Lo Santo Vangelio seconno Matteo 4

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹TANNO Giesù fuje portato da lo Spireto dint' a lo desierto, p'essere tentato da lo diavolo.²E ddoppo quaranta juorne, e quaranta notte, che stette diuno, le venette la famma.³E accostannose lo tentatore le dicette: Si tu si ffiglio de Ddio, dì a ste pprete d'addeventà pane.⁴Lo quale responnenno dicette: Sta scritto: Non de pane sulo ll'campa ommo, ma d'ogne pparola, ch'e sce da la vocca de Ddio.⁵Allora lo diavolo pigliannolo lo portaje dinto a la cetà ssanta, e lo posaje ncoppa a lo cupolino de lo tempio,⁶E lle dicette: Si tu si ffiglio de Ddio, jettat'abba scio. Pecchè sta scritto: Ca à raccomannato a ll' angiole suoje, e tt'auzarranno ncoppa a le mmane, azzò non ntuppe co lo pede nfaccia a la preta.⁷Le dicette Giesù: Ma sta pure scritto: Non tentà lo Signore Ddio tujo.⁸Lo Diavolo tornaje a afferrarlo, e lo portaje ncoppa a no monte auto auto: e lle mostaje tutte li regne de lo munno, e lo sbrennore lloro,⁹E lle dicette: Te dongo tutte ste ccose, si jettan note de faccia nterra m'adure.¹⁰Tanno Giesù le dicette: Vattenne, Satanà: pecchè sta scritto: Adora lo Signore Ddio tujo, e ssierve a isso sulo.¹¹Tanno lo diavolo lo lassaje: e eccote ca ll'angiole se ll'accostajeno, e lo serveveno.¹²Giesù nninche sentette, ca Giovanne era stato carcerato, se nne jette da le pparte de la Galilea:¹³E llassanno la cetà de Nazzarette, venette, e innettette casa a Ccafarnao paese de vicino a mare,Zzabbulon, e Nneftalim.¹⁴Azzò succedesse chello, che ffuje ditto da Isaia profeta:¹⁵Terra de Zabbulon, e tterra de Neftalim, strata che ppuorte a lo mare, che sta da ll'auta banna de lo sciummo Giordano, la Galilea de li paise,¹⁶Lo popolo, che steva a lo scuro, à visto no forte sbrennore: è asciuto lo sole pe cchille, che stevano a lo paese scuro de la morte.¹⁷Da tanno Giesù accommenzaje a ppredecà, e a ddicere: Facite penitenzia: pecchè se va accostanno lo regno de lo cielo.¹⁸E ccammenanno Giesù rente a lo mare de la Galilea, vedette duje frate, Simone, che se chiamma Pietro, e Andrea frate de chillo, che gghiettavano a mmare le rrezze (pecchè erano pescature),¹⁹E lle dicette: Venite appriesso a nime, e vve far raggio addeventà pescature d'uommene.²⁰E cchille nnitto nfatto, lassate le rrezze, lle jette r'appriesso.²¹Edda llà jenno nnanze, vedette duje aute frate, Giacomo figlio de Zebbedeo, e Giovanne frate de chisto, dint'a na varca co lo patre lloro Zebbedeo, che se stevano acconcianno le rrezze: e li cchiammaje.²²Lloro po subbeto, lassanno le rrezze e lo patre, He jetter' appriesso.²³E Giesù jeva giranno pe ttutta la Galilea, danno lezzione pe le ssinagoche lloro, e ppredecanno lo vangelio de lo regno, e ssananno ogne ddolore, e ogne mmalatia de lo popolo.²⁴E sse nne spannette la nnommenata pe ttutta la Siria, e lle portajeno tutte chille, che stevano malate, affritte da debbolezze e dda dolure, e cchille che tteneve no ncuorpo li demmuonie, e cchille co lo mmale de luna, e li ciunche, e li ssanaje:²⁵E lle jette appriesso assaje gente de la Galilea, de la Decapole, de Gierusalemme, de la Giudea, e dde lo paese, che sta da ll'auta banna de lo sciummo Giordano.