ΨΑΛΜΟΙ - Salmi - Psalms 48

¹ εις το τελος τοις υιοις κορε ψαλμος

² ακουσατε ταυτα παντα τα εθνη ενωτισασθε παντες οι κατοικουντες την οικουμενην

³ οι τε γηγενεις και οι υιοι των ανθρωπων επι το αυτο πλουσιος και πενης

⁴ το στομα μου λαλησει σοφιαν και η μελετη της καρδιας μου συνεσιν

⁵ κλινω εις παραβολην το ους μου ανοιξω εν ψαλτηριω το προβλημα μου

⁶ ινα τι φοβουμαι εν ημερα πονηρα η ανομια της πτερνης μου κυκλωσει με

⁷ οι πεποιθοτες επι τη δυναμει αυτων και επι τω πληθει του πλουτου αυτων καυχωμενοι

⁸ αδελφος ου λυτρουται λυτρωσεται ανθρωπος ου δωσει τω θεω εξιλασμα αυτου

⁹ και την τιμην της λυτρωσεως της ψυχης αυτου

¹⁰ και εκοπασεν εις τον αιωνα και ζησεται εις τελος οτι ουκ οψεται καταφθοραν οταν ιδη σοφους αποθνησκοντας

¹¹ επι το αυτο αφρων και ανους απολουνται και καταλειψουσιν αλλοτριοις τον πλουτον αυτων

¹² και οι ταφοι αυτων οικιαι αυτων εις τον αιωνα σκηνωματα αυτων εις γενεαν και γενεαν επεκαλεσαντο τα ονοματα αυτων επι των γαιων αυτων

¹³ και ανθρωπος εν τιμη ων ου συνηκεν παρασυνεβληθη τοις κτηνεσιν τοις ανοητοις και ωμοιωθη αυτοις

¹⁴ αυτη η οδος αυτων σκανδαλον αυτοις και μετα ταυτα εν τω στοματι αυτων ευδοκησουσιν διαψαλμα

¹⁵ ως προβατα εν αδη εθεντο θανατος ποιμαινει αυτους και κατακυριευσουσιν αυτων οι ευθεις το πρωι και η βοηθεια αυτων παλαιωθησεται εν τω αδη εκ της δοξης αυτων

¹⁶ πλην ο θεος λυτρωσεται την ψυχην μου εκ χειρος αδου οταν λαμβανη με διαψαλμα

¹⁷ μη φοβου οταν πλουτηση ανθρωπος και οταν πληθυνθη η δοξα του οικου αυτου

¹⁸ οτι ουκ εν τω αποθνησκειν αυτον λημψεται τα παντα ουδε συγκαταβησεται αυτω η δοξα αυτου

¹⁹ οτι η ψυχη αυτου εν τη ζωη αυτου ευλογηθησεται εξομολογησεται σοι οταν αγαθυνης αυτω

²⁰ εισελευσεται εως γενεας πατερων αυτου εως αιωνος ουκ οψεται φως

²¹ ανθρωπος εν τιμη ων ου συνηκεν παρασυνεβληθη τοις κτηνεσιν τοις ανοητοις και ωμοιωθη αυτοις