Lo Santo Vangelio seconno Matteo 10

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ECCHIAMMATESE li dudece discipole suoje, lle dette lo potere ncoppa a li spirete cattive, de caccia rele, e dde sanà ogne gguaje, e ogne mmalatia.²Ora li nomme de li dudece Apuostole so cchiste ccà. Lo primmo, Simone, che se chiamma Pietro, e Andrea frate de chisto,³Giacomo figlio de Zebbedeo, e Giovanne lo frate sujo, Felippo, e Vvartommeo, Tommaso, e Mmatteo lo gabbelliere, Giacomo figlio d'Alfeo, e Ttaddeo,⁴Simone lo Cananeo, e Giuda Scariota, ch'è ppure chillo, che lo tradette.⁵Giesù mannaje chiste dudece; commannannole, e ddicenno: Non ghiate pe la via de li ncredule, e nnon trasite dint'a le ccetà de li Sammaritane:⁶Ma jate cchiù ppriesto mmiezo a le ppecorelle de la casa de Straele, che se so sperdute.⁷Egghiate predecanno, e ddicite: Ca lo regno de li ciele s'è accostato.⁸Sanate li malate, resuscitate li muorte, munnate li lebbruse, cacciate li diavole: avit avuto ngratis, e vvuje date ngratis.⁹Non ghiate ascianno de tenè nè oro, nè argiento, nè ddenare dint'a le ssacche voste:¹⁰Nè vvesacce pe lo viaggio, nè dduje vestite, nè scarpe, nè bbastone: pecchè lo faticatore s' abbusca lo ppane.¹¹Quanno trasite dint'a na cetà, o a no castiello, nfrommateve, chi nce sta, ch'è ommo buono: e llà frem mateve, pe nfi ca non ve nne jate.¹²Trasenno po dinto a cchella casa, salutatela, e ddicite: La pace sia a cchesta' casa.¹³E ssi chella casa n'è ddegna, la pace vosta venarrà ncoppa a essa: si po non nn'è ddegna, la pace vosta tor narrà arreto addò vuje.¹⁴E ssi quarcheduno non ve fa trasi, e nnon sente le pparole voste: ascite fora da chella casa, o da chella cetà, scotoliateve la porve da li piede vuoste.¹⁵Accossì è ve dico: Meglio sarrà pe Ssoddoma e ppe Ggomorra, ca pe ochella cetà, a lo juorno de lo judicio.¹⁶Ecco ca io ve manno comm'a ppecore mmiez' а li lupe. Donca aviť a essere astute comme a li sierpe, e nnocente comme a le ppalommelle.¹⁷Però guardateve da ll' uommene. Pecchè ve farranno comparè mmiezo a lo conziglio, e vve frustar ranno pe le ssinagoche lloro:¹⁸E pp'ammore mio ve portarranno nnante a li priesede, e a li rri comm ' a ttestemmonia contra lloro, e contr' a ttutte li popole, che nnon ce credono.¹⁹Quanno po v'acchiapparranno, non ghiate pen zanno comme avit a parlà, o chello, ch'avit' a dicere: pecchè a cchillo momento ve sarrà mmoccato chello, ch'avit a dicere.²⁰Pecchè non site vuje, che pparlate, ma è lo Spireto de lo Patre vuosto, che pparla ncuorpo a vvuje.²¹Lo frate conzegnarrà lo frate pe la morte, e lo patre lo figlio: e sse rebbellarranno li figlie contra lo patre e a la mamma, e li ffarranno mori:²²E ttutte ve vorranno male pe lo nomme mio: ma chi sarrà tuosto pe nzi a la fine, chisto se sarvarrà.²³Quanno po ve ncojetarranno dint' a cchesta cetà, fuitevenne a nn'auta. Accossì è ve dico, non avarrite fenuto le ccetà de Straele, primma che vvene lo Figlio de ll' ommo.²⁴Non c'è ddiscepolo ncoppa a lo masto, nè sser vitore ncoppa a lo patrone.²⁵Abbasta a lo discepolo d'essere comme a lo masto: e a lo servitore d' essere conime a lo patrone. Si hanno chiammato Berzebù lo patrone de la casa: quanto cchiù li serviture?²⁶Donca n'avite appaura de lloro. Pecchè niente sta commigliato, che nnon se scommogliarrà: e nniente sta annascuso, che nnon se saparrà.²⁷Dicite de matina co lo sole chello, ch'io ve dico a lo scuro: e ppredecate pe ncoppa a li titte chello, ch'a vite sentuto dinto a la recchia.²⁸E nn' avite appaura de chille, ch' accideno lo cuorpo, ma non ponno accidere ll'anema: mettiteve cchiù ppriesto appaura de chillo, che ppò mannà ll'anema, e lo cuorpo dinto a lo profunno de lo nfierno.²⁹Non é o vero, ca duje passarielle se venneno no rano: e ppure uno de lloro non pò cadè nterra si lo Patre vuosto non lo vvole?³⁰Ma tutte li capille de la capa vosta so ccontate.³¹Donca n'avite appaura: vuje site cchiù mmeglio de ciente passarielle.³²Chi donca me fa testemmonia nnante a ll' uom mene, io pure nce la farraggio nnante a lo Patre mio, che sta ncielo:³³E cchi m'annea nnante a ll'uommene, io pure ll'anniarraggio nnante a lo Patre mio, che sta ncielo.³⁴Non ve penzate, ca so vvenuto a mmettere la pace ncoppa a la terra: non so vvenuto a mmettere pace, ma a gghiettà lo cortiello.³⁵Pecchè so vvenuto a spartere lo figlio da lo patre, e la figlia da la mamma, e la nora da la socra:³⁶E li nemmice de l'ommo so la gente de la casa soja.³⁷Chi vo bbene a lo patre o a la mamma cchiù dde me, non è ddegno de me: e cchi vo bbene a lo figlio o a la figlia cchiù dde me, non è ddegno de me.³⁸E cchi non piglia la croce soja, e mme vene appriesso, non è ddegno de me.³⁹Chi va trovanno la vita soja, la perde: e cchi perde la vita soja p'ammore mio, la trovarrà.⁴⁰Chi riceve a vvuje, riceve a mme: e cchi riceve a mme, riceve a cchillo, che mm'à mannato.⁴¹Chi riceve a no profeta comm'a pprofeta, avarrà lapava de profeta: e cchi riceve a ll'ommo justo comme a justo, avarrà la pava d'ommo justo.⁴²Ecchi avarrà dato a bbevere no bicchiere d'acqua fresca a uno de sti cchiù ppoverielle sulo comme a ddi scepolo mio: accossi è ve dico, non perdarrà la pava soja.