Ecclesiasticus 23
123456789101112131415161718192021222324252627282930313233343536373839404142434445464748495051
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Domine, pater et dominator vitæ meæ, ne derelinquas me in consilio eorum, nec sinas me cadere in illis. | 1 Domine, pater et dominator vitae meae, ne derelinquas me in consilio eorum nec sinas me cadere in illis. |
2 Quis superponet in cogitatu meo flagella, et in corde meo doctrinam sapientiæ, ut ignorationibus eorum non parcant mihi, et non appareant delicta eorum, | 2 Quis superponet in cogitatu meo flagella et in corde meo doctrinam sapientiae, ut ignorationibus meis non parcant mihi, et non appareant delicta mea, |
3 et ne adincrescant ignorantiæ meæ, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus ? | 3 et ne adincrescant ignorantiae meae, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus? |
4 Domine, pater et Deus vitæ meæ, ne derelinquas me in cogitatu illorum. | 4 Domine, pater et Deus vitae meae, ne derelinquas me in cogitatu illorum. |
5 Extollentiam oculorum meorum ne dederis mihi, et omne desiderium averte a me. | 5 Extollentiam oculorum meorum ne dederis mihi et omne desiderium averte a me. |
6 Aufer a me ventris concupiscentias, et concubitus concupiscentiæ ne apprehendant me, et animæ irreverenti et infrunitæ ne tradas me. | 6 Aufer a me ventris concupiscentias, et concubitus concupiscentiae ne apprehendant me, et animae irreverenti et infrunitae ne tradas me. |
7 Doctrinam oris audite, filii : et qui custodierit illam non periet labiis, nec scandalizabitur in operibus nequissimis. | 7 De doctrina oris. Doctrinam oris audite, filii; et, qui custodierit illam, non capietur labiis nec scandalizabitur in operibus nequissimis. |
8 In vanitate sua apprehenditur peccator : et superbus et maledicus scandalizabitur in illis. | 8 In labiis suis apprehendetur peccator, et maledicus et superbus scandalizabitur in illis. |
9 Jurationi non assuescat os tuum : multi enim casus in illa. | 9 Iurationi non assuescas os tuum: multi enim casus in illa. |
10 Nominatio vero Dei non sit assidua in ore tuo, et nominibus sanctorum non admiscearis, quoniam non erit immunis ab eis. | 10 Nominatio vero Dei non sit assidua in ore tuo, et nominibus sanctorum non admiscearis, quoniam non eris immunis ab eis. |
11 Sicut enim servus interrogatus assidue a livore non minuitur, sic omnis jurans et nominans in toto a peccato non purgabitur. | 11 Sicut enim servus exquisitus assidue livore carere non poterit, sic omnis iurans et nominans in toto a peccato non purgabitur. |
12 Vir multum jurans implebitur iniquitate, et non discedet a domo illius plaga. | 12 Vir multum iurans implebitur iniquitate, et non discedet a domo illius plaga. |
13 Et si frustraverit, delictum illius super ipsum erit : et si dissimulaverit, delinquit dupliciter : | 13 Et, si frustraverit, delictum illius super ipsum erit; et, si dissimulaverit, delinquet dupliciter. |
14 et si in vacuum juraverit, non justificabitur : replebitur enim retributione domus illius. | 14 Et, si in vacuum iuraverit, non iustificabitur: replebitur enim malis domus illius. |
15 Est et alia loquela contraria morti : non inveniatur in hæreditate Jacob. | 15 Est et alia loquela morti comparanda: non inveniatur in hereditate Iacob. |
16 Etenim a misericordibus omnia hæc auferentur, et in delictis non volutabuntur. | 16 Etenim a timoratis omnia haec sunt remota, et in delictis non volutabuntur. |
17 Indisciplinatæ loquelæ non assuescat os tuum : est enim in illa verbum peccati. | 17 Indisciplinatae turpitudini non assuescat os tuum: est enim in illa verbum peccati. |
18 Memento patris et matris tuæ : in medio enim magnatorum consistis : | 18 Memento patris et matris tuae, in medio enim magnatorum consistis; |
19 ne forte obliviscatur te Deus in conspectu illorum, et assiduitate tua infatuatus, improperium patiaris, et maluisses non nasci, et diem nativitatis tuæ maledicas. | 19 ne forte obliviscaris tui in conspectu illorum et assiduitate tua infatuatus improperium patiaris et maluisses non nasci et diem nativitatis tuae maledicas. |
