Lo Santo Vangelio seconno Matteo 13

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹A CCHILLO juorno Giesù ascenno da a casa, steva assettato vicino a lo mare.²Ess'aunette attuorno a isso na gran folla depopo lo, tanto che ssaglienno ncoppa a na varchetta nce s'assettaje: e ttutta la folla se rummanette ncoppa a ll' arena,³E isso assaje lle parlava pe vvia de parabbole, dicenno: Ecco ca chillo, che ssemmena, ascette a ssemmena.⁴E ppe ttramente lo ffa, certe ssemmente cadettero pe la strata, e vvenettero ll'aucielle de lo cielo, e sse le mmagnajeno.⁵N'auta porzione ne cadette ncoppa a lluoche chine de prete, addò non c'era troppa terra: e ssubbeto sbucciajeno, pecchè non avevano autezza de terra.⁶Ma asciuto lo sole, se nfocajeno: e nnon avenno radeca, se seccajeno.⁷N' auta porzione cadette mmiezo a le spine: e ccrescetteno le spine, e ll' affocajeno.⁸Cert' aute po cadettero ncoppa a la terra bona: e ddevano lo frutto, chi pe cciento, chi pe ssessanta, e cchi pe ttrenta.⁹Chi tene recchie da sentere, che ssente.¹⁰E accostannose li discipole le dicettero: Pecchè parle pe vvia de parabbole?¹¹E isso responnenno, lle dicette: Pecchè vuje avite la razia de canoscere li mistere de lo regno de lo cielo: e lloro non ll ' aveno chesta razia.¹²Pecchè chi ave, cchiù lle sarrà ddato, e scialarrà: chi po non ave, le sarrà levato pure chello, che ttene.¹³Pe cchesto io parlo a lloro pe vvia de parabbole: pecchè vedenno non vedeno, e ssentenno non senteno, e nnon ntenneno.¹⁴E ssuccede pe lloro la profezia d'Isaia, che ddice: Sentarrite co le rrecchie, e nnon ntennarite: guardarrite co ll' uocchie, e nnon vedarrite.¹⁵Pecchè sto popolo è ggruosso de core, non troppo nce senteno co le rrecchie, e tteneno chiuse ll'uocchie: pe nnon vedé co ll' uocchie, e ppe nnon senti co le rrecchie, e ppe nnon ntennere co lo core, azzò isso se pente, e io lo sano.¹⁶Ma viate a ll' uocchie vuoste, ca nce vedeno, e a le rrecchie voste, ca nce senteno.¹⁷Accossi è ve dico, ca assaje profete, e uommene buone avettero desiderio granne de vedé chello, che vvuje vedite, e nnon lo vedettero: e dde senti chello, che vvuje sentite, e nnon lo sentettero.¹⁸Vuje donca sentite la parabbola de chillo, che ssemmena.¹⁹Ognuno, che ssente la parola de lo regno, e nnon la ntenne, vene lo malandrino, e ss' arrobba chello, ch' è stato semmenato dinto a lo core sujo: chisto è cchillo, ch'à avuta la semmenta pela strata.²⁰Chillo po, ch'è stato semmenato mmiezo a le pprete, è cchillo, che ssente la parola, e ssubbeto co ppiacere se la piglia:²¹Ma non ave radeca, e ddura poco. E quanno vene la disgrazia e la ncojetutene p'ammore de la parola, subbeto se scannalizza.²²Chi po è ssemmenato mmiezo a le spine, è cchillo, che ssente la parola: ma lo penziero de chisto munno, e lo ngannamiento de le rricchezze affocano la parola, e rrummane senza frutto.²³Chillo po, ch' è ssemmenato ncoppa a la terra bona, è cchillo, che ssente la parola, e la ntenne, e pporta frutto, e mmo renne ciento, mo sessanta, e mmo trenta.²⁴E lle presentaje n'auta parabbola, dicenno: Lo regno de lo cielo s'arrassomeglia a nn'ommo, che ssemmenaje na bona semmenta dinto a la terra soja.²⁵Mape ttramente ll'uommene dormeveno, venette lo nemmico sujo, e mmiezo a lo ggrano buono nce semmenaje la malerva, e sse nne jette.²⁶Quanno l'erva crescette, e ffacette lo frutto, tanno comparette pure la malerva.²⁷E li serviture de lo capo de casa accostannose, le dicettero: Signò, non aje semmenato bona semmenta dinto a la terra toja? E ccomme mo esce la malerva?²⁸E isso lle responnette: Quacche nemmico l'à fatto. Li serviture po le dicettero: Vuoje, che gghiammo, e la coglimmo?²⁹E ddicette: No: pecchè coglienno la malerva, pò essere, ca scippate lo ggrano nzieme co essa.