Lo Santo Vangelio seconno Matteo 25

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹TANNO lo regno de lo cielo sarrà comme a ddiece figliole zetelle: che ppigliate le llampe ascettero ncontro a lo sposo e a la sposa.²Ma cinco de lloro erano sciaurate, e ccinco de ju dicio.³Le ccinco sciaurate, piglianno le llampe, non portajeno uoglio co lloro:⁴Le ccinco assignate nzieme co lle llampe portajeno purzì ll'uoglio dinto a ll'agliaro.⁵Comme lo sposo tricaje, tutte se mettettero a cca pozzià e ss' addormettero.⁶Ma a mmezanotte nce fuje no gran rummore: Ecco mo vene lo zito, ascitele ncontro.⁷Tanno zompajeno a ll' erta tutte le zzetelle, e ac conciajeno le llampe.⁸E le sciaurate dicettero a legghiudiciose: Datence na sghizza de lluoglio vuosto: pecchè le llampe noste se stutano.⁹Ma responnettero le gghiudiciose, dicenno: Po essere, ca lluoglio n'avasta a vvuje nè a nnuje; jate cchiù ppriesto dall' uogliararo, e accattatevenne no poco.¹⁰Mente che cchelle jettero a accattarlo, venette lo sposo: e cchelle, ch'erano pronte, trasettero co isso a lo festino, e se nzerraje la porta.¹¹All'urdemo arrivano ll'aute zetelle, dicenno: Ouè, Signd, ouè, Signò, araprece.¹²Ecchillo responnette: Accossì è ve dico, non ve canosco.¹³Addonca state a ll'erta, pecchè vuje non sapite ne lo juorno, nè llora.¹⁴Accossì ppure n' ommo partenno pe no paese lontano, chiammaje li serviture suoje, e mmettette mma no a lloro le rrobbe soje.¹⁵A uno dette cinco taliente, a nn'auto duje, e a nn'auto uno, a ttenore de lo judicio lloro, e ttanno pe ttanno se partette.¹⁶Ora mo chillo, ch'aveva avuto cinco taliente jette, e sse li nnegoziaje, e sse nn ' abbuscaje n'aut' e ccinco.¹⁷De la stessa manera chillo, che nn'aveva avuto duje, se nne guadagnaje n'aut' e dduje.¹⁸Ma chillo, che nn'aveva avuto uno, jette, e scavaje no pertuso nterra, e annasconnette li denare de lo patrone sujo.¹⁹A ccapo de cierto tiempo tornaje lo patrone de chille serviture, e sse nce mettette a ffà li cunte.²⁰Accostatose chillo, ch'aveva avute cinco taliente, mostaje ll' aut'e ccinco, dicenno: Patrò, cinco taliente me diste, e tteccote ccà n'aute ccinco, che mme nce so gguadagnato ncoppa.²¹E lo signore responnette: Bravo, criato buono e ffedele, e ppecchè ncoppa a lo ppoco si stato esatto, te voglio mettere a ccapo de rrobba assaje: tras'a pparte de la priezza de lo patrone tujo.²²S'accostaje po chillo, ch'aveva avuto li duje taliente, e lle dicette: Ouè, Signò, tu duje taliente me diste, e tteccatenne n' aut'e dduje, che mme nne so abbuscate.²³E lo patrone le dicette: Bravo; si no criato buono e ffedele, e ppecchè ncoppa a lo ppoco sì stato esatto, te mettarraggio a ccapo de ll'assaje: tras'a pparte de la priezza de lo patrone tujo.²⁴Se fece nnante po chillo, ch'aveva avuto uno taliente, e ddicette: Signo, io canosco, ca tu sì nn'ommo assennecato, che mmiete, addò non aje semmenato, e raccuoglie, addò non aje menato niente:²⁵E mmettennome appaura, so gghiuto a nnasconnere sotto terra lo taliente tujo: teccote ccà chello, ch'è ttujo.²⁶Ma lo signore responnenno, le dicette: Ah ccriato piezzo de birbo, e sfatecato, tu sapive, ca io meto, ad dò non semmeno, e rraccoglio, addò non aggio menato niente:²⁷Abbesognava addonca dà li denare mieje a li negoziante, e ttornanno m'avarria pigliato n'auta vota lo mmio co lo nteresse.²⁸Levatele lo taliente, e ddatelo a cchillo, che nne tene diece.²⁹Pecchè a cchi tene cchiù, se darrà, e isso aonnarrà: ma a cchi non tene, sarrà llevato purzì chello, che ffà mosta de tené.³⁰E lo criato che nnon mmale a nniente jetattelo dinto a lo scuretorio de fora: llà nce sarrà cchianto, e zzerrià de diente.³¹Quanno venarrà po lo Figlio de ll'ommo co la majestà ssoja, e ttutte ll'angiole co isso, tanno s'assettarrà a lo trono de la grannezza soja:³²E ss'aunarranno nnante a isso tutte le ggente, e isso le, spartarrà ll'une da ll'aute, comme lo pecoraro spartuesce le ppecore da li crapitte:³³Emmettarrà le ppecore a la deritta soja, e li crapitte a la manca.³⁴Ettanno lo rre diciarrà a cchịlle, che stanno a la deritta soja: Venite, beneditte da lo Patre mio, pigliate possesso de lo regno, che vv'è stato apparicchiato da la criazzione de lo munno.³⁵Pocca io aveva famma, e vvuje me disteve a mmagnà: io aveva sete, e vvuje me disteve a bbevere: era spierto, e vvuje m'alloggiasteve.³⁶Steva annudo, e vvuje me commigliasteve: ma lato, me visitasteve: carcerato, e mme venisteve a ttro và.³⁷Tanno li juste le responnarranno: Neh, Signò, e quanno maje t'avimmo visto affamato, e ttavimmo dato a mmagnà: assetato, e tť avimmo dato a bbevere?³⁸Quanno maje t'avimmo visto spierto, e tt'avimmo alloggiato: annudo, e tt'avimmo copierto?³⁹E quanno tavimmo visto o malato, o carcerato, e tte simmo venuto a ttrovà?⁴⁰E lo rre responnenno, lle diciarrà: Accossi è ve dico, ca sempe, che vvuje lo ffacisteve a uno de sti frate mieje li cchiù ppeccerille, lo ffacisteve a mme.⁴¹Tanno pure diciarrà a cchille, che starranno a mmancina: Arrassateve da me, mmaleditte, a lo ffuoco eterno, che ffuje apparicchiato pe lo diavolo, e ppe ll'an giole suoje.⁴²Pecchè io senteva famma, e nnon me disteve a mmagnà: me moreva de sete, e nnon me disteve a bbe vere:⁴³Era spierto, e nnon m'alloggiasteve: annudo, e nnon me vestisteve: malato, e ccarcerato, e nnon me fa cisteve na viseta.⁴⁴Ettanno chille le responnarranno, dicenno: Signò, quanno maje te vedettemo affamato, o assetato, o spierto, o annudo, o malato, o carcerato, e nnon t'avimmo dato retta?⁴⁵Tanno responnarrà a lloro, dicenno: Accossi è ve dico: Ogne vvota, che nnon ll'avite fatto a uno de sti peccerille, non ll'avite fatto manco a mme.⁴⁶E cchiste jarranno a la pena eterna: e li juste jarranno a la vita eterna.