Lo Santo Vangelio seconno Matteo 28

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹MA A la sera de lo sabbeto, quanno già schiarava lo primmo juorno de la semmana, venette Maria Matalena, e ll' auta Maria, a vvedè lo sebburco.²Quanno ecco se sentette no gran terramoto. Pocca ll'angiolo de lo Signore scennette da lo cielo: accostatose votaje sott' e ncoppa la preta, e sse nce steva assettato ncoppa:³L'apparenzia soja era comme a na saetta, e li vestite suoje comme a la neve.⁴E ppe la paura d'isso le ssentinelle se spaventa jeno, e rrummanettero comme a mmuorte.⁵Ma ll'angiolo accommenzanno a pparlà dicette a le ffemmene: Non ve mettite appaura vuje: io saccio, ca vuje jate cercanno Giesù ccrocefisso:⁶Non sta ccà: pocca è rresuscetato, confromme aveva ditto. Venite, e vvedite lo luoco, addò era puosto lo Signore.⁷Egghiennovenne mo pe mmo dicite a li discipole e ecco ca va nnanze a suoje, ca isso è rresuscetato: vvuje nGalilea: llà lo vedarrite. Ecco ca ve ll'aggio avisato.⁸E ascettero tanno pe ttanno da lo sebburco co ppaura, e ppriezza granne, correnno a ddarne la nova a li discipole.⁹Etteccote ca Giesù se facette ncontro a lloro, dicenno: Bonni. E cchelle se ll'accostajeno, le strignettero li piede, e ll'adorajeno.¹⁰Tanno Giesù dicette a lloro: Non avite appaura. Jate, avisate a li frate mieje, che gghiessero nGalilea: llà me vedarranno.¹¹Jute che se nne fujeno, certe ssentinelle torna jeno a la cetà, e ccontajeno a li cape de li sagiardote tutto chello, ch' era succiesso.¹²E aunitese co ll'anziane, pigliato conzurda, dettero na bona somma de denare a li sordate,¹³Dicenno: Dicite: Li discipole de chillo so vvenute de notte, e sse ll' anno arrobbato mente nuje dorme vemo.¹⁴E ssi chesto fosse sentuto da lo presede, nuje lo persuadimmo, e nnon ve facimmo passà guaje.¹⁵Ecchille, pigliatese li denare, facettero, confromme erano state mmezziate. E ss' è sparza sta voce nfra li Giudeje, nzi a lo juorno d'ogge.¹⁶Ma ll'unnece discipole jettero nGalilea a lo monte, addò Giesù ll' aveva dato lo commanno.¹⁷E vvedennolo ll'adorajeno: ma cierte trasettero nsospetto.¹⁸E Giesù accostannose, parlaje a lloro co ddicere: A mme m'è stata data ogne ppotenzia ncielo e ncoppa a la terra.¹⁹Addonca jate, mparate a ttutte le nnazziune : vattiannole a nnome de lo Patre, de lo Figlio, e dde lo Spireto ssanto :²⁰Mparanno a lloro de mettere mpratteca tutto chello, che vv'aggio commannato: e tteccove ca io sto co vvuje pe ttutte li juorne, nzi a la scompetura de li secole.