Vangelo secondo Giovanni 16

¹ Haec locutus sum vobis, ut non scandalizemini.

² Absque synagogisfacient vos; sed venit hora, ut omnis, qui interficit vos, arbitretur obsequiumse praestare Deo.

³ Et haec facient, quia non noverunt Patrem neque me.

⁴ Sedhaec locutus sum vobis, ut, cum venerit hora eorum, reminiscamini eorum, quiaego dixi vobis. Haec autem vobis ab initio non dixi, quia vobiscum eram.

⁵ At nunc vado ad eum, qui me misit, et nemo ex vobis interrogat me: “Quovadis?”.

⁶ Sed quia haec locutus sum vobis, tristitia implevit cor vestrum.

⁷ Sed ego veritatem dico vobis: Expedit vobis, ut ego vadam. Si enim non abiero,Paraclitus non veniet ad vos; si autem abiero, mittam eum ad vos.

⁸ Et cumvenerit ille, arguet mundum de peccato et de iustitia et de iudicio:

⁹ depeccato quidem, quia non credunt in me;

¹⁰ de iustitia vero, quia ad Patremvado, et iam non videtis me;

¹¹ de iudicio autem, quia princeps mundi huiusiudicatus est.

¹² Adhuc multa habeo vobis dicere, sed non potestis portare modo.

¹³ Cum autemvenerit ille, Spiritus veritatis, deducet vos in omnem veritatem; non enimloquetur a semetipso, sed quaecumque audiet, loquetur et, quae ventura sunt,annuntiabit vobis.

¹⁴ Ille me clarificabit, quia de meo accipiet et annuntiabitvobis.

¹⁵ Omnia, quaecumque habet Pater, mea sunt; propterea dixi quia de meoaccipit et annuntiabit vobis.

¹⁶ Modicum, et iam non videtis me; et iterum modicum, et videbitis me ”.

¹⁷ Dixerunt ergo ex discipulis eius ad invicem: “ Quid est hoc, quod dicit nobis:“Modicum, et non videtis me; et iterum modicum, et videbitis me” et: “Vadoad Patrem”? ”.

¹⁸ Dicebant ergo: “ Quid est hoc, quod dicit: “Modicum”?Nescimus quid loquitur ”.

¹⁹ Cognovit Iesus quia volebant eum interrogare etdixit eis: “ De hoc quaeritis inter vos, quia dixi: “Modicum, et non videtisme; et iterum modicum, et videbitis me”?

²⁰ Amen, amen dico vobis quiaplorabitis et flebitis vos, mundus autem gaudebit; vos contristabimini, sedtristitia vestra vertetur in gaudium.

²¹ Mulier, cum parit, tristitiam habet,quia venit hora eius; cum autem pepererit puerum, iam non meminit pressuraepropter gaudium, quia natus est homo in mundum.

²² Et vos igitur nunc quidemtristitiam habetis; iterum autem videbo vos, et gaudebit cor vestrum, et gaudiumvestrum nemo tollit a vobis.

²³ Et in illo die me non rogabitis quidquam.
Amen, amen dico vobis: Si quid petieritis Patrem in nomine meo, dabit vobis.

²⁴ Usque modo non petistis quidquam in nomine meo. Petite et accipietis, ut gaudiumvestrum sit plenum.

²⁵ Haec in proverbiis locutus sum vobis; venit hora, cum iamnon in proverbiis loquar vobis, sed palam de Patre annuntiabo vobis.

²⁶ Illo diein nomine meo petetis, et non dico vobis quia ego rogabo Patrem de vobis;

²⁷ ipse enim Pater amat vos, quia vos me amastis et credidistis quia ego a Deoexivi.

²⁸ Exivi a Patre et veni in mundum; iterum relinquo mundum et vado adPatrem ”.

²⁹ Dicunt discipuli eius: “ Ecce nunc palam loqueris, etproverbium nullum dicis.

³⁰ Nunc scimus quia scis omnia, et non opus est tibi,ut quis te interroget; in hoc credimus quia a Deo existi ”.

³¹ Respondit eisIesus: “ Modo creditis?

³² Ecce venit hora et iam venit, ut dispergaminiunusquisque in propria et me solum relinquatis; et non sum solus, quia Patermecum est.

³³ Haec locutus sum vobis, ut in me pacem habeatis; in mundopressuram habetis, sed confidite, ego vici mundum ”.