Lo Santo Vangelio seconno Matteo 8

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ENNINCHE scennette da lo monte, lle jettero appriesso gente assaje:²Etteccote uno, che ppateva de lebbra, venenno, l'adorava, e ddiceva: Signò, si tu vuoje, me puo' sana.³E Giesù stennenno la mano, lo toccaje, dicenno: Lo vyoglio, si ssanato. E ssubbeto la lebbra de chillo se sanaje.⁴E Giesù le dicette: Statte attiento de non lo ddi cere a nnisciuno: ma vattenne a la presenzia de lo sagiar dote, e pporta lo rialo, ch'à commannato Mosè, pe ddà a lloro na prova.⁵E nninche trasette a Ccafarnao, se ll'accostaje no Centurione, e sse le raccommannava,⁶E ddiceva: Signò, no servitoriello mio sta dinto a la casa mia a lo lietto malato de ciunchia, e ppatesce propio assaje.⁷E Giesù le dicette: Mo vengo, e lo sano.⁸E lo Centurione responnenno, dicette: Signò, io non so ddegno, che ttu trase dinto a la casa mia: ma di solamente na parola, e lo servitoriello mio sarrà sanato.⁹Pecchè io pure so nn'ommo soggetto a li cape, e ttengo sotto a mme li sordate, e ddico a cchisto: Va, e cchillo va: e a nn'auto: Viene, e cchillo vvene: e a lo servitore mio: Fa chesto, e cchillo lo ffa.¹⁰Giesù po sentenno chesto restaje mmaravegliato, e ddicette a cchille, che lle jevano appriesso: Accossi è ve dico, ca non aggio trovata na fede accossi ggranne mmiezo a lo popolo de Straele. ·¹¹Io po ve dico, ca ne venarranno assaje da lo levante, e dda lo ponente, e ss' arreposarranno co Ab bramo, co Aisacco, ecco Giacobbe a lo regno de lo cielo:¹²Ma li figlie de lo regno sarranno cacciate fora a lo scuro: e llà nce sarrà chianto, e zzerrià de diente.¹³E ddicette Giesù a lo Centurione: Va, e ccon fromme aje creduto, te sia fatto. E lo servitore se sana je a cchillo momento.¹⁴E Giesù essenno juto dinto a la casa de Pietro, vedette, ca la socra d'isso steva malata a lo lietto co la freva,¹⁵E lle toccaje la mano, e la freva la lassaje, e essa se susette, e sserveva a lloro.¹⁶Fattose po sera, le portajeno uommene assaje, che tteneveno ncuorpo li diavole: e isso cacciava li spirete co le pparole: e ssanaje tutte li malate:¹⁷Azzò succedesse chello, che ffuje ditto da Isaia profeta, che ddice: Isso s' à pigliato li malanne nuoste: e à portato ncuollo le mmalatie noste.¹⁸Vedennose po Giesù attuorno no gran popolo, le commannaje de passà da ll'auta banna.¹⁹E sse ll'accostaje no scribba, e lle dicette: Si Mà, io te vengo appriesso, addò tu jarraje.²⁰E Giesù le dicette: Le vvorpe teneno le ttane, e ll'aucielle de lo cielo teneno li nive: ma lo Figlio de ll'ommo non ave addò appojà la capa.²¹E nn'auto de li discipole suoje le dicette: Signo, damme licienzia de ji primma a atterrà lo patre mio.²²Ma Giesù le dicette: Vieneme appriesso, e llassa, che li muorte atterreno li muorte lloro.²³E ddoppo che ssagliette dint' a la varca, li disci pole suoje lle jettero appriesso:²⁴E tteccote ca na gran tempesta succedette a mmare, e la varchetta era commigliata da llonne: isso po dormeva.²⁵E li discipole suoje se ll'accostajeno, e lo scetajeno, dicenno: Signo, sarvance, nuje nce perdimmo.²⁶E Giesù lle ddicette: Pecchè avite appaura, uommene de poca fede? Tanno susennose, commannaje a li viente, e a lo mare, e sse fece bon tiempo.²⁷Onne ll'uommene ne restajeno mmaravegliate, e ddiceveno: Chi è cchisto, ca li viente e lo mare l'obbedesceno?²⁸E essenno sbarcato da ll'auta banna de lo lavo a lo paese de li Gerasene, nnante duje uom le venetteromene, che tteneveno li diavole ncuorpo, e asceveno da le ssebbeture, e erano accossi ffuriuse, che nnisciuno poteva passà pe cchella strata.²⁹E eccote se mettettero a strillà, dicenno: Giesù figlio de Ddio, che nce avimmo nuje che spartere co ttico? Si vvenuto primma de lo tiempo a ncojetarce?³⁰E nce steva poco lontano da lloro na grossa man dra de puorce, che ppasceveno.³¹Li diavole po lo priavano, dicenno: Si tu nce cacce da ccà, mannance dinto a cchella mandra depuorce.³²Isso lle dicette: Jate. E cchille ascenno se nne jettero ncuorpo a li puorce, e ssubbeto co na gran pressa tutta la mandra se jettaje a mmare a rrotta de cuollo: e mmoretteno dinto a ll'acqua.³³E li pasture se nne fujettero: e arrevate a la cetà, contajeno tutte cose, e lo fatto de chille, ch'avevano tenute ncuorpo li diavole.³⁴E nnitto nfatto tutta la cetà ascette nnante a Giesù: e nninche lo vedettero, lo priajeno de scostarse da chille contuorne.