Lo Santo Vangelio seconno Matteo 12

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ACCHILLE tiempe Giesù passava no juorno de sabbeto pe no campo semmenato de grano: e li discipole suoje morennose de famma accommenzajeno a ccogliere le spiche, e a mmagnareselle.²Vedenno chesto li Fariseje, le dicettero: Ecco ca li discipole tuoje fanno chello, che nnon se pò ffà lo juorno de sabbeto.³Ma isso lle dicette: Non avite leggiuto, che ffacette Ddavide, quanno le venette la famma, e cchille che stevano co isso:⁴Comme trasette dinto a la casa de Ddio, e sse ma gnaje le ppanelle de la proposizione, che nnon se poteveno magnà nè dda isso, nè dda chille, che stevano co isso, ma schitto da li sagiardote?⁵Ennon avite leggiuto dinto a la legge, ca lo juorno de sabbeto li sagiardote dinto a lo tempio guastano lo sabbeto, e nnon fanno peccato?⁶Io po ve dico, ca nce sta ccà chi è mmeglio de lo tempio.⁷Si po saparrisseve che vvene a ddicere: Io voglio la misericordia, e nnon lo sacreficio: non avarrisseve maje connannate a li nnociente:⁸Pecchè lo Figlio de ll'ommo è ppatrone pure de lo sabbeto.⁹E ddoppo che se nne passaje da llà, jette dinto a la sinagoca lloro.¹⁰E eccote n'ommo, che tteneva na mano seccata, e ll'addimmannavano, dicenno: Se po mmedecà lo juorno de sabbeto? ll'accusà.¹¹Ma isso lle dicette: Chi de vuje, che ttene na pecora, si chesta lo juorno de sabbeto cade dinto a no fuosso, non la piglia, e la tira da llà bbascio?¹²Quant'è cchiù mmeglio n'ommo de na pecora? Donca de sabbeto se pò ffà lo bbene.¹³Tanno dicette a chill' ommo: Stienne la mano. E isso la stennette, e addeventaje bbona comme a ll'auta.¹⁴Ma li Fariseje asciute da llà, facettero concierto contro d'isso, comme levarnelo da lo munno.¹⁵Ma Giesù sapennolo se scostaje da llà: e lle jettero appriesso uommene assaje, e isso tutte li ssanaje:¹⁶E lle commannaje, che nnon lo gghiessero strom metteanno.¹⁷Azzò succedesse chello, ch' era stato ditto da lo profeta Isaia, che ddice:¹⁸Ecco lo figliulo mio, che mm'aggio sciveto, lo carito mio, che ttanto me nne so ppriato dinto a ll'anema mia. Ncoppa a isso mettarraggio lo Spireto mio, e ffarrà canoscere la justizia a ttutte li paise de lo munno.¹⁹Non s'appiccecarrà, nè alluccarrà, e nnisciuno sentarrà pe le cchiazze la voce soja:²⁰Isso non rromparrà la canna spaccata, e nnon stutarrà lo lucigno, che ffummechea, pe nzi a cche non porta a vvencere la justizia:²¹E a lo nomme sujo avarranno speranza li popole de la terra.²²Tanno le fuje portato n' ommo, che tteneva ncuorpo lo diavolo, cecato e mmuto, e lo sanaje, che pparlava e rvedeva.²³E ttutta la folla asceva fora de se, e ddiceveno: Fosse chisto lo figlio de Ddavide?²⁴Ma li Fariseje sentenno chesto, dicettero: Chisto non caccia li demmuonie, si non è co ll' ajuto de Berzebù lo capo de li demmuonie.²⁵Giesù po canuscenno li penziere lloro, lle dicette: Ogne rregno, addò nce stanno li partite, addeventa no desierto; e ogne ccetà, o casa, addò nce stanno li partite, non dura.²⁶Essi satanasso caccia a ssatanasso, sta nguerra co isso stesso: donca comme pò durà lo regno sujo?²⁷E ss' io caccio li demmuonie co ll'ajuto de Berzebù, co ll'ajuto de chi li cacciano li figlie vuoste? Pe cchesto lloro sarranno li judece vuoste.