Lo Santo Vangelio seconno Matteo 24

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E GIESÙ ascenno da lo tempio, se nne jeva. E lle E s'accostajeno li discipole suoje, pe ffarle guardà le ffraveche de lo tempio.²Ma isso responnenno lle dicette: Vuje vedite tutte ste ccose? Accossi è ve dico, non ce restarrà ccà preta ncoppa a ppreta, che nnon sia sgarrupata.³Stanno isso po assettato ncoppa a lo monte Oliveto, se le fecero rente li discipole annascuso, dicennole: Con tace, quanno chesto succedarrà? e quale sarrà lo signale de la venuta toja, e dde la fine de lo munno?⁴E rresponnenno Giesù, dicette a lloro: Stateve attiente, che quarcuno non ve ncarretta.⁵Ne venarranno paricchie a nnomme mio, dicenno: Io so Ccristo: e ngannarranno gente assaje.⁶Sentarrite, ca se parlarrà de guerre, e dde chiacchiere de guerre. Vuje guardateve de non allarmarve. Pocca steccose ànno da succedere, ma non fenesce ccà.⁷Pocca se movarranno popolo contra a ppopolo, regno contra a rregno, e nce starranno peste, carestia, e tterramote da chesta banna e dda chella.⁸Ma tutte ste ccose sarranno ll'accommenzaglia de li dolure.⁹Tanno ve menarranno dinto a li guaje, v'accidar ranno, e ssarrite ll' odio de tutte le ggente pe ccaosa de lo nomme mio.¹⁰E ttanno se scannalezzarranno assaje, e ll' uno sarrà tradetore de ll'auto, e sse portarranno ll'odio nfra de lloro.¹¹E sguigliarranno tanta fauze profete, e ngannarranno uommene assaje.¹²Eppecchè è ccresciuta la bbricconaria, s'arre freddarrà la caretà d'assaje ggente.¹³Ma chi sarrà presseverante nzi a llurdemo, chi sto sarrà sarvo.¹⁴E ssarrà predecato sto vangelo de lo regno pe ll'u niverzo munno, ntestemmonia a tutte le ggente: e tanno venarrà la fine.¹⁵Addonca quanno vedarrite la schifezza de la de solazione, antecepata da lo profeta Daniele, arrevata dinto a lo luoco santo: che ntenna chi legge.¹⁶Tanno chi se trovarrà ddinto a la Giudea, che se nne fujesse ncoppa a le mmontagne:¹⁷E cchi se trovarrà ncoppa a li tittole, che nnon scennesse pe ppigliarse quaccosa da la casa soja:¹⁸Ecchi starrà ncampagna, che nnon tornasse a ppigliarse lo vestito sujo.¹⁹Guaje a le ffemmene prene, o ch'allattarranno a cchille juorne.²⁰Priate, azzò cche lo ffui vuosto non sia de vierno, o de jurnata de sabbeto.²¹Tanno la disgrazia sarrà ggrossa assaje, quale non fuje da lo principio de lo munno nzì a ogge, e nnon sarrà mmaje.²²E ssi non fosseno poche chille juorne, non se sar varria manco uno: ma ngrazia de li scivete chille juorne sarranno abbreviate.²³Tanno si quarcuno ve diciarra: Oué, ouè, lo vi llà, lo vi ccà Cristo: non lo state a ccredere.²⁴Pocca jesciarranno de botta criste fauze, e ppro fete fauze: e ffarranno gran signe, e mmiracole, da ngannà ( si è possibbele) a li stesse scivete.²⁵Vedite, ca io ve ll' aggio antecepato.²⁶Si addonca ve diciarranno: Lo vi llà, sta dinto a lo desierto; vuje non ascite: lo vi llà, sta dinto a la casa; non lle date retta.²⁷Comme a no lampo, ch'accommenza a llevante, e sse vede nzi a pponente: accossì sarrà lo vvenà de lo Figlio de ll'ommo.²⁸Addò starrà lo cuorpo, llà s'arrocchiarranno ll'a quele.²⁹Ma subbeto doppo li guaje de chille juorne lo sole se farrà scuro, la luna non darrà cchiù lluce, le stelle cadarranno da lo cielo, e sse revotarranno le vvirtù de lo cielo.³⁰Tanno se vedarrà ncielo la nzegna de lo Figlio de ll'ommo: e ttanno tutte le rrazze de la terra se vatterranno mpietto: e vvedarranno lo Figlio de llommo scennere pe ncoppa a le nnuvole co na gran forza, e mmajestà.³¹Emmannarrà ll'angiole suoje co na tromma, e na grannissema voce: e dda li quatto viente aunarranno tutte li scivete suoje, da na ponta de lo cielo nzi a ll'auta ponta.³²Nchioccateve sta parabbola de ll'arbero de lo pede de fiche: quanno lo ramo sujo s'ammollesce, e spontano le ffrunne, sapite, ca la state è vvicina:³³Accossì ppure, quanno vedarrite tutte ste ccose, canoscite, ca isso sta vicino nfaccia a la porta.³⁴Accossi è ve dico, ca non fenarrà la razza presente, e ssuccedarranno tutte ste ccose.³⁵Lo cielo e la terra passano, ma le pparole meje non passarranno.³⁶Mа de chillo juorno, e dde chell'ora nisciuno ne sape niente, manco ll'angiole de lo cielo, e schitto lo ssape lo Patre.³⁷Comme a li tiempe de Noè, accossì sarrà ppure lo vveni de lo Figlio de ll'ommo.³⁸Pocca comme a li juorne nnante a lo delluvio ll'uommene se nne stevano magnanno e bbevenno, sposannose e mmaretanno femmene, nzi a cchillo juorno, che ttrasette Noè dinto a ll' arca,³⁹E nnon se nne dettero nisciuno penziero, pecche non venette lo delluvio, e ss'arronzaje tutte quante: accossi sarrà de la venuta de lo Figlio de ll'ommo.⁴⁰Tanno se trovarranno duje dinto a na campagna: uno sarrà pigliato, e ll'auto abbannonato.⁴¹Nce starranno doje femmene a mmacenà a lo mulino: una sarrà pigliata, e ll' auta abbannonata.⁴²Stateve addonca nzentinella, pecchè vuje non sapite llora, che lo Signore vuosto sta pe vveni.⁴³E ssapite, ca si lo capo de casa canoscesse ll'ora, che sta pe vveni lo mariuolo, pe ccerto farria la senti nella, e nnon se lassarria scassà la casa.⁴⁴Pe cchesto vuje purzi stateve apparicchiate: pecchè a chell'ora, che mmanco nce penzate, lo Figlio de ll'ommo starrà vveni.⁴⁵Chi te cride, ca è lo servitore fedele, e assignato, che lo patrone sujo ll' à puosto ncoppa a ttutta la servitù, pe sparterle lo mmagnà a ora debbeta?⁴⁶Viato a cchillo servitore, che quanno è vvenuto lo patrone, lo trova, ca accossi sta facenno.⁴⁷E accossi ve dico, ca le darrà lo govierno de tutte le rrobbe soje.⁴⁸Ma si chillo malo servitore diciarrà ncuorpo a isso: Lo patrone mio trica a vveni:⁴⁹E accommenza a vvattere li serviture compagne suoje, e sse mette a mmagnà, e a bbevere co li mbria cune:⁵⁰Venarrà lo patrone de sto servitore lo juorno, che nnon se l'aspetta, a ll'ora, che nnon sape:⁵¹E spartuennole, lo mettarrà mmiezo a li bizzuo che fauze. Llà nce sarrà cchianto e zzerrià de diente.