Lo Santo Vangelio seconno Matteo 11

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E SSUCCEDETTE, ca Giesù, avenno fenuto de dà sti commannamiente a li dudece discipole suoje, se nne passaje da llà pe gghji mparanno, e ppredecanno pe le ccetà lloro.²Ma Giovanne nninche sentette da le ccarcere li fatte de Cristo, mannaje duje de li discipole suoje³A ddirle: Si ttu chillo, che stai pe vveni, o aspet tammo a nn' auto? a vanne chello, ch'avite sentuto, e vvisto.⁴E Giesù le risponnette: Jate e ccontate a Giovanne chello, ch'avite sentuto, e vvisto.⁵Li cecate nce vedeno, li zuoppe camminano, li lebbruse so mmunnate, li surde senteno, li muorte re suscetano, a li poverielle se predeca lo vangelio:⁶E vviato a cchillo, che nnon se scannalizza pe mme..⁷E ddoppo che cchille se nne jettero, Giesù accommenzaje a pparlà de Giovanne a la folla: Che ssite jute a vvede dinto a lo desierto? na canna sbattuta da lo viento?⁸Ma pure, che ssite jute a vvedė? n'ommo co no bello vestito? Ecco ca chille, che tteneno no bello vestito, stanno dint'a li palazze de li rri.⁹Ma pure, che ssite jute a vvede? no profeta? Si, ve dico, e cchiù dde no profeta.¹⁰Pecchè chist' è cchillo, ch'è stato scritto: Ecco ca io manno ll'angiolo mio nnante a la faccia toja, p'ap paricchià la strata toja nnante a tte.¹¹Accossi è ve dico, de tutte chille, che ssongo nate da na femmena non ascette maje nisciuno cchiù ggruosso de Giovanne Battista: ma pure lo cchiù ppeccerillo a lo regno de lo cielo, è cchiù ggruosso d' isso.¹²Ora da lo tiempo de Giovanne Battista nzi a mmo, lo regno de lo cielo s'ave co la forza, e cchille, che tteneno forza se l' acchiappano.¹³Pecchè tutte li profete, e la legge ànno parlato nzi a Giovanne:¹⁴E ssi vuje la volite ntennere, chist è cchillo Elia, ch' aveva da veni.¹⁵Chi ave recchie da sentere, che ssente.¹⁶Ma a cche ccosa pozzo arrassomiglià chesta razza d'uommene? Essa è ccomme a cchille guagliune, che stanno assettate pe la chiazza, e strillanno co li compagne,¹⁷Diceno: Nuje avimmo sonato, e vvuje non avite abballato: nce simmo lamentate, e nnon avite chiagnuto,¹⁸Pecchè è vvenuto Giovanne, che nnon magnava, e nnon beveva, e lloro diceno: Tene lo demmonio ncuor po.¹⁹È vvenuto lo Figlio de ll'ommo, che mmagna e bbeve, e ddiceno: Eccote no mangione, no mbriacone, amico de li gabbellote e dde li peccature. Ma la sapienzia è stata canosciuta pe vvia de li figlie suoje.²⁰Tanno accommenzaje a rrenfaccià a le ccetà, addo assaje de li miracole suoje erano succiesse, ca non avevano fatto penitenzia.²¹Guaje a tte, Corozzain, guaje a tte, Bezzaida: pecchè, si dinto Tiro, e ddinto Sidone fossero succiesse chille miracole, che sso ssucciesse mmiez' a vvuje, da quanto tiempo avarriano fatto penitenzia co lo cilizio e cco la cennere!²²Ma io ve dico: Tiro, e Ssidone jarranno cchiù llisce de vuje a lo juorno de lo judicio.²³E ttu, Cafarnao, te nnauzarraje a lo cielo? tu sprofonnarraje dinto a lo nfierno: pecchè, si dinto Soddoma fossero succiesse chille miracole, che sso ssucciesse pe vvicino a tte, pò essere, ca nce starria ancora nzi a cchisto juorno.²⁴Pe cchesto io ve dico, ca la terra de Soddoma jarrà cchiù lleggia de vuje a lo juorno de lo judicio.²⁵Tanno Giesù, comme si responnesse, dicette: Io te faccio testemmonia, Patre mio, patrone de lo cielo e dde la terra, ca tu annasconniste cheste ccose a li sapiente e a li dotture, e lle ffaciste sapè a li peccerille.²⁶Accossi Patre mio: pecchè accossi te piacette.²⁷Tutte cose m'è stato dato da lo Patre mio. E nni sciuno canosce lo Figlio, fora de lo Patre: e nnisciuno canosce lo Patre, fora de lo Figlio, e ffora de chille, che lo Figlio nce l' à voluto fà assapè.²⁸Venitevenne addò me tutte vuje, che ssite affaticate, e cche nnon ve fidate cchiù, e io ve faccio arreposà.²⁹Pigliateve ncuollo lo jugo mio, e mparateve da me, ca io so mmanzo e ummele de core: e accossi trovate a abbuscarve ll'anema vosta.³⁰Pecchè lo jugo mio è ddoce, e lo peso mio è llieggio.