Lo Santo Vangelio seconno Matteo 21

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E ACCOSTANNOSE a Gierusalemme, comme fu jeno arrevate a Betfage a lo monte Oliveto: tanno Giesù mannaje duje discipole,²Dicenno a lloro: Jate a lo castiello, che ve sta facce fronte, e ssubbeto trovarrite na ciuccia attaccata co lo ciucciariello: scioglitela, e pportatemmella ccà:³E ssi quarcuno ve dicesse no ttechete, vuje di cite, ca lo Signore n'ave abbesuogno: e ssubbeto li llassarrà stà.⁴Ettutto chesto succedette, azzò se fosse trovato vero chello, ch'era stato ditto da lo profeta:⁵Dicite a la figlia de Sionne: Vi ccà, mo vene lo rre ttujo manzo manzo, assettato ncoppa a na ciuccia co no ciucciariello pullitro de na ciuccia de carretta.⁶Li discipole jettero, e ffeceno, comme ll'aveva com mannato Giesù.⁷E pportajeno la ciuccia, e lo ciucciariello: e ll'acconciajeno ncuollo li panne lloro, e nce lo facettero assettà ncoppa.⁸Na bbona porzione de la folla spannettero pe tterra li vestite lloro: cierte aute po tagliavano li rame de ll'ar bere, e li stenneveno pe la via:⁹E le ccaterve de gente, che gghievano nnante, e appriesso, scramavano, dicenno: Osanna a lo figlio de Ddavide: Beneditto sia chi vene nnomme e dda parte de lo Signore: osanna nzi a le stelle.¹⁰E ttrasuto che ffuje dinto a Gierusalemme, se revotaje tutta la cetà, dicenno: Chi è cchisto?¹¹E lo popolo responneva: Chisto è Giesù lo profeta, chillo de Nazzarette nGalilea.¹²E Giesù trasette dinto a lo tempio de Ddio, e cacciaje fora tutte chille, che vvenneveno e accattavano dinto a lo tempio; e mmertecaje nterra le bbancarelle de li cagnamonete, e le sseggie de chille, che vvenneveno palumme:¹³Elle dicette: Sta scritto: La casa mia sarrà chia mata la casa de ll' orazzione: e je n'avite fatta na grotta de mariuole.¹⁴E lle s'accostajeno dinto a lo tempio li cecate, e li zuoppe: e isso li ssanaje.¹⁵Ma vedenno li cape de li sagiardote, e li Scribbe, le mmirabbilia, ch'aveva fatto, e li guagliune, ch'alluccavano mmiezo a lo tempio: Osanna a lo figlio de Ddavide: la bbile lle venette nfi a li diente,¹⁶Elle dicettero: Tu lo ssiente chello, che cchiste diceno? E Giesù responnette: Tanto bene. E vvuje non avite maje leggiuto: Ca da la vocca de li peccerille e dde chille, che zzucano ancora mettiste la tommola a le ggrolie?¹⁷E llassatele da banna, s'avviaje fora de la cetà a Bbetania: e nce alloggiaje.¹⁸Po la matina tornanno a la cetà, se sentette famma.¹⁹E vvedenno pe la via no pede de fiche, se nce accostaje: ma non ce trovaje che ffrunne, onne le dicette: Non nn'eternità: pozzada te maje cchiù nnascere frutto pee llà pe llà lo pede se seccaje.²⁰Vedenno chesto li discipole, co na mmaraveglia le dicettero: Comine accossi de subbeto s'è sseccato?²¹Ma Giesù responnenno, lle dicette: Accossì è ve dico, si avite fede, e nnon state mbalanza, non solamente faciarrite lo stesso de no pede de fiche, ma si dicite a sta montagna: Levate, e gghiettate a mmare, sarrà fatto.²²E ogne ccosa, che ssite p'addimmannà prianno co ffede, ll'avarrite.²³Trasuto a lo tempio, e mmente steva predecanno, se le facettero rente li cape de li sagiardote, e ll'anziane de lo popolo, dicenno: Co quale deritto te si mmiso a ffà ste ccose? Ecchi te nn' à dato la licenzia?