20 Homo assuetus in verbis improperii in omnibus diebus suis non erudietur. | 20 Homo assuetus in verbis improperii in omnibus diebus suis non erudietur. |
21 Duo genera abundant in peccatis, et tertium adducit iram et perditionem. | 21 Duo genera abundant in peccatis, et tertium adducit iram et perditionem: |
22 Anima calida quasi ignis ardens, non extinguetur donec aliquid glutiat : | 22 anima calida quasi ignis ardens non exstinguetur, donec consumatur; |
23 et homo nequam in ore carnis suæ non desinet donec incendat ignem. | 23 et homo fornicarius in corpore carnis suae non desinet, donec incendat ignem. |
24 Homini fornicario omnis panis dulcis : non fatigabitur transgrediens usque ad finem. | 24 Homini fornicario omnis panis dulcis: non cessabit nisi in morte. |
25 Omnis homo qui transgreditur lectum suum, contemnens in animam suam, et dicens : Quis me videt ? | 25 Omnis homo, qui transgreditur super lectum suum contemnens in anima sua et dicens: “ Quis me videt? |
26 Tenebræ circumdant me, et parietes cooperiunt me, et nemo circumspicit me : quem vereor ? delictorum meorum non memorabitur Altissimus. | 26 Tenebrae circumdant me, et parietes cooperiunt me, et nemo circumspicit me; quem vereor? Delictorum meorum non memorabitur Altissimus ” |
27 Et non intelligit quoniam omnia videt oculus illius, quoniam expellit a se timorem Dei hujusmodi hominis timor, et oculi hominum timentes illum : | 27 et non intellegit quoniam omnia videt oculus illius, quoniam expellit a se timorem Dei huiusmodi hominis timor. Et oculi hominum sunt timor illius, |
28 et non cognovit quoniam oculi Domini multo plus lucidiores sunt super solem, circumspicientes omnes vias hominum, et profundum abyssi, et hominum corda, intuentes in absconditas partes. | 28 et non cognovit quoniam oculi Domini multo plus lucidiores sunt super solem circumspicientes omnes vias hominum et profundum abyssi et hominum corda intuentes in absconditas partes. |
29 Domino enim Deo antequam crearentur omnia sunt agnita : sic et post perfectum respicit omnia. | 29 Domino enim Deo, antequam crearentur, omnia sunt agnita; sic et, postquam perfecta sunt, respicit omnia. |
30 Hic in plateis civitatis vindicabitur, et quasi pullus equinus fugabitur, et ubi non speravit apprehendetur. | 30 Hic in plateis civitatis vindicabitur et quasi pullus equinus fugabitur et, ubi non speravit, apprehendetur; |
31 Et erit dedecus omnibus, eo quod non intellexerit timorem Domini. | 31 et erit dedecus omnibus, eo quod non intellexerit timorem Domini. |
32 Sic et mulier omnis relinquens virum suum, et statuens hæreditatem ex alieno matrimonio : | 32 Sic et mulier omnis relinquens virum suum et statuens hereditatem ex alieno matrimonio. |
33 primo enim in lege Altissimi incredibilis fuit : secundo in virum suum deliquit : tertio in adulterio fornicata est, et ex alio viro filios statuit sibi. | 33 Primo enim in lege Altissimi incredibilis fuit, secundo in virum suum deliquit, tertio in adulterio fornicata est et ex alio viro filios statuit sibi. |
34 Hæc in ecclesiam adducetur, et in filios ejus respicietur : | 34 Haec in ecclesiam adducetur et in filios eius respicietur; |
35 non tradent filii ejus radices, et rami ejus non dabunt fructum : | 35 non tradent filii eius radices, et rami eius non dabunt fructum: |
36 derelinquet in maledictum memoriam ejus, et dedecus illius non delebitur. | 36 derelinquet in maledictum memoriam suam, et dedecus illius non delebitur. |
37 Et agnoscent qui derelicti sunt, quoniam nihil melius est quam timor Dei, et nihil dulcius quam respicere in mandatis Domini. | 37 Et agnoscent, qui derelicti sunt, quoniam nihil melius est quam timor Dei, et nihil dulcius quam attendere mandatis Domini. |
38 Gloria magna est sequi Dominum : longitudo enim dierum assumetur ab eo. | 38 Gloria magna est sequi Dominum; longitudo enim dierum assumetur ab eo. |