Scrutatio

Lunedi, 29 aprile 2024 - Santa Caterina da Siena ( Letture di oggi)

Jó 22

font
VULGATANOVA VULGATA
1 Respondens autem Eliphaz Themanites, dixit :1 Respondens autem Eliphaz Themanites dixit:
2 Numquid Deo potest comparari homo,
etiam cum perfectæ fuerit scientiæ ?
2 “ Numquid Deo prodesse potest homo,
cum vix intellegens sibi ipse proderit?
3 Quid prodest Deo, si justus fueris ?
aut quid ei confers, si immaculata fuerit via tua ?
3 Quid prodest Omnipotenti, si iustus fueris,
aut quid ei confers, si immaculatam feceris viam tuam?
4 Numquid timens arguet te,
et veniet tecum in judicium,
4 Numquid pro tua pietate arguet te
et veniet tecum in iudicium?
5 et non propter malitiam tuam plurimam,
et infinitas iniquitates tuas ?
5 Et non propter malitiam tuam plurimam
et infinitas iniquitates tuas?
6 Abstulisti enim pignus fratrum tuorum sine causa,
et nudos spoliasti vestibus.
6 Sumpsisti enim pignori fratres tuos sine causa
et nudos spoliasti vestibus.
7 Aquam lasso non dedisti,
et esurienti subtraxisti panem.
7 Aquam lasso non dedisti
et esurienti cohibuisti panem.
8 In fortitudine brachii tui possidebas terram,
et potentissimus obtinebas eam.
8 Numquid viro forti brachio erit terra,
et acceptus sedebit in ea?
9 Viduas dimisisti vacuas,
et lacertos pupillorum comminuisti.
9 Viduas dimisisti vacuas
et lacertos pupillorum comminuisti.
10 Propterea circumdatus es laqueis,
et conturbat te formido subita.
10 Propterea circumdatus es laqueis,
et conturbat te subita formido.
11 Et putabas te tenebras non visurum,
et impetu aquarum inundantium non oppressum iri ?
11 Vel tenebras non vides,
et impetus aquarum opprimit te.
12 an non cogitas quod Deus excelsior cælo sit,
et super stellarum verticem sublimetur ?
12 “Nonne Deus excelsior caelo?
Et inspice stellarum verticem: quam sublimis!”.
13 Et dicis : Quid enim novit Deus ?
et quasi per caliginem judicat.
13 Et dicis: “Quid enim novit Deus
et quasi per caliginem iudicat?
14 Nubes latibulum ejus, nec nostra considerat,
et circa cardines cæli perambulat.
14 Nubes latibulum eius, nec nostra considerat;
et circa orbem caeli perambulat”.
15 Numquid semitam sæculorum custodire cupis,
quam calcaverunt viri iniqui,
15 Numquid semitam saeculorum custodire cupis,
quam calcaverunt viri iniqui?
16 qui sublati sunt ante tempus suum,
et fluvius subvertit fundamentum eorum ?
16 Qui sublati ante tempus suum,
et fluvius subvertit fundamentum eorum.
17 Qui dicebant Deo : Recede a nobis :
et quasi nihil posset facere Omnipotens, æstimabant eum,
17 Qui dicebant Deo: “Recede a nobis!”
et “Quid faciet Omnipotens nobis?”.
18 cum ille implesset domos eorum bonis :
quorum sententia procul sit a me.
18 Cum ille implesset domos eorum bonis,
quorum sententia procul erat ab eo.
19 Videbunt justi, et lætabuntur,
et innocens subsannabit eos :
19 Videbunt iusti et laetabuntur,
et innocens subsannabit eos:
20 nonne succisa est erectio eorum ?
et reliquias eorum devoravit ignis ?
20 “Vere succisus est status eorum,
et reliquias eorum devoravit ignis”.
21 Acquiesce igitur ei, et habeto pacem,
et per hæc habebis fructus optimos.
21 Acquiesce igitur ei, et habeto pacem;
et per haec habebis fructus optimos.
22 Suscipe ex ore illius legem,
et pone sermones ejus in corde tuo.
22 Suscipe ex ore illius legem
et pone sermones eius in corde tuo.
23 Si reversus fueris ad Omnipotentem, ædificaberis,
et longe facies iniquitatem a tabernaculo tuo.
23 Si reversus fueris ad Omnipotentem, aedificaberis
et longe facies iniquitatem a tabernaculo tuo.
24 Dabit pro terra silicem,
et pro silice torrentes aureos.
24 Comparabis tamquam terram aurum
et tamquam glaream torrentis Ophir.
25 Eritque Omnipotens contra hostes tuos,
et argentum coacervabitur tibi.
25 Eritque Omnipotens metallum tuum,
et argentum coacervabitur tibi.
26 Tunc super Omnipotentem deliciis afflues,
et elevabis ad Deum faciem tuam.
26 Tunc super Omnipotentem deliciis afflues
et elevabis ad Deum faciem tuam.
27 Rogabis eum, et exaudiet te,
et vota tua reddes.
27 Supplex rogabis eum, et exaudiet te,
et vota tua reddes.
28 Decernes rem, et veniet tibi,
et in viis tuis splendebit lumen.
28 Decernes rem, et veniet tibi,
et in viis tuis splendebit lumen.
29 Qui enim humiliatus fuerit, erit in gloria,
et qui inclinaverit oculos, ipse salvabitur.
29 Quia humiliat eum, qui loquitur superba,
et demissus oculis ipse salvabitur.
30 Salvabitur innocens :
salvabitur autem in munditia manuum suarum.		30 Eripiet innocentem,
eripietur autem in munditia manuum suarum ”.