³⁰Lassatele ccrescere tutte e ddoje pe nzi a la recoveta, e a lo tiempo de la recoveta diciarraggio a li faticature: Scippate primma la malerva, e attaccatela a ffasce pe ll'abbruscià: aunate po lo dinto a lo magazggranozeno mio.³¹Lle contaje n'auta parabbola dicenno: Lo regno de lo cielo s'arrassomeglia a nn ' aceno de senape, che nn'ommo lo pigliaje, e lo semmenaje dinto a la terra soja:³²Ch'è la cchiù ppeccerella de tutte le ssemmente: ma quanno è ccresciuta, è la cchiù ggrossa de tutta la verdumma, e addeventa n'arbero, de manera ca ll'aucielle de lo cielo veneno, e ss'arreposano ncoppa a li rame suoje.³³N' auta parabbola pure lle contaje: Lo regno de li ciele s'arrassomeglia a lo crisceto, che la femmena piglia e mmettette mmiezo a tre ttommola de farina, pe nzi a cche tutta non è ccresciuta.³⁴Tutte ste ccose dicette Giesù a la folla vvia de peparabbole: e nnon le parlava maje senza parabbole.³⁵Azzò succedesse chello, ch'era stato ditto da lo profeta, che ddice: Araparraggio la vocca mia co ppara bbole, ve vommecarraggio cose, che sso state annascose da lo principio de lo munno.³⁶Tanno licenziaje la folla, e sse nne tornaje a la casa: e lle s'accostajeno li discipole suoje, e lle dicettero: Fance canoscere la parabbola de la malerva de la campagna.³⁷E isso responnenno lle dicette: Chillo, che ssem mena la bona semmenta, e lo Figlio de ll'ommo.³⁸La campagna, è lo munno. La bona semmenta po, so li figlie de lo regno. La malerva, so li figlie de lo malandrino.³⁹Lo nemmico, che llave semmenata, è lo diavolo. La recoveta, è la fine de lo munno: li faticature, che la fanno, so ll'angiole.⁴⁰Donca comme s'auna la malerva, e ss ' abbruscia: accossi ppure succedarrà a la fine de lo munno.⁴¹Lo Figlio de llommo mannarrà ll'angiole suoje, e cchiste levarranno da lo regno sujo tutte li scannale, e ttutte chille, che ffanno li peccate:⁴²E li gghiettarranno dinto a la carcara de fuoco: llà nce sarrà cchianto, e zzerrià de diente.⁴³Tanno ll'uommene buone luciarranno comme a lo sole dinto a lo regno de lo Patre lloro. Chi tene recchie pe ssenti, che ssente.⁴⁴Lo regno de li ciele s'arrassomeglia a no tresoro annascuso dinto a na terra: chillo, che lo trova, se l'an nasconne, e ppe lo piacere va, e venne tutto chello, che ttene, e ss' accatta chella terra.⁴⁵Lo regno de li ciele s'arrassomeglia pure a no mercante, che vva cercanno perle bbone.⁴⁶E ddoppo ch'ave asciata na perla de gran priezzo va, e vvenne quanto tene, e sse l'accatta.⁴⁷Lo regno de lí ciele s'arrassomeglia pure a na rezza jettata a mmare, ch'acchiappa ogne ssorte de pisce.⁴⁸E quanno s'è cchiena, la tirano, e assettate ncoppa a ll'arena, mettettero da parte dinto a li piatte li pisce buone, e gghiettajeno li cattive.⁴⁹Accossi succedarrà a la fine de sto munno: esciarranno ll'angiole, e llevarranno li cattive da miezo a li buone,⁵⁰E li gghiettarranno dinto a la carcara de fuoco: llà nce sarrà cchianto, e zzerrià de diente.⁵¹Avite capito tutte ste ccose? Gnorsi, le diceno.⁵²E isso lle dicette: Pecchesto ogne scribba saputo a lo regno de li ciele, s'arrassomeglia a cchillo patre de famiglia, che ccaccia da lo guardarrobba cose nove e ccose vecchie.⁵³Nninche fenette ste pparabbole, Giesù se nne passaje da llà.⁵⁴Ettornatosenne a lo paese sujo, li mparava dinto a le ssinagoche lloro, de manera che nne rummaneveno mmaravegliate, e ddiceveno: Comme le vene tanta sapienzia, e ttanta miracole?⁵⁵Non è cehisto lo figlio de no mastodascia? La mamma soja non se chiamma Maria, e li frate suoje, Giacomo, Giuseppe, Simone, e Giuda:⁵⁶E le ssore soje, non stanno tutte mmiezo a nnuje? Da che ddonca le so vvenute tutte ste ccose?⁵⁷E sse scannalezzavano pe isso. Ma Giesù lle dicette: Non c'è pprofeta senz'annore, si non è a lo pae se sujo, e ddinto a la casa soja.⁵⁸E llà non facette miracole assaje, pecchè non ce credeveno.