²⁸Si po co ll' ajuto de lo spireto de Ddio io caccio li demmuonie, donca è arrevato mmiez' a vvuje loregno de Ddio.²⁹Comme pò quarcuno trasi dinto a la casa de n'ommo forte, e acchiapparse la rrobba soja, si primma non ll'attacca? e ttanno le pò sacchià la casa.³⁰Chi non sta co mme, sta contra a mme: e cchi non auna co mme, va sperdenno.³¹Pe cchesto io ve dico: Ogne ppeccato, e ogne gghiastemma sarrà pperdonata a ll' uommene, ma la jastemma de lo Spireto ssanto non sarrà pperdonata.³²Ecchiunche sparlarrà de lo Figlio de ll'ommo, le sarrà pperdonato: chi po sparlarrà de lo Spireto ssanto, non le sarrà pperdonato nè a cchisto tiempo, nè a cchillo, ch' à dda veni.³³O facite ll'arbero buono, e buono avit' a fà lo frutto sujo: o facite ll'arbero cattivo, e ccattivo avit' a fà lo frutto sujo: pecchè da lo frutto se canosce la chianta.³⁴Razza de vipere, comme potite parlà bbuono vuje, che ssite cattive? pecchè la vocca parla, quanno è cchino lo core.³⁵L'ommo da bbene caccia lo bbene da no buono stipo: e llommo cattivo caccia lo mnale da no stipo cattivo.³⁶Io ve dico, ca d' ogne pparola scema, ch' avar роranno ditto ll'uommene, ne darranno cunto a lo juorno de lo judicio.³⁷Pecchè pe le pparole toje sarraje assoluto, e ppe le pparole toje sarraje connannato.³⁸Allora cierte Scribbe e Ffariseje lebbrecajeno, dicenno: Si Mà, volimmo vedè da te quarche mmiracolo.³⁹Ma isso lle responnette: Chesta razza malandrina, e ncredula va cercanno no miracolo: e mmiracolo non se le darrà, si non è lo miracolo de Giona profeta.⁴⁰Pecchè comme Giona stette pe ttre gghiuorne, e ttre nnotte dint' a la panza de la bbalena, accossi starrà lo Figlio dell' ommo dinto a lo core de la terra pe ttre gghiuorne, e ttre nnotte.⁴¹Ll'uommene de Nineve s' auzarranno contra a sta razza lo juorno de lo judicio, e la connannarranno: pecchè lloro facettero penitenzia pe le ppredeche de Giona. E ecco ccà uno, ch'è cchiù dde Giona.⁴²La regina de lo miezjuorno s'auzarrà contra a sta razza, quanno sarrà lo judicio, e la connannarrà: pecchè venette da ll' urdemo de lo munno a ssenti la sapienzia de Salamone, e ecco ccà uno, ch'è cchiù dde Salamone,⁴³Quanno lo spireto spuorco è asciuto da cuorpo a nn'ommo, va cammenanno pe li luoche asciutte, cercanno no ristoro, e nnon lo trova.⁴⁴Tanno dice: Mo mme nne torno a la casa mia, da ddo so asciuto. E arrevanno la trova vacante, scopata, e aparata.⁴⁵E ttanno va, e ppiglia sette aute spirete cchiù ccattive d'isso, e ttraseno a starsene llà: e a ll' urdemo chill' ommo se trova pevo de primma. Accossì sarrà pure pe cchesta razza 'malandrina.⁴⁶Pe ttramente secutava a pparlà a la folla, ecco ca la mamma, e li frate suoje stevano fora, e ccercavano de le parlà.⁴⁷E no tale le dicette: Vi ca mammeta, e li frate tuoje stanno fora cercanno de te.⁴⁸Ma isso responnenno a cchillo, che le parlava, le dicette: Chi è la mamma mia, e cchi so li frate mieje?⁴⁹E stennenno la mano a li discipole suoje, dicette: Ecco la mamma mia, e li frate mieje.⁵⁰Pecchè chiunche fa la volontà de lo Patre mio, che sta ncielo: chisto m'è ffrate, m'è ssora, e mmamma.