²⁴Responnenno a lloro, Giesù dicette: Mo ve faccio purzì io n'addimmanna: e ssi vuje mme darrite resposta, ve diciarraggio io pure, co ' quale autoretà faccio ste ccose.²⁵Lovattisemo de Giovanne d'onne veneva? da lo cielo, o da ll' uommene? Ma chille se mettettero mpenziero nfra de lloro, dicenno:²⁶Si nuje dicimmo, da lo cielo, chillo nce diciarrà: E ppecchè non ll'avite creduto? Si po dicimmo, da ll'uommene, avimmo paura de la folla: pocca tutte quante teneveno Giovanne pe pprofeta.²⁷Evvotatese a Giesù, responnettero: Non ne sapimmo niente. E isso purzì lle dicette: E io manco ve dico, pe cche dderitto sto ffacenno ste ccose.²⁸A vyuje che vve ne pare? Nc'era no tale, ch'avea duje figlie, e accostatose a lo primmo, le dicette: Figlio mio, va, e ffatica ogge dinto a la vigna mia.²⁹E isso responnette: Non ce voglio ji. Ma po, pentutose, nce jette.³⁰E azzeccatose a lo secunno, isso dicette lo stesso. E cchillo responnette: Mo vaco, e nnon ce jette.³¹Chi mo de li duje facette lo volere de lo patre? Lo primmo, responnettero chille. Accossì è ve dico, lle dicette Giesù, ca li gabbellote e le minale femmene jar ranno nnante a vvuje a lo regno de Ddio.³²Pocca a vvuje venette Giovanne pe la via de la justizia, e nnon ll'avite creduto. Ma li gabbellote, e le mmale femmene le credettero: e vvuje vedenno tutto chesto manco doppo ve nne pentisteve pe ccrederlo.³³Sentite n'auta parabbola: Nc'era no capo de casa, che cchiantaje na vigna, la ntorniaje de sepe, scavaje e nce facette lo ngegno, nce fravecaje na torretta, e ll'affittaje a li campagnuole, e ppo se partette da lo paese.³⁴Comme s' avvicinaje la staggione de li frutte, mannaje li serviture suoje da li campagnuole, pe ppigliarse li frutte de la vigna.³⁵Ma li campagnuole, acchiappanno li criate, uno ne varriajeno, n'auto n'accedettero, e nn'auto ne petria jeno.³⁶Mannaje na seconna vota aute serviture cchiù assaje de li priinme, e lle facettero lo stesso.³⁷All'urdemo nce mannaje lo figlio sujo, dicenno: Avarranno soggezzione de figliemo.³⁸Ma li pacchiane vedenno lo figlio, se confarfajeno ntra de lloro: Chisto è ll'arede, venite, accedimmolo, e avarrimmo ll'aredità ssoja.³⁹E afferratolo lo cacciajeno fora de la vigna, e ll'ammasonajeno.⁴⁰Ora mo quanno sarrà tornato lo patrone de la vigna, che ffarrà a cchille parzonale?⁴¹Lloro responnettero: Ne mannarrà a mmalora li briccune: e la vigna soja ll'affittarrà a aute campagnuole, che le darranno lo staglio a ttiempo sujo.⁴²Giesù lle dicette: Non avite leggiuto maje dinto a la Scrittura: La preta, che ccredettero, ca non mma leva, chille, che ffrayecavano, è sservuta de fonnamiento a lo cantone? Da lo Signore è stata fatta sta cosa, e é na mmaraveglia a ll ' uocchie nuoste?⁴³E ppe cchesto io ve dico, ca sarrà levato a vvuje lo regno de Ddio, e ssarrà dato a no popolo, che le faccia fà li frutte.⁴⁴E cchi cadarrà ncoppa a sta preta, nce restarrà sfrantummato: e a cchi cadarrà ncuollo, lo sfarinarrà.⁴⁵E avenno li cape de li sagiardote, e li Fariseje ntiso le pparabbole de Cristo, s'addonajeno, ca parlava de lloro.⁴⁶Eccercanno de metterle le mmane ncuollo, avet tero appaura de lo popolo: pecchè lo teneveno pe pprofeta.