Lo Santo Vangelio seconno Matteo 27

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹FATTOSE juorno, tenettero conziglio tutte li cape de li sagiardote, e ll'anziane de lo popolo contro a Giesù, pe mmannarlo a mmorte.²E lo straportajeno attaccato, e lo conzignajeno a lo presede Ponzio Pilato.³Tanno Giuda, che ll'aveva traduto, vedenno, ca era stato connannato; pentutose, tornaje a pportà li trenta denare d'argiento a li cape de li sagiardote, e a ll'anziane,⁴Dicenno: Aggio fatto peccato, tradenno lo sango justo. Ma chille dicettero: Chence ne mporta? vida tello ttu.⁵Egghiettate li piezze dinto a lo tempio, se scostaje: e sse jette a mpennere co na fune.⁶Ma li cape de li sagiardote, pigliatese li denare d'argiento, dicettero: Non convene de metterlo dinto a la cascia: ca è ppriezzo de sango.⁷E cconcigliatese nfra de lloro, nn'accattajeno la terra de no piattaro, p'atterrarence li forastiere.⁸Pe cchesto chella terra fuje chiammata, Acelda ma, che vvene a ddicere, terra de lo sango, pe nzi a lo juorno d'ogge.⁹Tanno s'avveraje chello, ch'era stato ditto da Geremia profeta, quanno dicette: E sse pigliajeno trenta piezze d'argiento pe ppriezzo de chillo, che ss'accattajeno a ppriezzo da le figlie de Straele:¹⁰E ll'anno mise ncoppa a na terra de no piattaro, comme lo Signore me llà commannato.¹¹Ma Giesù arrevaje nnante a lo presede, e lo pre sede lo nterrocaje, dicenno: Tu sì lo rre de li Giudeje? Giesù le risponnette: Tu lo ddice.¹²Emmente era accusato da li cape de li sagiardote, e dda ll' anziane, non rresponnette niente.¹³Tanno le dicette Pilato: Non siente quanta cose diceno contro de te li testemmonie?¹⁴E nnon le responnette a nnisciuna parola, de ma nera ca lo presede se nne facette assaje mmaraveglia.¹⁵Ora lo presede era solito pecchillo juorno de festa de libberà uno de li carcerate, chillo, che lloro avessero voluto.¹⁶E ttanno teneva dinto no carcerato famuso, che se chiammava Barabba.¹⁷E ddoppo che cchille s'aunajeno, Pilato lle di cette: Chi volite, ch'io ve lasso? Barabba, o Giesù, che se chiamma lo Cristo?¹⁸Pocca isso sapeva, ca pe mmidia ll'avevano con zignato a la justizia.¹⁹E stanno assettato ncoppa a lo tribunale, la mogliera le mannaje a ddicere: Non te mmescà de le ccose de chill' ommo justo, pecchè io ogge aggio patuto assaje nzuonno pe ccaosa soja.²⁰Ma li cape de li sagiardote, e ll'anziane per suadettero a lo popolo, ch'addimmannassero Barabba, e ffacessero morì Giesù.²¹E pparlanno lo presede, dicette a lloro: Chi de li duje volite, ch'io ve lasso? Ecchille dicettero: Barabba.²²Pilato lle dicette: Donca che nn' aggio a fà de Giesù, che se chiamma lo Cristo?²³Tutte dicettero: Che ssia puosto ncroce.E lo presede lebbrecaje: Ma che ccosa à fatto de male? E cchille strillavano cchiù fforte dicenno: Che ssia puo sto ncroce.²⁴E vvedenno Pilato, ca non ne cacciava niente, ma se faceva cchiù rrevuoto: pigliata ll'acqua, se lavaje le mmane a la presenzia de lo popolo, dicenno: Io non aggio corpa a lo sango de st' ommo justo: ve lo vvedite vuje.²⁵E rresponnenno tutto lo popolo, dicette: Lo sango sujo ncuollo a nnuje, e a li figlie nuoste.²⁶Tanno lle lassaje Barabba: e ffatto fraggellà Giesù, nce lo conzignaje a lloro, azzò fosse miso ncroce.²⁷Tanno li sordate de lo presede, portato Giesù dinto a lo pretorio, aunajeno attuorno a isso tutta la compagnia:²⁸E spogliannolo, ll'arravogliajeno ncuollo no manto cocceniglia,²⁹E attorciglianno na corona de spine, née la mettettero ncapo, e na canna a la mano deritta. E cchiato no denucchio nnante a isso, lo sbreffejavano, dicerno: Bonni, rre de li Giudeje.³⁰E sputannolo nfaccia, pigliajeno la canna, e lo vatteveno ncapo.³¹E ddoppo d'averlo sbreffejato, lo spogliajeno de lo manto, e lo vestettero de li panne suoje, e lo portajeno a essere puosto ncroce.³²Ascenno po fora trovajeno n'ommo de Cirene chiammato Simone: e lo forzajeno a pportà la croce de chillo.³³E arrivajeno a no luoco, che se chiamma Golgota, che vvene a ddicere, lo luoco de la Coccia.