Lo Santo Vangelio seconno Matteo 16

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ESSE l'accostajeno li Fariseje, e li Sadduceje pe ttentarlo: e lo priajeno de farle avvedè quarche ssegno da lo cielo.²Ma isso responenno, lle dicette: Quann' è ssera vuje dicite: Farrà bon tiempo, pecchè nce sta russo ncielo.³E la matina: Ogge è ttemporale, pecchè lo cielo è scuro, e nce sta russo.⁴Donca sapite canoscere la faccia de lo cielo: e ppo non site bbuone a ccanoscere li signe de lo tiempo? Sta razza malandrina e ncredula va cercanno no segno: e sto segno non se le darrà, si non è lo segno de Giona profeta. E llassannole, se nne jette.⁵E li discipole suoje avenno passato lo lavo, se scordedajeno de pigliarse no poco pane.⁶E isso lle dicette: Aprite ll' uocchie, e gguardateve da lo crisceto de li Fariseje e dde li Sadduceje.⁷Ma chille stevano penzuse nfra lloro e lloro di cenno: Non avimmo portato pane.⁸E Giesù, che lo ssapeva, dicette: Pecchè state mpenziero nfra vuje e vvuje, gente de poca fede, pecchè non tenite pane?⁹Non ntennite ancora, e nnon v'allicordate de li cinco panielle pe li cincomilia uommene, e quanta panare n'aunasteve?¹⁰Nè dde li sette panielle pe li quattomilia uommene, e quanta sporte ne pigliasteve?¹¹E ccomme non capite, ca non è lope ppane, ca viaggio ditto: Guardateve da lo crisceto de li Fariseje, e dde li Sadduceje?¹²Tanno capettero, ca non aveva ditto de guardarse da lo crisceto de lo ppane, ma da le llezzione de li Fariseje e dde li Sadduceje.¹³Giesù po se nne jette da le pparte de Cesarea de Felippo: e addimmannava a li discipole suoje, dicenno: Chi diceno ll' uommene, ca è lo Figlio de ll' ommo?¹⁴Ettanno responnettero: Cierte diceno Giovanne Battista, cierte Elia, ciert' aute po Geremia, o quarcuno de li profete.¹⁵E Giesù lle dicette: E vvuje chi dicite, ca songo io?¹⁶Responnette Simone Pietro, e ddicette: Tu si Ccristo, lo figlio de Ddio vivo.¹⁷Responnenno po Giesù le dicette: Viato a tte, Simone Bar - Jona: pecchè non te l'à fatto canoscere la carne, e lo sango, ma lo Patre mio, che sta ncielo.¹⁸E io te dico, ca tu si Pietro, e ncoppa a sta preta fravecarraggio la cchiesia mia, e le pporte de lo nfierno non mmalarranno contra a essa.¹⁹E a tte darraggio le cchiave de lo regno de lo cielo. E ttutto chello, ch'attaccarraje ncoppa a la terra, sarrà attaccato pure ncielo: e ttutto chello, che sciogliarraje ncoppa a la terra, purzi ncielo sarrà sciuoveto.²⁰Tanno commannaje a li discipole suoje de non dicere a nnisciuno, ca isso era Giesù Cristo.²¹Da tanno po Giesù accommenzaje a ffà canoscere a li discipole suoje, ca isso aveva ji nGierusalemme, e ppatè cose assaje da ll'anziane, e dda li Scribbe, e dda li cape de li sagiardote, e cca aveva essere acciso, e rresuscità doppo tre gghiuorne.²²E Pietro tirannolo a spartata, accommenzaje a strillarlo dicenno: Arrassosia, Signo: chesto non te succedarrà.²³E isso se votaje a Pietro, e lle dicette: Va, vattenne da vicino a mme, satanà, tu mme si de scannalo: pecchè non aje la sapienzia de Ddio, machella de ll'uommene.²⁴Tanno Giesù dicette a li discipole suoje: Chi vo veni appriesso a mme, che s'annea ntutto e ppe ttutto, afferra la croce soja, e mme venga appriesso.²⁵Pecchè chi vorrà sarvà ll'anema soja, la per darrà: e cchi perdarrà ll'anema soja p'ammore mio, la trovarrà.²⁶Pecchè che sserve a ll'ommo d'abbuscarse tutto lo munno, si perde ll'aneina? E cche ccosa darrà ll'ommo a ccagno pe ll anema soja?²⁷Lo Figlio de ll'ommo venarrà co ll'angiole suoje, e cco la grolia de lo Patre sujo: e ttanno rennarrà a ognuno ll' opere lloro.²⁸Accossì è ve dico, nce so ccierte de chille, che stanno ccà, che nnon provarranno la morte, primma de vedė trasi lo Figlio de ll'ommo dinto a lo regno sujo