ΙΩΒ - Giobbe - Job 34

¹ υπολαβων δε ελιους λεγει

² ακουσατε μου σοφοι επισταμενοι ενωτιζεσθε το καλον

³ οτι ους λογους δοκιμαζει και λαρυγξ γευεται βρωσιν

⁴ κρισιν ελωμεθα εαυτοις γνωμεν ανα μεσον εαυτων ο τι καλον

⁵ οτι ειρηκεν ιωβ δικαιος ειμι ο κυριος απηλλαξεν μου το κριμα

⁶ εψευσατο δε τω κριματι μου βιαιον το βελος μου ανευ αδικιας

⁷ τις ανηρ ωσπερ ιωβ πινων μυκτηρισμον ωσπερ υδωρ

⁸ ουχ αμαρτων ουδε ασεβησας η οδου κοινωνησας μετα ποιουντων τα ανομα του πορευθηναι μετα ασεβων

⁹ μη γαρ ειπης οτι ουκ εσται επισκοπη ανδρος και επισκοπη αυτω παρα κυριου

¹⁰ διο συνετοι καρδιας ακουσατε μου μη μοι ειη εναντι κυριου ασεβησαι και εναντι παντοκρατορος ταραξαι το δικαιον

¹¹ αλλα αποδιδοι ανθρωπω καθα ποιει εκαστος αυτων και εν τριβω ανδρος ευρησει αυτον

¹² οιη δε τον κυριον ατοπα ποιησειν η ο παντοκρατωρ ταραξει κρισιν

¹³ ος εποιησεν την γην τις δε εστιν ο ποιων την υπ' ουρανον και τα ενοντα παντα

¹⁴ ει γαρ βουλοιτο συνεχειν και το πνευμα παρ' αυτω κατασχειν

¹⁵ τελευτησει πασα σαρξ ομοθυμαδον πας δε βροτος εις γην απελευσεται οθεν και επλασθη

¹⁶ ει δε μη νουθετη ακουε ταυτα ενωτιζου φωνην ρηματων

¹⁷ ιδε συ τον μισουντα ανομα και τον ολλυντα τους πονηρους οντα αιωνιον δικαιον

¹⁸ ασεβης ο λεγων βασιλει παρανομεις ασεβεστατε τοις αρχουσιν

¹⁹ ος ουκ επησχυνθη προσωπον εντιμου ουδε οιδεν τιμην θεσθαι αδροις θαυμασθηναι προσωπα αυτων

²⁰ κενα δε αυτοις αποβησεται το κεκραγεναι και δεισθαι ανδρος εχρησαντο γαρ παρανομως εκκλινομενων αδυνατων

²¹ αυτος γαρ ορατης εστιν εργων ανθρωπων λεληθεν δε αυτον ουδεν ων πρασσουσιν

²² ουδε εσται τοπος του κρυβηναι τους ποιουντας τα ανομα

²³ οτι ουκ επ' ανδρα θησει ετι ο γαρ κυριος παντας εφορα

²⁴ ο καταλαμβανων ανεξιχνιαστα ενδοξα τε και εξαισια ων ουκ εστιν αριθμος

²⁵ ο γνωριζων αυτων τα εργα και στρεψει νυκτα και ταπεινωθησονται

²⁶ εσβεσεν δε ασεβεις ορατοι δε εναντιον αυτου

²⁷ οτι εξεκλιναν εκ νομου θεου δικαιωματα δε αυτου ουκ επεγνωσαν

²⁸ του επαγαγειν επ' αυτον κραυγην πενητος και κραυγην πτωχων εισακουσεται

²⁹ και αυτος ησυχιαν παρεξει και τις καταδικασεται και κρυψει προσωπον και τις οψεται αυτον και κατα εθνους και κατα ανθρωπου ομου

³⁰ βασιλευων ανθρωπον υποκριτην απο δυσκολιας λαου

³¹ οτι προς τον ισχυρον ο λεγων ειληφα ουκ ενεχυρασω

³² ανευ εμαυτου οψομαι συ δειξον μοι ει αδικιαν ηργασαμην ου μη προσθησω

³³ μη παρα σου αποτεισει αυτην οτι απωση οτι συ εκλεξη και ουκ εγω και τι εγνως λαλησον

³⁴ διο συνετοι καρδιας ερουσιν ταυτα ανηρ δε σοφος ακηκοεν μου το ρημα

³⁵ ιωβ δε ουκ εν συνεσει ελαλησεν τα δε ρηματα αυτου ουκ εν επιστημη

³⁶ ου μην δε αλλα μαθε ιωβ μη δως ετι ανταποκρισιν ωσπερ οι αφρονες

³⁷ ινα μη προσθωμεν εφ' αμαρτιαις ημων ανομια δε εφ' ημιν λογισθησεται πολλα λαλουντων ρηματα εναντιον του κυριου