³⁴E lle dettero a bbevere lo vino co lo ffele dinto. E comme ll' assaggiaje, non volette bbevere.³⁵Ma doppo che ll'avettero puosto ncroce, se spartettero li panne suoje, tiranno a sciorta: azzò s'avverasse chello, che ffuje ditto da lo profeta, che ddicette: Se spartettero li panne mieje, e ànno tirato a sciorta ncoppa a la vesta mia.³⁶E stanno assettate le facevano la guardia.³⁷E mettettero ncoppa a la capa d' isso la corpa soja scritta accossì: Chisto è Giesù lo rre de li Giudeje.³⁸Tanno fujeno puoste ncroce co isso duje latrune: ll'uno a dderitta, e ll'auto a mmanca.³⁹E cchille, che ppassavano, lo jastemmavano mo venno la capa,⁴⁰E ddicenno: Què, tu, che mmine nterra lo tempio de Ddio, e ddinto a ttre gghiuorne lo fraveche da capo: sarvate mo tu stesso: si si ffiglio de Ddio, scinne da sta croce.⁴¹De la stessa manera li cape de li sagiardote ngiuriannolo co li Scribbe, e ll'anziane le diceveno:⁴²À libberato ll'aute, e nnon pò libberà isso stesso: si è rre de Straele, che scenne mo da la croce, e nnuje le credimmo:⁴³Isso à fidato a Ddio: e mmo, si le vo bbene, che lo libbera: pecchè à ditto: Io so lo figlio de Ddio.⁴⁴Purzi li latrune, ch' erano state mise ncroce co isso, le diceveno le stesse vvetuperie.⁴⁵Ma da ll'ora sesta se facette no scuretorio pe ttutta la terra nzi a ll' ora nona.⁴⁶E vvicino a ll'ora nona Giesù scramaje co na voce forte, dicenno: Eli, Eli, lamma sabacthani? che vvene a ddicere: Ddio mio, Ddio mio, e ppecchè mm'aje abbannonato?⁴⁷Ma cierte, che stevano llà, sentenno chesto, di ceveno: Chisto chiamma Elia.⁴⁸E ssubbeto correnno uno de lloro pigliaje na spogna, e la nzuppaje d'acito, e la mettette mponta a na canna, e lle deva a bbevere.⁴⁹Ll'aute po diceveno: Lassame vedè, si vene Elia a llibberarlo.⁵⁰Ma n'auta vota Giesù jettanno no gruosso strillo, spiraje.⁵¹E tteccote lo velo de lo tempio s'arapette, e sse nne facettero doje parte da coppa a bbascio, e la terra tremmaje, e le pprete se spezzajeno,⁵²Esse scommigliajeno li sebburche: e assaje cuorpe de sante, che ddormeveno, resuscetajeno.⁵³E asciute fora de li sebburche doppo la resurrezzione d'isso, venettero dinto a la cetà ssanta, e ccomparettero a pparicchie perzone.⁵⁴Ma lo Centurione, e cchille, che stevano co isso a ffà la guardia a Giesù, visto lo terramoto e le ccose, che ssuccedeveno, se mettettero na gran paura, dicenno: Veramente chisto era lo Figlio de Ddio.⁵⁵E stevano llà da lontano paricchie femmene, ch'e rano venute appriesso a Giesù da la Galilea, pe ffarle assistenza:⁵⁶Nfra le quale nc' era Maria Matalena, e Maria la mamma de Giacomo, e dde Giuseppe, e la mamma de li figlie de Zebbedeo.⁵⁷E ffattose vruoco, venette n'ommo ricco d' Arimatea, pe nnomme Giuseppe, lo quale era isso purzì di scepolo de Giesù.⁵⁸Chisto jette a ttrovà Pilato, e lle cercaje lo cuorpo de Giesù. Tanno Pilato commannaje, che lo cuorpo fosse tornato.⁵⁹E Giuseppe, pigliatose lo cuorpo, ll'arravogliaje dinto a no lenzulo pulito.⁶⁰E lo posaje dinto a lo sebburco sujo nuovo, ch ' isso aveva scavato dinto a no masso. E ffacette rociolejà nfaccia a la vocca de la sebbetura no gruosso sasso, e sse nne jette.⁶¹Stevano po llà Maria Matalena, e ll' auta Maria, assettate de faccia a lo sebburco.⁶²Lo juorno appriesso, ch'era chillo doppo la Parasceva, s'aunajeno li cape de li sagiardote, e li Fariseje ad do Pilato,⁶³Dicenno: Signò, nce simmo allicordate, ca chillo ngannatore, quann' era vivo dicette: Doppo tre gghiuor ne resuscetarraggio.⁶⁴Donca commanna, che ssia guardato lo sebburco nzi a lo terzo juorno: pe cchi sa venessero li discipole suoje, e sse l'arrobbassero, dicenno a la gentarella: E rresuscetato da la morte: e ll' urdemo sarrànganno preggio de lo primmo.⁶⁵E Pilato lle dicette: Vuje site patrune de le gguardie, jate, e gguardatevillo, comme ve pare e ppiace.⁶⁶Ecchille jennosenne, rinforzajeno co le ssenti nelle lo sebburco, mettenno lo siggillo a la preta.