Lo Santo Vangelio seconno Matteo 1

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹LIBERO de la razza de Giesù Cristo figlio de Ddavide, figlio d'Abbramo.²Abbramo facette Aisacco. Aisacco po facette Gia cobbe. Giacobbe po facette Giuda, e li frate de chisto.³Giuda po facette Fares, e Zara co Ttamar. Fares po facette Esron. Esron po facette Aram.⁴Aram po facette Aminadab. Aminadab po facette Naasson. Naasson po facette Salmon.⁵Salmon po facette Booz co Rraab. Booz po facette Obbed co Rrutt. Obbed po facette Jesse. Jesse, po facette lo rre Ddavide.⁶Lo rre Ddavide po facette Salamone co cchella, che ffuje mogliera d' Uria.⁷Salamone po facette Robboammo. Robboammo po facette Abbia. Abbiapo facette Asa.⁸Asa po facette Giosafatte. Giosafatte po facette Joram. Joram po facette Ozzia.⁹Ozzia po facette Gioatam. Gioatam po facette Acaz. Acaz po facette Ezzechia.¹⁰Ezzechia po facette Manasse. Manasse facette Amon. Amon po facette Giosia.¹¹Giosia po facette Geconia, e li frate de chisto a lo tiempo de lo passaggio mBabbilonia.¹²E ddoppo lo passaggio mBabbilonia: Geconia facette Salatiel. Salatiel po facette Zorobabbele.¹³Zorobabbele po facette Abbiud. Abbiud po fa cette Eliacim. Eliacim po facette Azzor.¹⁴Azzor po facette Sadoc. Sadoc po facette Achim. Achim po facette Eliud.¹⁵Eliud po facette Eliazzaro. Eliazzaro po facette Matan. Matan po facette Giacobbe.¹⁶Giacobbe po facette Giuseppe lo sposo de Maria, da la quale nascette Giesù, che se chiamma Cristo.¹⁷Donca tutte le nnascete so quattuordece da Abbramo pe nzi a Ddavide: quattuordece da Ddavide pe nzi a lo passaggio mBabbilonia: e quattuordece da lo passaggio mBabbilonia pe nzi a Ccristo.¹⁸La nasceta po de Cristo fuje accossi: Ca essenno Maria mamma d'isso sposata co Giuseppe, nnante che s'aunessero, se trovaje prena de lo Spireto ssanto.¹⁹Giuseppe po lo marito d'essa, pecchè era ommo da bbene, e nnon la voleva sbriognà, penzaje de mannar nela annascuso.²⁰Ma mentre jeva penzanno a ste ccose, eccote ca ll' angiolo de lo Signore le comparette nzuonno, e lle dicette: Giusè figlio de Ddavide, n'avè appaura de pigliarte Maria la mogliera toja: pocca chello, che sta ncuorpo a essa, è dde lo Spireto ssanto.²¹Essa sgravarrà de no figlio: e ttu miettele nomme Giesù: pocca isso sarvarrà lo popolo sujo da li peccate lloro.²²Tutto chesto po succedette, azzò se trovasse vero chello, ch'era stato ditto da lo Signore pe vvocca de lo profeta, che ddice:²³Ecco ca na vergene esciarrà prena, e ffarrà no figlio: e lle mettarranno nomme Mmanuele, che vvene a ddicere: Ddio co nnuje.²⁴Scetatose po Giuseppe da lo suonno, facette chello, che il aveva commannato ll'angiolo de lo Signore, e sse pigliaje la mogliera soja.²⁵E nnon ce teneva canoscenzia pe quanno essa figliaje lo figlio sujo, ch' era lo primmogeneto: e lle mettette nomme Giesù.