Lo Santo Vangelio seconno Matteo 19

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E DDOPPO che Giesù scompettes te ppredeche, ascette fora de la Galilea, e vvenette a li contuorne de la Giudea, da ccà de lo Giordano,²E lle jettero appriesso gran folla de gente, e llà li ssanaje.³E lle s'accostajeno li Fariseje pe ttentarlo, co ddi cere: È Ilommo si o no de mannarne la pprémmesso amogliera soja, pe qualunche raggione?⁴Isso responnette: Non avite leggiuto, ca chillo, che dda principio facette llommo, li ffacette mascolo e ffem mena? e ssecutaje:⁵Pe sta raggione ll'ommo lassarrà lo patre, e la mamma, e sse starrà aunito co la mogliera, e ssarranno doje aneme e uno cuorpo.⁶Onne non so cchiù dduje, ma è una carne. E ppe cchesto nzò, che Ddio ave accocchiato, ll'ommo no llà dda scocchia.⁷E cchille lebbrecajeno: E ppecchè Mosè commannaje de dà la carta pe spartere lo matremmonio, e ppo mannarne la mogliera?⁸E isso lle dicette: Pecchè Mosè vedenno, ch'aviveve no core de cuoccio, ve dette canzo de mannarne le mmogliere voste: ma mprincipio non fuje accossì.⁹lo po ve dico, ca chi de vaje scocchiarrà co la mogliera soja, senza che cchesta avesse fatto cofecchie co aute, e sse sposarrà a nn' auta femmena, fa peccato: comme fa peccato purzi chi se sposa la femmena lassata da lo marito.¹⁰Le dicettero li discipole: Si accossi vva la caosa de ll'ommo co la mogliera, non torna cunto de nzorarse.¹¹E isso lle dicette: Non tutte capesceno sto tra scurzo, ma sulo chille, che nn'anno la razia.¹²Pocca nce stanno cierte galluffe, ch'accossì nna scettero da cuorpo a la mamma: nce ne stanno cierte aute, che dda ll'uommene so ffatte capune: e sse nne tro vano purzi de chille, che se facettero museche p'ammore de loregno de lo cielo. Chi po ntennere ntenne.¹³Tanno le fujeno appresentate cierte peccerille, azzò ll'aizasse le mmane ncapo, e ppriasse. Ma li di scipole li strillavano.¹⁴E Giesù lle dicette: Lassate stà ste ccreature, e nnon lle mpedite de venire addo me: ca de chiste ccà è lo regno de lo cielo.¹⁵E ddoppo che lle mettette le mmane ncapo, se partette da llà.¹⁶E tteccote no tale, che ffatosele nnante le dicette: Masto mio buono, ch'aggio da fà de bbene p'abbuscarme la vita eterna?¹⁷Giesù le dicette: Pecchè m'addimmanne ncoppa a lo bbene? Uno schitto è bbuono, Ddio. E ssi tu vuoje trasi a la vita, fa li commannamiente.¹⁸E quale so? lebbrecaje chillo. E Giesù le di cette: Non fà mmicidio: Non te mpecià co le mmoglie re d'aute: N'arrobbà: Non fà la fauza testemmonia:¹⁹Porta riguardo a ppatreto, e a mmammeta, e ama a lo prossemo tujo comme a tte stesso.²⁰Lo figliulo le dicette: Tutto chesto ll'aggio fatto da la picciolità mia, mo che auto mme manca?²¹Giesù le responnette: Si vuoje arriva a la preffezzione, va, vinne nzò, che ttiene, dallo a li pezziente, e ararraje no tresoro ncielo: e vviene appriesso a mme.²²Comme lo guaglione sentette sta parola, se nne jette ngottuso: pecchè teneva assaje rrobba.²³E Giesù dicette a li discipole suoje: Accossì è ve dico, ca è ddifficele, ca no ricco trase dinto a lo regno de lo cielo.²⁴E ttorno a ddirve, ca è cchiù ffacele, ca na funa de bastemiento passa pe la corona de n'aco, ca pe no ricco de trasì dinto a lo regno de lo cielo.²⁵Sentenno ste cose, li discipole restajeno co la vocca aperta, dicenno: Ecchi addonca se potarrà sar và?²⁶Ma Giesù tenennole mente, lebbrecaje: Chesto è mpossibbele nfaccia a ll' uommene: 'ma nfaccia a Ddio tutte le ccose so ppossibbele.²⁷Tanno Pietro responnenno, le dicette: Eccoce ccà, nuje lassajemo tutto, e ssimmo venute appriesso a tte: ma mo che nne sarrà de nuje?²⁸Ma Giesù lle dicette: Accossì è ve dico, ca vuje, lo che ssite venute co mmico, a lo munno nuovo, quannoFiglio de ll'ommo s'assettarrà a lo trono de la majestà ssoja, vuje purzi v'assettarrite ncoppa a ddudece trone, e gghiudecarrite le ddudece tribù de Straele.²⁹Ecchi sia sia, ch'avarrà lassato la casa, o li frate, o le ssore, o lo patre, o la mamma, o la mogliera, o li figlie, o le mmassarie pe lo nomme mio, n'avarrà lo ciento pe cciento, e ppigliarrà possesso de la vita eterna.³⁰E assaje de li primme sarranno ll' urdeme, e assaje de ll'urdeme li primme.