ΠΑΡΟΙΜΙΑΙ - Proverbi - Proverbs 5

¹ υιε εμη σοφια προσεχε εμοις δε λογοις παραβαλλε σον ους

² ινα φυλαξης εννοιαν αγαθην αισθησιν δε εμων χειλεων εντελλομαι σοι

³ μη προσεχε φαυλη γυναικι μελι γαρ αποσταζει απο χειλεων γυναικος πορνης η προς καιρον λιπαινει σον φαρυγγα

⁴ υστερον μεντοι πικροτερον χολης ευρησεις και ηκονημενον μαλλον μαχαιρας διστομου

⁵ της γαρ αφροσυνης οι ποδες καταγουσιν τους χρωμενους αυτη μετα θανατου εις τον αδην τα δε ιχνη αυτης ουκ ερειδεται

⁶ οδους γαρ ζωης ουκ επερχεται σφαλεραι δε αι τροχιαι αυτης και ουκ ευγνωστοι

⁷ νυν ουν υιε ακουε μου και μη ακυρους ποιησης εμους λογους

⁸ μακραν ποιησον απ' αυτης σην οδον μη εγγισης προς θυραις οικων αυτης

⁹ ινα μη προη αλλοις ζωην σου και σον βιον ανελεημοσιν

¹⁰ ινα μη πλησθωσιν αλλοτριοι σης ισχυος οι δε σοι πονοι εις οικους αλλοτριων εισελθωσιν

¹¹ και μεταμεληθηση επ' εσχατων ηνικα αν κατατριβωσιν σαρκες σωματος σου

¹² και ερεις πως εμισησα παιδειαν και ελεγχους εξεκλινεν η καρδια μου

¹³ ουκ ηκουον φωνην παιδευοντος με και διδασκοντος με ουδε παρεβαλλον το ους μου

¹⁴ παρ' ολιγον εγενομην εν παντι κακω εν μεσω εκκλησιας και συναγωγης

¹⁵ πινε υδατα απο σων αγγειων και απο σων φρεατων πηγης

¹⁶ μη υπερεκχεισθω σοι τα υδατα εκ της σης πηγης εις δε σας πλατειας διαπορευεσθω τα σα υδατα

¹⁷ εστω σοι μονω υπαρχοντα και μηδεις αλλοτριος μετασχετω σοι

¹⁸ η πηγη σου του υδατος εστω σοι ιδια και συνευφραινου μετα γυναικος της εκ νεοτητος σου

¹⁹ ελαφος φιλιας και πωλος σων χαριτων ομιλειτω σοι η δε ιδια ηγεισθω σου και συνεστω σοι εν παντι καιρω εν γαρ τη ταυτης φιλια συμπεριφερομενος πολλοστος εση

²⁰ μη πολυς ισθι προς αλλοτριαν μηδε συνεχου αγκαλαις της μη ιδιας

²¹ ενωπιον γαρ εισιν των του θεου οφθαλμων οδοι ανδρος εις δε πασας τας τροχιας αυτου σκοπευει

²² παρανομιαι ανδρα αγρευουσιν σειραις δε των εαυτου αμαρτιων εκαστος σφιγγεται

²³ ουτος τελευτα μετα απαιδευτων εκ δε πληθους της εαυτου βιοτητος εξερριφη και απωλετο δι' αφροσυνην