Lo Santo Vangelio seconno Matteo 3

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ACCHILLE tiempe venette Giovanne Battista pre decanno dinto a lo desierto de la Giudea,²E ddicenno: Facite penitenzia: pecchè s'è acco stato lo regno de lo cielo.³Pecchè chisto è cchillo, che ffuje ditto da Isaia profeta, che ddiceva: Na voce allucca dinto a lo desierto: Apparicchiate la via de lo Signore: acchianate le strate soje.⁴Ora sto Giovanne teneva no vestito de pile de camelo, e na cinta de pelle a li scianche: lo mmagna sujo erano ll' arille, e lo mmele sarvateco.⁵Tanno se nne jeva addò isso Gierusalemme, e ttutta la Giudea, e ttutte li paise, che stanno attuorno a lo Giordano;⁶E erano vattiate da isso dint' a lo Giordano, con fessannose de li peccate lloro.⁷Vedenno po assaje de li Fariseje, e dde li Sadduceje, che vveneveno a lo vattisemo sujo, lle dicette: Razza de vipere, chi và mparato a ffui da la collera, che vy'à dda veni ncuollo?⁸Donca facite frutte buone de penitenzia.⁹E nnon dicite nfra vuje e vvuje: Tenimmo Abbramo pe ppatre: Pecchè io ve dico, ca Ddio pò fà asci da ste pprete li figlie d'Abbramo.¹⁰Già l'accetta sta nfaccia a le rradeche de ll'arbere. Addonca ogne arbero, che non fa buono frutto, sarrà tagliato, e gghiettato dinto a lo ffuoco.¹¹Io ve vattejo co ll'acqua pe la penitenzia: ma chi venarrà doppo de me, è cchiù fforte de me, e io non songo buono manco a pportarle appriesso le scarpe: isso ve vattiarrà co lo Spireto ssanto, e cco lo ffuoco.¹²Isso tene la pala mmano: e annettarrà tutta ll'a ria soja: e aunarrà tutto lo ggrano dinto a lo magazzeno: ma la paglia l'abbrusciarrà co no fuoco, che nnon se stuta maje.¹³Tanno Giesù arrevaje da la Galilea a lo Giordano, e gghiette addò Giovanne, p' essere vattiato da isso.¹⁴Ma Giovanne non voleva, dicenno: Io aggio a essere vattiato da te, e ttu te nne viene addò me?¹⁵Ma Giesù responnenno, le dicette: Lassame fà mo: pecchè nuje avimm'a fà tutta la justizia. Allora lo lassaje fà.¹⁶Vattiato che ffuje Giesù, subbeto se nne sagliette da dint'a ll'acqua. E eccote ca s'arapette lo cielo: e vvedette lo Spireto de Ddio, che scenneva comme a no palummo, e cche vveneva ncoppa a isso.¹⁷E eccote na voce da lo cielo, che ddicette: Chisto è lo figlio mio carito, de chisto me songo priato propio assaje.