate male dint'a lo core vuosto?⁵A cche ccosa nce vo cchiù poco, a ddicere: Te so pperdonate li peccate tuoje: o a ddicere: Susete, e ccammina?⁶Ora azzò cche vvuje sapite, ca lo Figlio de llommo pò perdonà li peccate ncoppa a la terra, se votaje e ddicette a lo ciunco: Susete, auzate ncuollo lo lietticciullo tujo, e vvattenne a la casa toja.⁷Esse susette, e sse nne jette a la casa.⁸Nninche vedettero chesto la ggente se mettette appaura, e nne benedicettero a Ddio, che ddette tanto potere a ll'uommene.⁹E ppassannosenne da llà Giesù, vedette n'ommo assettato vicino a no bancariello, che se chiammava Matteo. E lle dicette: Viene appriesso a mme. E cchil lo susennose, lle jette appriesso.¹⁰E ssuccedette, ca pe ttramente steva a ttavola dint'a la casa, eccote ca assaje gabbelliere e ppeccature venettero, e ss' assettajeno a ttavola co Giesù, e cco li discipole suoje.¹¹E li Fariseje vedenno chesto, diceveno a li di scipole suoje: Perchè lo Masto vuosto magna co li gab belliere e cco li peccature?¹²Ma Giesù sentennole, dicette: Lo miedeco non ave abbesuogno de li buone, ma de li malate.¹³Jate donca, e mparateve chello, che d'è: Io voglio la misericordia, e nnon lo sacrificio. Pecchè non so vvenuto a cchiammà li buone, ma li peccature.¹⁴Tanno se ll'accostajeno li discipole de Giovanne, dicenno: Comm'è, ca nuje, e li Fariseje facimmo spisso lo diuno: e li discipole tuoje non lo fanno?¹⁵E Giesù lle dicette: E cche? ponno chiagnere li compagne de lo sposo, pe nzi a cche lo sposo sta co lloro? Ma venarrà chillo juorno, che lo sposo lle sarrà levato da vicino: e ttanno farranno lo diuno.¹⁶Nisciuno cose no piezzo de panno nuovo nfaccia a no vestito viecchio: pecchè se nne porta appriesso lo vestito, e sse fa cchiù ggruosso lo stracciato.¹⁷E nnon metteno lo vino nuovo dint' a ll'otre viecchie; si no se rompeno ll'otre, e lo vino se nn' esce, e sse perdeno ll otre. Ma se mette lo vino nuovo dint' a ll' otre nove, e sse manteneno tutt'e ddoje le Ccose.¹⁸Pe ttramente accossi lle parlava, eccote ca se ll'accostaje uno de li caporiune, e ll'adorava, dicenno: Signò, figliema è mmorta mo propio: ma viene, miettele la mano ncuollo, e essa torna a ccampà.¹⁹E Giesù susennose, lle jeva appriesso, e ppurzi li discipole suoje.²⁰E eccote na femmena, che dda dudece anne pateva na morraggia, se ll'accostaje da dereto, e lle toccaje la frangia de la vesta.²¹Pecchè diceva nfra essa e essa: Si arrivo sulo a ttoccarle la vesta, mme so ssanata.²²Ma Giesù votannose, e vvedennola, dicette: Agge fede, figlia mia, la fede toja t'à sanata. E dda chillo momento la femmena se sanaje.²³E essenno Giesù arrivato a la casa de chilloсаро rione, e avenno viste li sunature, e la gente, che ffaceva fracasso, diceva:²⁴Jatevenne: pecchè la zitella non è mmorta, ma dorme. E lloro le sbreffejavano nfaccia.²⁵E ddoppo che ffuje cacciata la folla, trasette: E la tiraje pe la mano. E la zitella se susette.²⁶Enne currette la nnommenata pe ttutto chillo paese.²⁷Eppe ttramente Giesù se nne passava da llà, duje cecate lle jettero appriesso, alluccano, e ddicenno: Figlio de Ddavide, agge compassione de nuje.²⁸Quanno po arrevaje a la casa, se ll'accostajeno li cecate. E Giesù lle dicette: Vuje credite, ca io ve pozzo fa chesto? Le diceno: Sissignore.²⁹Tanno lle toccaje ll' uocchie, dicenno: Ve sia fatto comm'è la fede vosta.³⁰E ss'arapettero ll'uocchie lloro: e Giesù ll'am menacciaje, dicenno: Stateve attiente, ca nisciuno ll' à dda sapė.³¹Chille po ascennosenne, ne spannettero la voce pe ttutto chillo paese.³²E appena chille se nne jettero, le portajeno n'ommo muto, che tteneva lo diavolo ncuorpo.³³E ccacciato lo demmonio, lo muto parlaje, e la folla ne rummanette mmaravegliata, dicenno: Non s'è maje vista na cosa simmele dinto Straele.³⁴Li Fariseje po diceveno: Chisto caccia li diavole co ll'ajuto de lo capo de li diavole.³⁵E Giesù jeva giranno pe ttutte li paise, e li ca stielle, facenno lo masto dinto a le ssinagoche lloro, e ppredecanno lo vangelio de lo regno, e ssananno tutte li guaje, e ttutte le mmalatie.³⁶Vedenno po chella folla, n'avette compassione: pecchè erano spierte, e gghiettate pe la via comm'a ppecore senza pastore.³⁷Tanno fuje, che ddicette a li discipole suoje: La recoveta è ggrossa assaje, ma li faticature so ppoche.³⁸Donca priate a lo patrone de la massaria, che mmanna faticature pe la recoveta soja.